دخلاتي للمطبخ كثرانه هالايام .. بديت اتفنن لابو الشباب ربي يحفظه لي ان شاء الله:)
فقبل فترة سويت هالمعجنات لان زوجي من النوع اللي يحب هالسوالف ... فصورتلكم
الخطوات كلها وان شاء الله يعجبكم المووضوع :)
نبدي اول شي
بالعجينة انا اخلط طحين ابيض واسمر + خميرة+ حليب بودة+ ملعقتين لبن+ ملح+ شوي زيت زيتون وهالعجينة استخدمتها لكل هالمعجنات
هذا الطحين اللي استخدمته
طبعا نعجن العجينة ونحاول نكثر بمدة العجن ولمن نخلص نكورها بهالشكل ونتركها تختمر مدة ساعة الى ساعة ونص هنا اختمرت وخلصت :)
الحين للفطاير قسمتها الى قطع صغيره بهالشكل
ونبدي بالحشوات ... الحشوة الاولى عبارة عن جبن ابيض + شوي زيت زيتون+ زيتون اسود مقطع
الحشوة الثانيه .. لحم مفروم وخضار مجمدة مشكله انا استخدمت هالكيس فيه ذرة وبزاليا وبابريكا حمره وبصلة مقطعه وبطاطا مقطعه
طريقتها طبعا نقطع البطاطا والبصل
ونحمس البصل واللحم بجدر صغير
بعدين نضيفله باقي المكونات وبهارات فلفل اسود وبهارات مشكله وملح ولمن تستوي نخليها تبرد انا كنت مجهزة الحشوة اثناء مالعجينة تختمر
الحين نبدي نفرد العجين ونحشية
وبعد مانشكله ندهنه بالبيض والسمسم وانا اضفت زيتون بدل السمسم لفطاير اللحم
ونصفهم بالصينية
هذي صينية بشكل ثاني بعد ماطلعتها من الفرن :p
وهذي شكلهم النهائي بعد مانقلتهم من الصينية:)
الحين نجي للفطاير التركية ;)طعمها تقريبا نفس اللحم بعجين بس الشكل غير
مقادير الحشوة لحم مفروم+ بصل مفروم ناااعم+ طماطه مقطعه ناااعم+ ملح وفلفل + شوي دبس رمان
الطريقة نفرد العجينة تكون كبيره نفردها على شكل بيضوي مو دائرري
ونضع الحشوة بهالشكل
وهذا شكلها النهائي قبل ماتدخل للفرن انا خليت فوقها فلفل اخضر حار اثنين لان هم يضيفونه الها وينشوي
وهذا شكلها بعد مااستوت
الحين البيتزا :adore:
الصوص معجون طماطه + بصل مفروم+ سن ثوم مفروم+ طماطه مفرومه + اوريغانو+ شوي كاتشاب+ شوي زيت زيتون +ملح+ ماي
الطريقه كالمعتاد نحمس البصل بعدها الطماطم وبعدها باقي المواد
والعجينة نفردها ونضيف الصوص بهالشكل
وباقي الحشوة زيتون مقطع + بصل مقطع+ بابريكا خضرا مقطعه + مشروم+ تونة او سلامي
وجبن موزريلا بس انا ماكان عندي خليت بداله جبن قالب والحمدلله طلع اطيب :)
هذي بيتزا التونة
وهذي بيتزا السلامي قبل ماضيفلها الجبن
وهذي بعد مااستووا
وهذي الثانيه عند التقديم :)
وبالاخير ماااحلل اي وحده تنقل الموضوع بدون ذكر المصدر
واتمنى منكم دعوة لي ولزوجي بالسعاده مع بعض وان الله يسخرنا لبعض ويبعد عنا كل شر وكل مرض ويرزقنا بالذرية الصالحة يارب العالمين:)