عروسات جده ممكن شوي ياقموراات

يووه ولا رد صراحه مصدومه

هلا ياعسل..
ذكرتيني بحوستي ايام ملكتي .. عسى الله ييسرلك ويسهلك..

شوفي.. قاعة الف ليلة وليلة جدا راقية وفخمة واهلي كانو يبغوها لملكتي بس انا رفضت لاني حسيتها راح تصير مبالغة.. اما لو فرح تكون حلوة.. فيها بلكونة مرتفعة زي نظام الكريستال تقريبا.. او الملكة.. وممر من البلكونة للكوشة للزفة.. او لو تحبي ترجعي من البلكونة وتدخلي من البوابة كمان فكرة حلوة.. القاعة مرتبة وجديدة ونظيفة.. مدخلها صغير ولها قاعة طعام مستقلة.. تستوعب لغاية 250 شخص.. بس للامانة اقولك عيوبها.. "عندهم شوية نظام نصب" لو ما فتحتي عيونك معاهم واعطيتيهم على راسهم.. كمان وقت الزفة يبعدو طاولات المعازيم اللي عند الممر ((احسها مرة عيب الحركة)).. يعني انا كنت في فرح قريبتي ووقت زفتها جات المضيفة وتبعد طاولاتنا وكراسينا اللي كنا قريبين من الباب :(..
انا عملت ملكتي في قاعة اللؤلؤة.. نفس الفندق.. وتستوعب 300... عيبها انها بأعمدة..
اوبس.. نسيت اقولك.. الف ليلة الوانها عالرماني.. او الزهري.. الجدران.. وفيها مرايات كبيرة في القاعة وسقفها عالي وكوشتها كبيرة وعالية ما شاء الله تبارك الله..
اللؤلؤة لونها عالاوف وايت بس ما فيها قاعة طعام.. يعني من البوفيه ويرجعو المعازيم على طاولاتهم.. كمان طريقة الزفة فيها بلكونة مالها داعي.. على جنب مرة ومحد يشوف العروسة.. نصيحتي لو فرح ما تاخديها خصوصا لو كنتي من محبي البلكونات :)

الخدمة ممتاااااااااااااااااااازة.. المشرفات خبرة ومتمرسات بس يحتاجو معصة اذن ويمشو معاكي زي الحلاوة.. الزفة عندهم لايف وانا كنت مرعوووووووووبة لاني حضرت في الدار البيضاء السلامة ملكة صحبتي وخبصولها زفتها.. بس دي اللي في رويال بنت شطورة اسمها "رنا".. ماسكة الديجي وشغلها مرة فنان محد يحس بشي,, وانا حمدت ربي انها زفتي كانت لايف لانو صار تأخير ولخبطة شوية ((يارب ما يصير معاكي شي )) بس محد لاحظ ولله الحمد..

امممممممممممم.. لسة في كلامااااااااات كتيرات :).. بس شوفي ايش حابة اساعدك فيه وانا حاضرة.. من كوشة ومسكة وافكار .... الخ

موفقة يارب :)

اما حبيبتي بخصوص قاعة الشيراتون ما اعرفها ..

سومي ياربي يسعدك ياروحي بجد طمنتيني عيوني طيب بسالك عن كوشت الف ليله يحتااج اغيرها ولا حلوه كماان المسكه من فين اجيبها والكوشه وشريط الزفه فين سويتيه انقذيني خخخخخخخ الله يفرج همك يارب ويسعدك في دارين

سومس عيوني نسيت بعد ابي اسالك ابي افكار حلوه بعد ماتجلس العروسه ع الكوشه يعني ابي شي جديد وحلوو مثلا نفسي اجيب فرقه تسوي دبكه لبنانيه زي كدا فاهمه عليه

نسرين جده;12501232:
سومي ياربي يسعدك ياروحي بجد طمنتيني عيوني طيب بسالك عن كوشت الف ليله يحتااج اغيرها ولا حلوه كماان المسكه من فين اجيبها والكوشه وشريط الزفه فين سويتيه انقذيني خخخخخخخ الله يفرج همك يارب ويسعدك في دارين

عسى ربي يسعدك انتي كمان ويوفقك وييسرلنا كل امورنا..
بخصوص كوشة الف ليلة.. هي كبيرة.. وبرأيي تحتاج ولو لمسات بسيطة.. شي ناعم وعلى ذوقك.. لانهم في الفندق ما يقدمولك كوشة فري.. ولو حابة من عندهم اتذكر سعرها كان بين الـ4 و الـ6 الاف.. وبصراحة انا شفتها مرة ما تسوى.. في دي الحدود تقدري تطلعي شي اجدد واذوق بكتيييييييييييير.. هم راح يدلوكي على محل اسمه ((موناستيرا)) شغله حلو واسعاره نسبيا مرتفعة.. شخصيا ما جربته.. بس شفت شغله في ملكة قريبتي وفي نفس القاعة.. وعلى السعر ما ابدع كتير.. بس لو بدك ادلك على المحل اللي عملت عنده كوشتي ومسكتي.. والله واحد مرة خبير وشاطر واسعاره مرة بلاش.. واي ديزاين من النت ممكن ينفذلك هو.. اعطيه البكج حقك وما راح يقصر.. وعملت كمان عنده مسكتي وكانت مرة واو.. ماشاء الله تبارك الله لدرجة 3 من صحباتي وصحبات اخواتي راحو عملوها نفسها بس فرق اللون.. وناوية ارجعله في الفرح دحين باذن الله..
بخصوص الزفة روحي اسمعي اغاني الفندق.. عندهم مجموعة حلوة.. انا شخصيا زفتي كانت ايقاعات وبدون موسيقى وبعض الاغاني انا جبتها من عندي.. واطمنك لا تخافي من زفاتهم اللايف.. ترى انا كنت شبه مرعوبة ومنهارة والحمد لله طلعت احلى مما اتوقعت مرتبة ورايقة ومنظمة جدا..

اما بخصوص فكرة الدبكة ذكرتيني بخطيبي .. مرة متحمس يجيب فرقة زي كده في الفرح.. بس بصراحة ما عندي اي فكرة عن الموضوع..:confused:
واي استفسار تاني انا حاضرة ياعسل :lol:

قاعة الف ليلة وليله رااااااااااااااااائعه بمعنى الكلمه اتوقع لو عملتي فرحك فيها مح تندمي بالعكس حتنبسطي .. ولو تجيبي فرقة استعراضيه تسوي استعراض وانتي ع البلكونه يكون احلى من وانتي ع الكوشه والله يوفقك يااااااارب ..

:lol:
واااااااااااو..
فكرة فوفو مرة روعة.. ماشاء الله تبارك الله عليها..
فعلا .. حلو لو تكون الفرقة وانتي عالبلكونة.. وبعدها تبدأي زفتك.. اوحيتيلي بالفكرة لفرحي..

وأنا مستمتعة بحواركم اللي كلو افكار حلوة موفقات

طيب نسرين طمنينا.. رحتي شفتي القاعة؟
ولا قررتي تغيري؟؟

هااي يابنات معليش انقطعت عنكم لان ماكان عندي نت واول مارجع دخلت ع الموضوع ع طوول فديتكم سومي حبيبتي لا والله مارحت بس قريب بروح اشوف القاعه عيوني ماقصرتي تعبتك معي انتي والبنات بس قولي لي ع محل الي سويتي فيه مسكتك لان شكلك ذووق وكماان الكوشه الله يسعدك

فوفو فكرتك تهبل بسويهاا بس ماعرف الفرقه الي تعرف تدلني

بنات جده فينكم يالحلوين

مراحب ياقمر..
معليش حبيبتي.. كنت مزكمة اليومين اللي فاتو وحالتي حالة.. بس الحمد لله صرت احسن..

امس حضرت فرح.. والعروسة عملت حركة مرة نايس.. قلت اقولكم عليها يمكن وحدة تعجبها وتنفذها..
كان الفرح في قاعة الكريستالة((درة جدة)).. وبعد ما طلعت عالبلكونة مع العريس ولبسو الدبل.. بدل ما يرشو الورد زي المعتاد.. دخلو 4 بنات صغار لابسين زي بعض.. 2 ناحية العروس و2 ناحية العريس ومعاهم سلات الورد وصارو هم اللي يرشوه.. والشكل كان مررررررررة نايس..
كمان انا عملت حركة يوم ملكتي.. رغم اني اعشق الورد الطبيعي.. بس ما رشيت طبيعي.. كانت الفكرة عبارة عن "اساور" ورد .. تعرفي الورد اللي يشبه الطبيعي.. كأنه شمواه؟ جبته بلون فستان ملكتي وثبته على شرايط اورغانزا ورشيته عالبنات.. طبعا كل صحباتي لبسوه ولما طلعو يتصورو معايا صارو زي الاشبينات كلهم بالاساور.. قلت اقولك الفكرة يمكن تعجبك..

كمان وحدة صحبتي رشت "اساور فل".. بس عيبها انها ما تدوم تذكار زي اساور الورد الصناعي ..

المحل حق الورد اسمه (ازهار دانيا).. اسمه ورقمه و"التوصية" في رسالة عالخاص ياعسل..
موفقة يارب

سومي ياقلبي فديت عمررك اول شي حمدالله ع سلامه وماتشوفي شر ياروحي تاني شي بجد فككره تهبل بروح المحل الي قلتيه بس ماقدرت ارد على الخااص مشاركتي قليله عيوني حبيت اسالك فستانك من فين سويتيه وكيف كانت زفتك؟؟ اغاني ولا اسلامي

الشر ما يجيكي.. وعسى ربي يسلمك دايما..

فستاني ياقمر اخدته جاهز من (رهيد).. لاني بصراحة جسمي صغنوووون مرة وقليلة.. وكنت بادور على فستان يكون منفوش وفي نفس الوقت ستايل مرة ناعم.. ايطالي.. ولقيته هناك.. بس لما اشتريته كان موسم عروض خاصة والاسعار جدا حلوة..

اما زفتي كانت اسلامي.. بس طبعا اغاني مو اناشيد.. في وحدة صحبتي تنسقها وعندها اغاني مرة حلوة حق الافراح.. كمان لو بدك اعطيكي رقمها.. اسعارها مررررررررررة ممتازة وشغلها شهادتي فيه مجروحة.. اخدت كل اغاني زفتي من عندها ما عدا اغنية وحدة لقيتها في الفندق..
للمعلومية.. الدار البيضاء زفتهم (لايف) .. يعني ما يحتاج تعملي سي دي لاغاني الزفة بدقايق محددة.. يكفي ترتبيها معاهم بالخطوات اللي تبغيها بالضبط.. ويومها تكون الزفة مباشرة خطوة بخطوة..
ونصيحتي الدار البيضاء (السلامة) حضرت في قاعة كليوباترا كانت جدا سيئة منسقة الاغاني.. الله اعلم كيف صارت.. اما الدار البيضاء رويال المسؤولة جدا شاطرة.. دمجها وتنسيقها مرتب جدا.. انا كنت خايفة يوم ملكتي لكن ما شاءا لله طلعت مرة مرتبة

الاغاني اللي في زفتي كانت كالتالي..
هيبة ملك.. دخل عليها العريس..
يابنفسج.. نزلت عليها للبلكونة..
احلا من الحلا.. اللقاء المنتظر بيننا هههههههههههه
شفت الورد.. رشينا الورد،، طبعا الاساور اللي كلمتك عنها..
اتمخطري ياحلوة.. من البلكونة لمنصة الكيكة..
اممممممممم.. مدري والله.. نسيت الاغنية اللي قطعنا عليها الكيكة.. ان شاء الله اول ما افتكر اقولك..
الورد الابيض.. مشينا عليها للكوشة..
قولو اسم الله.. لما وصلنا الكوشة..
اجمل ليلة.. للعصير
بيلبقلا((الاسم طالع دمو تقيل)) بس الاغنية مرررة حلوة.. خليتها للتلبيس الشبكة والدبل.. لاني ما لبست الدبل عالبلكونة (ملكة).. خليتو كلو عالكوشة..
آه صح اتذكرت حركة الدبل.. يمكن تعجبك كمان..
جبت وردة كبيييييييييييرة.. حجمها تقريبا.. اممممم قد ايش اقولك.. مرة كبيرة.. تعرفي البطيخة المدورة؟ كمان ياستي اكبر منها..
المهم.. حطيت الدبل وسطها.. ولما كنا عالكوشة.. بنتين شالوها على الاغنية من اول الممر الين وصلو عندنا.. طبعا ما يبين من بعيد انو الوردة وسطها الدبل.. بس كانت مرة نايس..
انا كمان لبست البنتين نفس لون الكوشة مع لمسة من لون فستاني..

ووووو.. بس ..
على فكرة.. انتي متى فرحك؟؟

ترى انا في القعدة وكمان ما عندي مرة افكار لا للزفة ولا الاغاني ولا اي شي ..

مشكوره يروحي سومي انا فرحي كان في الحج وتاجل للربيع خخخ بس بروح المحل الي شريتي منه فستانك كثير مدحوه لي وبعد افكارك حلوه بلطشها منك هههههههههه

موفقة ياقلبي..

:)