لحم فخذ "تقريبا 1/2كيلو" يكون مجهز مسبقا بأنه يكون تم تنظيفه وغسله وتجميده
2م ك عصير ليمون
2م ك خل
توابل :فلفل اسود ، قرفة بهارات شوي " يعني غير بهارات الكبسة "
× اضافات ×
بقدونس مفروم خشن
بصل شرائح رقيقة مقلب في سماق
طحينية " المقادير تقريبية لأنها راجعة للذوق "
4-6 م ك طحينية
1فص ثوم صغير
6م ك روب
ملح
× الخبــز ×
3كاس طحين
رشة ملح
1م ص خميرة فورية
1م و سكر
وانا اضيف 2 م ك حليب بودر لان اللي عندي يحبونها طرية جدا ..
1 1/4 كاس ماء تقريبا ..
× الطريقة ×
وقت الطبخ نطلع اللحم من الفريز لمدة 10 -15دقيقة لا اكثر لانا ما نبيه يلين ..
اكيد البعض يتسائل عن سر الملصقة[COLOR=#3b9c9c]"شورما " خخخ ، انا من الناس اللي اوزع اللحم كل طبخة لها جزء خاص من الكتف او الفخذ ، يعني اذا ما يتوفر هالجزء ما اسوي هالطبق المعين ..وكانت ازمة الصباح وقت اطلع اللحم !! اللحم اذا تجمد تشابهه .. فطرى على بالي اني وقت ترتيب اللحم في الاكياس احط ملصقات على كل كيس دلاله عليه حتى وقت الطبخ بس اطالع الاسم واخذ وانا مطمئنه ..[/COLOR]
طبعا الخط خط بنتي .. تساعدني انا ارتب اللحم وهي تكتب <<يعني لا تقولون خط طفولي خخخ
نستخدم سكين حاده كبيره لتسهيل التقطيع ..
ونبدأ نقطع فيها وهي مجمدة وهالشي بخليها تطلع شرايح رقيقة ..تماما مثل الشورما الجاهزة لكن الفرق ان هذي شرائح قبل الطبخ ..
بعدين نرجع وكل شريحة نقطعها شرئح مثل عيدان البطاطا
نسخن مقلاة واسعة ونحط اللحم فيه ، اذا بدأ يتغير لونه نرش عليه نصف التوابل نغطيها ونخليها على نار هادئة ..
بعد 30دقيقة نضيف الخل و الليمون و الملح و بقية التوابل ونقلب بحذر .. اذا نشف الماء نضيف 1/2كوب شاي ماء ونخليه ثانية على النار حتى ينضج تماماً .
نقطة مهمة
لازم ننتبه ان اللحم ينضج بدون ما يتفتفت لانه بيتحول الى لحم مفروم وهذا شي ما نبيه والا كان من البداية استخدمنا لحم مفروم !
لاضافة نكهة الشواء المميزة اسوي حركة الجمرة والزيت بعد ما ارفعها من على النار ..
مثل ما تعرفونها قصديرة محكمة فيها كمية زيت بسيطة " تقريبا 1 م ك " وبيدك اليسار تمسكين الغطا حتى مجرد ما تحطين الجمرة المولعة تحطين الغطا فينكتم الدخان داخل الشورما ..
لحظـ.....ــات
"
