ازيكم جميعا يا بنات
يارب تكونو بالف خير يارب
بقى لي فترة مانزلتش مواضيع
قلت انزل لكو طريقة السمك الفيليه في الفرن بجد كان طعمه رائع والله واحسن من المقلي بكتيييييييييييير اوي
المقادير
سمك فيليه الكمية حسب الرغبة
بصل وتوم وحزمة بقدونس وفلفل اخضر وطماطم ولمون
وبهارات طبعا ملح وفلفل وكمون وشطة
ومعلقة صلصة طماطم
اول حاجة بندق التوم في الهون بالشكل ده
وبعد كده حطيت عليه البهارات بتاعتي واللمون
وبعد كده تبلت السمك بالتوم وحطيت معلقة الصلصة
وهنا شكله في التتبيلة
بعد كده بنقطع البصل والفلفل والطماطم لمكعبات وقطعنا البقدونس معاهم
وسخنا الطاسة على النار وحطيت شوية زيت بس مش كتير لان السمك بيكون فيه دهون
على فكرة شوية الزيت دول كانو كتير شوية
وبعد كده نزلنا بالبصل
وشوحنا شوية لحد ما بقى بالشكل ده
وبعد كده نزلنا بالطماطم والبقدونس والفلفل
وشوحنا شوية لمده خمس دقايق مثلا
وهنا شكله بعد ما الخليط بتاعنا خلص
بعد كده بنجيب صينية وندهنها زيت مش كتير برضو
وننزل بالخليط بتاعنا
وبعد كده ننفض السمك بتاعنا من التوم ونرصه في الصينية
وندخله الفرن على درجة حرارة عالية لانه هيستوي بسرعة وشوية ونولع الشواية عليه
وده شكله بعد ما طلع من الفرن
ده بقى هنا في طبق التقديم مع رز ابيض وسلاطة خضرا وسلاطة طحينة طبعا
هنا صورة اقرب لشكل السمك
وبسسسسسس كده سهل جدااااااااااااااا وطعمه جميل وصحي عن المقلي
وبالهنا والشفا ياقمرات
F:F:F:F:
F:F:F:
F:F:
F:
بنات انا صورت القالب اللي عملت بيه القلب بتاع الطماطم ده
هو قالب البيتي فور والشيكولاتة وفيه اشكال كتيرة منه بس انا حبيت شكل القلب
والحواف بتاعته بتكون قاسية شوية عشان تقطع الحاجة
طبعا لا احلل نقل الموضوع بدون ذكر المصدر لانه مجهود شخصي وحصري لعروس وبس