الأنسانه المتفيجه تدخل ... واللي مش متفيجه تدخل بس تتحوط

بسم الله الرحمن الرحيم

F:

شــحالكم شخباركــــم
أحمم >>> أناا الحمد لله بخير وعافيه <<< محد سألج

:D

المهم بما أن الموضوووع هذا كل يوم يزيد وكل وحده تبغي تخف هالوزن الارف قلت بسوي هالموضوع

ومن البداية أقولهاا >>> اللي متفييجه تحدر الموضووع وتشوفه كامل وتقراه لأن الموضوع طويل مش وايد وايد بس يعني

الزبده أنا وأعوذ من كلمة أنا قلت المتفيجه تدخل

وإن شاءالله يتثبت >>> واثقه هعع هعع

بدت الاجاازاات المناسبات

والعزايم بين البنات والحريم

والسهرااات اخر الليل

في هالموضوع حبيت أحط نبذه عن السمنه
وهالنبذه تايوانيه من النت يعني منقوله
وبعد هالنبذه المنقوله بحط طلبي
اللي هوو منو بتشاركني في الرجيم حالياا
بيكون الرجيم من يوم السبت اذا الله أحياناا لهاك اليوم

الموافق : 3 - 7 - 2010
وبنستمر عليه لتاريخ
3 - 9 - 2010
يعني بيكون ان شاءالله
3 شهـــــور
وبنكون 5 بنات أو حريم وأنا الـ 6

والحيــن نبدأ في المقدمة المختصرة عن السمنة
وبعدها ببدأ في الموضوع الثاني اللي هو منو بتشاركني
في الرجيم

ما هي السمنة؟

السمنة : هي زيادة وزن الجسم عن حده الطبيعي نتيجة تراكم الدهون فيه
وهذا التراكم ناتج عن عدم التوازن بين الطاقة المتناولة من الطعام والطاقة المستهلكة في الجسم

كيف يمكن قياس السمنة؟
الطريقة الاولى :
1- مثال لحساب دليل كتلة الجسم حسب المعادلة
(الوزن بالكيلو جرام تقسيم الطول بالمتر المربع) فإذا فرضنا أن الوزن 98 كيلو والطول 172 سم تكون النتيجة:
تحويل الطول من سم إلى متر = 172 سم ÷ 100 = 1.72 م
تحويل الطول من متر إلى متر مربع = 1.72 × 1.72 = 2.96 م2 (متر مربع)
إذا دليل كتلة الجسم = 98 كجم ÷ 2.96 = 33
والجدول بيوضح كل كتله ونتيجتها
فإذا كانت النتيجة أقل من 20 فإن الوزن يكون دون الطبيعي
وإذا كانت النتيجة بين 20-25 فإن الوزن يكون طبيعي
وإذا كانت النتيجة بين 25-30 فإن الوزن يكون زائد عن الطبيعي
وإذا كانت النتيجة بين 30-35 فإن الشخص يعتبر بدينا
وإذا كانت النتيجة بين 35-40 فإن الشخص يعتبر بدينا جدا
وإذا كانت النتيجة أكثر من 40 فإن الشخص يعتبر مفرط في البدانة

الطريقه الثانية :
2. شريط القياس

يعتبر شريط القياس من التقنيات المستخدمة في قياس الوزن، وذلك بقياس محيط الخصر. وتعتبر الدهون المتراكمة حول الخصر أشد خطرا من الدهون الموجودة في محيط الأرداف أو في أي جزء آخر في الجسم. فتراجع قياس الخصر يعني تراجع أو انخفاض كمية الدهون في الجسم. والجدول أدناه دليل مهم في هذا الصدد:

الجنس خطر شديد خطر شديد فعلي
الذكور أكثر من 94سم أكثر من 102 سم
الإناث أكثر من 80 سم أكثر من 88 سم

بعد ماعرفنا كيف نقيس إذا كنا متان أو لا
نشوف هالموضوع وأنا أختصرته بنقاط بدون شرح
أسباب السمنة :
1- قلة النشاط الحركي
2- نظام غذائي عالي السعرات الحرارية
3- إتباع حميه غذائيه من غير إستشاره طبيه
4- بعض الإضطرابات الهرمونية مثل : نقص في إفراز هرمون الغدة الدرقية
5- أسباب وراثية
6- إضطرابات التغذية مثل : الشراهة المرضية ( البوليميا )
7- الضغط النفسي
8- النوم لساعات غير كافية
9-بعض الأدوية مثل : ( الأدوية المضادة للإكتئاب )

شفنا الأسباب اللي وصلتنا للسمنة وبعد ماخلصنا الأسباب
نشوف الأمراض والبلاوي اللي بتكون نتيجة هالسمنة
الأمراض المرافقة :

مرض السكري
أرتفاع الضغط
تصلب الأوعية الدموية
أمراض عضلات القلب
أنسداد شرايين القلب ( الذبحة الصدرية )
توقف أو كتمة التنفس أثناء النوم ( متلازمة بيكويكيان )
أرتفاع الخطورة لحدوث سرطانات الرحم , الثدي , القولون , البروستاتا
إحتكاكات والتهابات المفاصل
تكون حصوات المرارة
دوالي الأوردة في القدمين
الأرتجاج الحمضي من المعدة للمريء
عدم التحكم في البول
العقم
الضعف الجنسي
عدم أنتظام الدورة الشهرية عند النساء
جميع أنواع الفتاقات في جدار البطن
أمراض العمود الفقري مثل ( الإنزلاق الغضروفي )
الإكتئاب و الأمراض النفسية
المشاكل الإجتماعية الكثيرة مثل : رفض التوظيف والزواج

عرفنا الأمراض اللي تسببها السمنة الله يغربلهاا
نحن نسمن في هالجسم وبالأخير نبتلي في الوزن
واذا زدناا في الوزن والسمنة طبعاا شي أكيد
بتكون هناك مضاعفات وبنختصرهن في تسع نقاط
مضاعفات السمنة :
1- الجهاز الدوري الدموي :
إضطراب في ضخ القلب للدم
تضخم عضلة القلب ينتج عنها عدم إنتظام في دقات القلب , دوار
إضطراب في الرئة , إنسداد رئوي
الدوالي الوريدية
2- جهاز الغدد الصماء :
تكيس المبايض , إضطراب الدورة الشهرية , العقم
3- الجهاز الهضمي :
حموضة المعدة ( إرتداد حامض المعدة من المعدة إلى المريء )
تشمع الكبد
حصوات المرارة
الفتاق
سرطان القولون
4- الجهاز البولي والتناسلي :
سلس البول
إضطراب الكلية لتصفية الدم
سرطان الثدي ( الإناث )
سرطان الرحم ( الإناث )
موت الجنين في الرحم
5- الجلد
التشققات الجلدية
خشونة في الجلد
ظهور السليوليت
6- الجهاز العضلي والعظام :
إرتفاع حامض اليوريا في الدم الذي يسبب مرض النقرس حيث يتجمع هذا الحامض في المفاصل
( خصوصا مفصل إبهام الرجل )
إلتهاب المفاصل
ألم في أسفل الظهر
7- الجهاز العصبي :
جلطة في الدماغ
صداع
خرف
8- الجهاز التنفسي :
إضطراب في النوم
أزمة تنفسية
صعوبة في التنفس
9- اضطرابات سكيولوجية :
إكتئاب
قلة الثقة في النفس
إنطواء

بعد ماخلصت هالمقدمه الطويله الحين بدخل في الموضوع اللي
بسببه كتبت هالعفسه يمكن بالنسبه للبعض تشوفون الموضوع مش مرتب
المهم الفكره توصلكم وان شاءالله نشووف القبول
الحين ندخل في الجــــــــــــد >>> مب أبوو الابوو أو الاممم لا صلب الموضوع على قولتهم << متفيييجه
عرفتوو اني بسوي الرجــــــــــــــيم وببدا يوم السبت ان شاءالله اشووف تفاعل خمس بنات او حريم
وهالتفاعل بيكون بكل شي وفي نقاط بوضحهاا : >>> بدت تتفلسف هععع هههعع

متى بستوي جييييييه
المهم النقاط المهمه : >>> ماشي نقاط بس فلسلفه شوي >> بعد كمن نقطه مهمه
1- نبدا الرجيم من يوم السبت
2- خمس مشتركات وانا السادسه
3- الطول والوزن لازم ينكتب
4- بعد كل اسبوعين نحط الوزن اللي خسرناه
5- المؤازره يعني كل وحده تساعد الثانيه وبينا رسايل
6- والاهم التواصل بالمسجات يعني مفهومه (( بعد القسم انها بنت ))
7- لازم نحط شريط الوزن وبحط الرابط
8- اللوقوو بيكون الصور اللي بحطها بعدين
وووووو بس ماعندي شي

وبماا ان التطوور وصلنااا اشووف هالخدمه بتفيدناا اعسب نحدد وقت بنسوي فيه كل شي

من ريوق لغدااا لعشاا لريااضه لمشي ووووالخ

اذاا مش ممنوع من قبل الادااره واذا ممنووع سووري مادري بس عسب التوااصل

وشرط اساااااااااااااااااااااااااااااااااااااااااااااااااااااااااااااسي

النييه والنيه والنيييه >>>>> وتكووون المشاركه متفييجه وقابله التحدي

اللوقـــــــــو يعني نحطه تحت الاسم

وكــداااا هووه يكون الموضووع خالـــــص
وان شاءالله القى تفاعل وياااه
وان شاءالله اشووف الــ 5 مشتركااات
وان شاءالله كان الشرح سهل وسلس ومفوم >> متفييجه
والصراحه تعبت عالموضووع يعني حرام يضييع >> بصييح
وان شاءالله تقروونه كله واللي حابه تشارك أول شي تشوف المطلوب وبعدين تقول
وووووو ان شاءالله اذا ذكرت شي بكتبه
صح
(( جميع الحقوق محفوظه واذا كانت الخطوط مشغوله يرجى إعادة الإتصال رضائكم هو هدفنا أتصلو بنا الآن )
الاتصال بيكون بالخااص

ان شاءالله
يارب يتثبت الموضووع وان شاءالله تشاركون فيه
بس لازم هالخمس فيلات >> جمع فيله

يشااركن والسمووحه عالاطاله >>>> تفييجت
وان شاءالله >>> حبيتهااا

يالله اللي متفييجه وبتبداا التحدي ويايه تقبل الشرووط اللي فووق

وعقب القبووول بنحط لناا جدول الاكل والاوقات اللي ناكل فيها متى والرياضه متى

يعني مش تيي وحده وتقول لا اناا بسوي جيه وانتو كيفكم لا كلناا نفس الشي بالوقت

والمكتووب

والسمووووحه :cool: