آنه ومرت اخو زوجي

اختي ربي يهدي بالك ..انتي ماعليك من الي يصرف فلوسه على اشياء مالهااهمية اسمعي كلام راجلك والله حتتعبي اذا فكرتي فيها.دايمايصيران السلايف يقارنون بينهم الناس بس الاحلى ان لما يقارنون بينكم بالطبع والطيبة تكونين انتي الاولى واصرفي على قدكم ولا ترهقين زوجك بالطلبات لان زوجك ماله ذنب بطلبات الحريم والله اختي الزوج يحب المراة الي ماتطالع غيرها وماترهقه بالطلبات واهم شي انكم تكونواسعداء مع بعض والباقي خلك منه.وربي يوفقك.

هاي مشكلة نسوان الحمي

اختي انتي ما عليج منها اهم شي انج مرتاحة مع زوجش وقانعة بحياتج

واذا بتسمعين كلام الناس بتعبين اهم شي الواحد يسوي الي يرضية

والله يقومج بالسلامة

العبيديه , ايام وليالي : مشكورين خواتي عالمرور والرد بس صج انتوا ماتدرون بالوضع شلون عندنا الكل يشوف ويقارن ويالييت يات على جذي وبس الا اهي تمصخر وتضحك على الناس اللي يسوون التوزيعات بروحهم واللي ياخذون من اماكن عاديه حتى مره يات بيتنا وضيفناها وماكلت شي تصوروا كل مانعطيها شي تقول ماحبه يعني اشهالغرور وحتى لما شافت البوم خطوبتي حتى ماقالت مجامله الصور حلوين صرت احاسب اني ماطلع مكان رخيص وقطيت كل شي قديم عندي حسيت ماعندي شي حلو مقارنه مع اللي تلبسه حتى لو شاريته غالي ولما رحت العمره يبت لها هديه قالتلي مشكوره بس مالبس هالنوعيه يعني شاقول لكم مو شغله وشغلتين والناس اسهل شي عندهم الحجي

اختي ام فطومه مشكوره بس صج حياتي تغيرت مع ريلي بسبتها

حبيبتي اخذي نصيحتي وماعليج من اي احد يعني اولشي لازم الواحد يحمد ربه ويشكرة على النعم اللي اعطاه ربه عن غيرة وهي قناعة النفس , انتي احسن منها انتي قنوعة وتنتبهين لتصرفاتج خاصة فعرسج ماقلدتيها ونفس الشي فولادة طفلج .
والشي الثاني ماشاء الله عليج امينة على فلوس زوجج يعني عارفة ان هالفلوس لازم تنصرف على اشية اهم من المظاهر وانة اشجعج على هالشي.
والفرق اللي بينج وبينها شي بسيط وهوة انها تحب المظاهر ولفت الانتباه واكيد هالاشياء الشخص اللي ناقص يحب اسويها عشان يعوظ النقص اللي فيه .

ارجوج تمي على شخصيتج الفريدة وماعليج من اي تعليق من اي شخص كان وانتي كفاية الشخص يجوف جوهرج (جوهر الالماس) هاذي انتي اية انتي .
وتعرفين الشخص اللي يحب زوجة وخاف على فلوس زوجة ويبتعد عن هالبدع ربج ياحبيبتي يوفقج فزواجك مع زوجج

اتمنى اني فدتج بالنصيحة

الحين انتي ليش حاطتها كوجه مقارنه بين حالتك وحالتها ؟؟

انتي تعرفي ان الوحده لما تسوي هالحركات اقصد الفشخره عالفاضي .. وكله من الديون.. هذا دليل على نقص فيهم يبغوا يغطوه ؟!

ونفرض مثلا مثلا ان حالتهم المادية زينه وعايشه حياتها وتصرف بكيفها .. المفروض تقولي الله يهنيها وانا شو علي منها ؟؟

يا اختي ارحم زوجك ترا عاااااااقل وكلامه عين العقل .. الحمدلله ان تفكيره مو مثل تفكير اخوه .. لو نجي نقارن ما فكرتي فمستقبل اطفالك واطفالها ؟

خلي عنك هالاحساس وطنشيها وعيشي على قدك وما تحاولي تقلديها .. خذي الاطباع الزينه مو العكس

هي عندها لبس تفتخر فيه .. وانتي عندك عقل تفكري بيه

انا بقولك شي واحد هي قاعده تسوي كذا تعوض عن نقص عندها=) انتي سوي اللي انتي مقتنعه فيه ماعليك من احد ادري الكلام غير الي عايش هالشي
بس اذا عالولاده والتوزيعات وحفله كبيره وخرابيط اذا قارنو قوليلهم صراحه انا خايفه على البيبي احد يحسده او شي وكذا يعني صرفيها بطريقه غير مباشره وانسيها مرررره من بالك ادري صعب بس فكري بالايجابيات اللي عندك,,وهي بكيفها مع نفسها,,بعدين بعد عشر عشرين سنه بتكونو انتو اول شي جمعتو شي حق البيبي ,ثاني شي ممكن لانك مو مبذره تبنون بيت وتستقلون قبلهم بكثيييير^_^ فكري كذا لاتفكرين بالحظه فكري قدام,,
ربي يقومك بالسلامه ان شاء الله

تعرفين شنو مشكلتج
إنج تقارنين نفسج بها

ليششششششش؟؟؟؟؟

ترى الناس اللي مثلها منبوذين ومالهم صاحب لأنهم أنانيين
تبين تصيرين أنانية مثلها وتفكيرج يصير سطحي ويموت عندج الإحساس

بالعكس هذي لازم تشفقين عليها لأنها تحاول تحيط نفسها بمستوى مو مستواها تحاول تخفي شي من خوفها

تركيها عنج هذي مسكينه

نواره حبيبتي لاتعالجين الغلط بغلط انتي لازم تكونين حكيمة بتصرفاتج وبالحكم على الموقف

يعني انتي تشوفين بحساسيتج وتدقيقج جالسة توترين حياتج الخاصة والعامة وخصوصا علاقتج مع زوجك وجنينج ،،

انتي لازم تفكرين شنو الأفضل على طاولة الواقع احسبي السلبيات والأيجابيات وخلج من الرسميات والوجوه الباردة انتي شنو عرفج شنو علاقتها مع زوجها في الحقيقة أو شنو رأي الناس فيها ورأي أهل زوجك،،

معظم الشكليات وهالقروض الي من هذا النوع وراها مشاكل زوجية لانه الحكمة ماتقتضي الانجرار وراء الشكليات والقروض، وتصرفات زوجة حميج ياتعني انها تشعر بالنقص وجالسة تحاول انه تغطي شعورها ومشاكلها بالشكل الخارجي أو الغيرة في انها لازم تكون أحسن وأكشخ..

انتي لازم تركزين على انج تكونين طبيعية لاتنجرين وتكونين مثلها صاحبة مظاهر، ركزي على قناعتج بوضعج الاجتماعي وعلاقتج مع زوجك دائما خليها تكون قوية وتواصلج مه الي حولج دائما طبيعي راح تكسبين الي حولج وتكسبين انتي بالأخير

وأول شئ لازم تعودين لقناعتج الداخلية انه الي تسويه اهي غلط وعيب في بعض المواقف، لاتكسرين نفسج جدام أشياء تهدم ماتبني، خلي عندج طموحات مثل اذا ساكنة بشقة يكون هدفج انه توفرون عشان تشترون بيت بدل القروض عشان اشياء تافهة،،

لابد انج تكونين مقتنعة ومتأكدة انه قناعتج وأقتناعج من خلال ثباتج وتصرفاتج اهي الي تخليج تنتصرين عليها بدل مانتي عايشة بدائرة التفكير بهالطريقة الي ماراح تسبب لج الا مشاكل والتوتر ،،

ولاتسمعين كلام قيل وقال ومثل مايقلون الزين يقولون الشين والاشين وحيبتي لاتخلين اذونج تسمع كل من هب وذب خلي بس لج ناس تثقين فيهم تاخذين الكلام الواضح والصدق وتتاكدين بانه أفكارج صح،،

قولي لي من من أهلج عجبه تصرفات زوجة حميج يوم زارتكم فكري في كيفية زيارتها لكم انتي بعد تبين تكونين بهالطريقة !!

بالعكس حبيبتي انتي بموقف جدا سليم لما تفكرين بحياتج وتراعين لزوجك وتسعين لمستقبل أكثر راحة واطمئنان والحياة صعبة وكل ما جا لها تصعب

أتمنى لج التوفيق والنجاح والرأي السديد :thumbs_up:

بكون أكبر كذابة لما أقول أن الأمر عادي وسهل وما يأثر في النفسية ووووو

الغيرة طبع فينا نحن معشر النساء عظُمت هذه الغيرة أو كانت تحت السيطرة ... والمقارنات والتلميحات وما شابه تعزز هذه الغيرة

ولا اعرف من صنع القاعدة في العلاقة بين زوجات الأخوة التي تنص على أنه أما أنا أو هي لأكون الأفضل لابد أن تكون الأسوأ !!!! وطبيعي أن ترفض زوجة حماكِ أن تكون الأسوأ فكل ما تفعل لتثبت هذا + أن من الواضح أن طبيعتها أساساً إعطاء أهمية كبرى للمظاهر فزواجها كان قبلكِ وأخذت قرض وووو ... وكان هذا قبل تواجدكِ في حياتها

ويبدو أن هذا بدأ يؤثر في ثقتكِ في نفسكِ " وهو ليس دليل ضعف بالمناسبة " فما أصعب أن لا نضعف في زمننا هذا من المقارنات وحديث المظاهر

لكن فكري بها بعقلانية وتجرد ... أمامكِ خيارين لا ثالث لهما :-

الأول : أن تتعاملي بعقليات من يقارن ويستنقص من قدركِ بما تنفقه هي ، وتسعي لمنافستها في هذا المجال فتدخلي في حالة حمى المظاهر التي حتما سيرافقها حالة عدم رضى لأن دوماً هناك الأكثر سعراً والأجدد وووو .... ، وتعيدي ترتيب أوراقكِ المالية ولاسيما أن دخل زوجكِ وزوجها واحد تقريباً

إذا لا يوجد ما يمنع أن تكوني مثلها وتنفقي كما تنفق !!!! وإن كان زوجها قادر على أخذ قرض لتحويل مولد ابنه لعرس فزوجكِ قادر على هذا حتماً

وإن كانت توزيعات وضيافة مولد هذا الابن بــــ 200 د.ب فما الذي يمنع أن تكون ضيافة صغيركِ بــــ 400 ؟؟!!

لا يوجد أسهل من عملية الشراء والإنفاق ، والماركات تملأ المجمعات التي تغص بها دولتنا الصغيرة والتعرف على أحدثها وما يتوافق والموضة السائدة ما عاد أمراً صعباً

وسلبيات هذا التوجه أو الخيار ليست كثيرة فقط : ستنشأ بينكِ وبين زوجة حماكِ منافسة قد تجركما للكره " ليش ألحين ما في منافسة " ، ستفقدين واحدة من أفضل النعم الرضى " مو مهم أهم شيء الناس بتمدح شكلك وضيافتك ولبسك " ، ستدخلين وعائلتكِ الصغيرة دوامة القروض والديون " عادي شنو فيها كل البحرين عليهم قروض لا تنتهي " ، ستنشأ بينكِ وبين زوجكِ خلافات مادية حتماً

الثاني : أن تعززي ثقتكِ بنفسكِ وتؤمني من داخلك حقاً أنكِ ولله الحمد لا تفتقدين شيء ذي اهمية مما تفتخر به ويقارن بينك وبينها عليه الآخرون

أن قالوا ما ألبس من الماركة الفلانية قولي عن قناعة ولو داخلياً أو بإشهار بطريقة حلوة وما ألبس لم يكلفني الكثير لكنه لا يقل أناقة وهذا يدل على ذكاء استهلاكي وحسن ذوق

أن تفاخروا بسفر أو برحلات مبالغ فيها تذكري أن جلسة عائلية بسيطة وتكلفتها محدودة قد تصنع سعادة أكبر

رزقكِ الله زوجاً متفهماً وجنيناً في احشائكِ وحياة مستقرة إلخ ... أي شيء يعادل هذا في الكون كله ؟؟؟ ما الأكثر أهمية لنفسد ما نملك لأجله ؟؟!!!

دعيهم ينفقون كما يرغبون ويتبهاون حتى يرضون ... واحرصي على أن تكوني كما تثقين وتحبين " أنتِ لا الآخرين " دون أن يؤثر هذا على أولويات أكثر وأكبر أهمية

صدقيني إن سعيتِ لرضا الآخرين فلن تجني من هذا غير التعب النفسي وصفات غير محمودة كالغيرة والحسد ... رضا الناس غاية لا تدرك فدعيهم عنكِ وارضي أنتِ عن ذاتكِ ينعكس هذا عليكِ ويمنحكِ تألق ... إن نجحوا فيما يصبون إليه وكنتِ أنتِ غير واثقة مما تقدمين أو تلبسين أو أو كيف سيفعلون هم ؟؟؟!!!


ونصيحة
ابتعدي عن المجالس التي تجمعكما وتتوقعي أن تكون فيها مقارنات بينكما أو ما شابه " كانت النتيجة معكِ أو ضدك " فلن تجني منها غير التعب

وتجنبي .. تجنبي .. تجنبي أن تسعي لمعرفة ما نظرة الآخرين عنكما ورأيهم فيكما فما الجدوى من هذا ؟؟؟ دعيهم يقولون ما يقولون واحرصي على أن لا يصل لمسامعكِ ترتاحي

والوقت الذي سيضيع في هذا استغليه في أشياء تريح نفسيتكِ وتعزز ثقتك بنفسك وعلاقتكِ بالأهم ... اخرجي مع زوجكِ كلما سنحت لكِ الفرصة ... قومي بعمل جو أو تغيير جميل في المنزل ... زوري صديقاتكِ ممن يتشابه فكركِ وفكرهن إلخ

الاخصائيه مريم: مشكووره حبيبتي آنه ليحين ماولدت وان شاء الله ماراح اضعف واقلدها وانتي الالماس وماتقصرين ياقلبي

sukar Na3m : اختي المقارنه مو آنه اللي حاطتها الناس حاطينها والله يهنيهم ان شاء الله بس آنه تأثرت من كلام الناس ومايهمني اهي شتسوي بس انزعجت من تصرفها في بيتنا وفي مواقف وايد بعد ومشكوره حبيبتي

احلى حلوة: اختي الناس مايتكلمون بلسانهم بس بحركاتهم وعيونهم ولو تكلموا بقول لهم نفس اللي قلتيه ومشكوره حبيبتي

Sood AlDan : مشكوره اختي معاج حق في كل اللي قلتيه

احساس قلم: اختي يمكن آنه صايره حساسه من الحمل وكثر ما آنه مقتنعه كثر ما خايفه من المقارنات والتعليقات وماقصرتي حبيبتي

ولو ما اثق فيكم خواتي بنات عروس ما قلت لكم وانتو قد الثقه و تنحطون عالجرح يبرى

ياااااااااااااااااااااا كثرهم اللي يفوشرون على الفاضي و تلاقينهم في كل مكان

بس اختي انتي سوي اللي تقدرين عليه بحيث ما تكلفين على زوجج

شفايدة الفشار و الفشخرة على الفاضي و بعدين تحملون وراكم قروض ؟؟!!!

القناعة كنز لا يفنى

موفقة

در مكنون: اختي كلامج درر ويريح النفس اهو طبعاً العلاقه بينا ماتوصل للكره لأن اهي مادري احس طبعها جذي وماتحاسب لكلامها وتصرفاتها وبالنسبه لتوزيعات ولدها لليهال بس وصلت فوق ال 500 غير توزيعات الكبار والضيافه والزينه و و و فإذا آنه بسوي شي كلش راهي مستحيل اوصل لربع اللي سوته والمشكله ان نفس الناس اللي راحولها بيوني احس فرحتي بتتنكسر بأول مولود لي بسبة هالمبالغه وانتي قلتيها بنفسج ان الشي مو عادي ويأثر في النفسيه صرت اتمنى مايوني الناس يباركونلي ومثل مانصحتيني بحاول اتجنبها قد ماقدر بس لأن ولدي اهم شي في حياتي وخايفه يتعقد من هالوضع ومشكووووره ماقصرتي فديتج

تفكيرك هذا و حيرتك يدل على وعيك عزيزتي،،،لأن لو ما كان عندك وعي كنتي عملتي مثلها و اكثر على طول.

لو على المقارنة و كلام الناس ، ما تحطي ببالك لان الناس اليوم يقارنو بينكم و بكرة معهم شغلة غيركم، فليش ندور على رضاهم؟؟!!!

انتي فكري انه لو لا قدر الله حصل لك مرض او حالة طارئة و احتجتي فلوس بتلاقينها لانك حاطة قرش ابيض لليوم الاسود، و ده كافي انه يخليكي تستمري فيما انتي عليه.

حبيبة الغالين: تسلمين حبيبتي عالرد اي والله ياكثرهم ومن زين حظي طحت في وحده منهم الله يعينا والله نفسيتي كلش تعبانه وموحابه اسوي اي شي لا توزيعات ولا ضيافه ولاشي لأن اللي كنت بسويه طاح من عيني الحين وعن القروض مستحيل اطلب من ريلي يقترض واسويلي مشاكل معاه

خلاص حبيبتي ... مشكلتج محلولة

سوي اللي تقدروا عليه و انسيها ما عليج منها

بالتوفيق

i miss u dad: تسلمين ياقلبي معاج حق الله يعدي هالايام على خير ويحفظ ولدي وواولاد المسلمين ويبعدنا عن تعليقات الناس آنه مو قاعده ادور على رضاهم آنه بس ابي ارتاح من لسانهم وذلين الناس مو بس اهل ريلي وجيران ومعارف المشكله ان هلي وحتى أمي بدت تحس ان ريلي مقصر معاي لأن تشوف اخوه شلون يصرف على مرته وتعرفون الامهات شلون تفكيرهم يبون لبناتهم الاحسن

حبيبة الغالين: مشكوره اختي ان شاء الله تكون محلوله