كلنا نحب الطباخ بس الريحه في ثيابنا عقب الطبخ وععععع:thumbs_down:
ركض على المسبح :lol:
المشكله اذا انتي توج طالعه من المسبح ومتعطرة ومتكشخه بس الظروف شاءت انج تطبخين :confused: وتتحسري على ريحتج الحلوة :lol:
المهم طولت عليكن بدش في الطبخه :D
هاي انا بروحي اخترعتها واعتمدتها اسويها وتطلع لذيذه
هو برياني دياي
تعالي اراويج كيف نسويها
راح ابدأ بالطريقة على طول
اولا : نجيب الصفريه ( ما نحطها بالنار خذوا بالكم) ونحط فيها قطع الدياي المغسول زين زين ونقطع بصل وفليفله وبطاطا ( وضيفي اي خضرة انتي تحبيها)
ثانيا نضيف مقدار فنجان زيت + ملح + نرش البهارات اللي نحبها والفلفل ونوزعها في المقادير << لاحظوا كل هذا ترا مو بالنار
ثالثا: ندق الثوم مع الفلفل وعقب نخلط وياه صلصه الطماطم ونضيف لها مقدار بيالة ماي
رااابعااا : نخلط الصلصه مع المقادير السابقة
خامسا : نضيف فوق هالخليط كله ارز مطبوخ سابقا ومستوي نص استوا مب كامل
سادسا : نضيف فوق الأرز ملعقتين زبدة وعقب نغطي الصفرية بالالومنيوم وندخلها الفرن
عقب نخليها في الفرن مدة تتراوح من 30 الى 45 دقيقة ع حسب الكمية اللي مسوتنها المهم ونطلعها قبل لا تحترق
ممكن البعض يخاف يقول شلون حاطة الدياي بدون طبخ
وانا اقولج لا تخافي راح تلقينه ناضج :thumbs_up: وانا مجربتنها اكثر من 100 مرة هالطبخه
اهم شي انه وزعنا كل المقادير بدون تحميص وريحه البصل والحمصه ماله
تحطيه وتروحي عنه ولا راح تطلع لج ريحة الاكل في ثيابج :worn_out:
وهاي النتيجة النهائية
حلوووو صح ؟؟؟:worn_out:
ولا تنسون تسووو مع ها الطبخه الروب وانا اسويه بطريقتي
(روب + بقدونس + فلفل+ ملح + عصرة ليمون+ ثوم + طمام ) احطهم بالخلاط يطلع واااو مع الغدا :adore:
اشرايكم بالطبخه؟؟ ابا رايكن بصراحه واللي عجبها تقيمني ;)