قبل لاروح للنوم.. قلت بنزل هالموضوع لكم..
وخاصة لزوار الامارات وطبعا لزوار دبي..
تدرون الحين "مفاجآة صيف دبي" Dubai summer Surprises
وخاصة الأطفال هذا وقتهم يستمتعون ويلعبون..
الأسبوع الي طاف وديت عيالي لحديقة الخور بس طبعا مب الخور نفسه هههههههههههه لان درجة الحراره كانت تقريبا 43 درجه مئويه.. طبعا وديتهم عند الدلفين في صالة فيها المكيفات..;)
وصدقوني واااااااااااايد استانسو..
مدة العرض تقريبا 45 دقيقه تشمل عروض الليزر والدلافين والفقمه..
عندهم عرضين الصبح علساعه 11 والمساء الساعه 6 وفقط..
وسعر التذاكر 100 درهم للكبار والاطفال فوق السنتين 50 درهم والي تحت بلاش..
طبعا انا وديت معاي سعيده وحمدان واستانسو وااااااااااااااااايد..
بس اذوني لانهم شافو الحوض الكبير وكان ودهم يتسبحون مع الدلافين وما جلسو على الكرسي شوي وبينطون على الحوض وانا على اعصابي.. :confused:
الحين شوفو معاي الصور..
عروض الليزر اول شي..
هني عروض الفقمه..
وهني الدلافين يرقصون؟؟
وهني يلعبون بالكور..
هني نهاية العرض يوم قالو مع السلامه وياريتهم ما قالو لان عيالي شوي وبيصيحون :(
وصورة وايد بس للاسف الي بالكيمرى الصور مظلمه وما تبين والي صورته بالموبايل طلع :thumbs_up: اوكيه..
طبعا بنتي قامت واتشرطت وقالت لي يالله المره اليايه بتاخذينا ل كدزانيا Kidzania وولدي قام يتشرط وقالي ودوني المبزره الي بالعين.. وان شاء الله احصل وقت علشان اخذهم هناك وان خذت ان شاء الله ما بنسى اصورلكم كل شي..:L:
أتمنى تقييمي ان عجبكم الموضوع..
أتمنى ذكر المصدر عند النقل لحفظ حقوق أصحابه..
ودعواتكم لي بكل خير..