.،. شسوي ؟ أنفصل يعني ؟؟ .،.

ان انصحش اختي انش تصبرين عليه اكثر لان يبين ان خطيبش يحبش بس حاولي تشجعينه على الشغل و الزواج وياا ختي الصبر مفتاح الفرج

الله يعينج اختي
حبيبتي انتي غلطتي غلطت عمرج انج سلمتي نفسج له
صح هو زوجج بس للحين ما سويتوا عرس
وانتي غلطانه واهله يعرفوا انه دخل عليج او لا
وشوفي اختي هو طلقج وهو داخل عليج
يعني انتي الحين مب عذراء و محد بيرضى فيج صح انه زوجج بس بتكونين مطلقه
لو ما سلمتي نفسج له وتطلقتي عادي اختي لانج عذراء والف من يتمنااااااااااج
والظاهر ان ريلج يمر بحاله نفسيه
اغلب الرجال كذا من يحسوا بالمنه يتضايقوا
اختي انتي تقدرين تشجعينه
مثلا حبيبتي الشغل مب عيب ومب لازم شغله حكوميه
حبيبتي يقدر يتاجر باي شي
مثلا عندج مشروع الباصات والتاكسي
يفتح له محل ويبيع فيه
يجيب له بضاعه ويفتح له محل
وصدقيني اختي اذا هو تحرك الله بيكون وياه
ويارب تنفرج عليك وتتزوجوا بسرعه اختي
بس عندي سوال اهله واهلج يعرفون انه دخل عليج
وحبيبتي انتي ضيعتي على نفسج لذة ليله الدخله
عيل شو فائده ليله الدخله الحين
وحبيبتي ليله الدخله ما بتكون لها شي
مجرد فستان ابيض تلبسينه
اما الاشياء الثانيه انتي سويتيه وياه

عمري بحرينية 88,,

ما انصحج بالطلاق لأن هو باين عليه ايحبج وخايف عليج بس لأن حاس بإحباط كل ما يروح مقابلة وما يردون عليه ايحس بان كرامته تنهان وخصوصاً انه يشوفج جذي وهذا الحال اللي اهو فيه نتيجة طبيعية للوضع اللي هو فيه لأن تقريباً فقد الأمل لكن الحين انتين اهني يجي دورج ..

حاولي اول شي تدعين له وثاني شي حاولي اتخلينه يتحمس ودائماً اترددين عليه ان ابواب رب العالمين هي أكبر وأحسن من أبواب الناس .. وصلي ركعتين قضاء الحاجة وإن شاء الله تنفرج اليكم ..

لكن لا تفكرين في الانفصال حالياً وحاولي تهدأين وتركزين وتفكرين عدل من كل النواحي في الموضوع لان شي موب سهل ..


إنزين جربي وياه تقترحين عليه يشتغل شغله حرة حالياً على حسب اللي يحبه ويقدر ايطور نفسه في الشغله اشوي اشوي لحد ما يحصل اليه شغله ثابتة إن شاء الله ...



موفقين حبابة ...

حبيبتي الله يساعدج ويكون بعونج بس نصيحتي تبعدي عنه فترة وماتكلمي خلي تحت الاختبار قوليله ما ارجع مثل قبل الا بتلاقي شغل لانو واضح من كلامج انو هو متكاسل وبيحب يريح نفسه وكمان واضح انو بيحبك كثير حرام تخسرو بعض بسبب الماده
حاولي بهالخطه وانشالله تشوفي النتيجه

هلا اختي الغالية

صلي على النبي واهدأي

انتي ما اعتقد تفكرررين بالانفصال بس نتيجة الظروف الي تعيشوها اثنينكم تفكروون جذي

اني اقوووووولج شيلي هالفكررررة من بالج واذا هو بعد قالها قوله انا ما ابغي اطلق وابغي اعيش وياك ع الحلووة والمرة

صدقيييييييني اختي نفسيته صعبة
انا بنت وما عندي هذيك المسئوليات ولا مرتبطة واذا صار شي بالشغل يهددني بترك الشغل اتعب وموضوعي كفيل انك تشوفي كيف نفسيتي فما بالك هو رجااال؟؟؟
ومرتبط فيك؟؟ يعني مو عازب

صدقيييييييني الغاليه اصبرررررري ما في غيرررر الصبرررر وكله فترررررة وتعدددددددي باذن الله

مرررده بحصل شغل بكره الي بعده وان شاء الله بيرررررجع مثل قبل واحسن

ربي يسخررررررركم لبعض ويهديكم ويرزقكم الحلال الطيب عاجلا يارب ويعجل له بوظيفه

وانتي حاولي تكوني جنبه بهالوووقت يحتااااااااجك .... عارفه انك انتي مضغوووطه بس حاولي تجلسي معاه جلسة مصارحه وبكل هدوء وتتفقوا تغيروا حياتكم للاحسن وذكريه باياااامكم السابقة وتدلعي عليه شووي وان شاء الله ربي يسخره لج

ادعي بهالاشهررر المبروووكه وان شاء الله ما يصير الا الخيرر

وخليه يقرا يوميا الصبح سورة الواقعة للرزق وايد زينه

بالتوووووووووووووفيق الغاليه

أختي تره أكره على الأزواج انهم يحسوون انهم عاجزين ومايقدرون يصرفون على زوجااتهم

وخصوصا اللي رواتبهم ضعيفة فما بالج اذا كان عاطل عن العمل

اكيد بصيده اكتئاب وانتي من واجبج انج توقفين وياه وتخففين عنه

وانتي بعد غلطي لما قلتي هالجمله ( وين حقوقي وانا توني طالبة لي عصير من المطعم على حسابي ؟؟ )

كان يبين انج تعايرينه(وهذا بعد اكره ما على الريال انهم يعايرونهم في المادة) يمكن ماكان قصدج وطلعت عفوائية من الضغط والغضب وانا ما الومج

ونصيحتي انج الحين تصبرين معاه وتخففين عنه ولا تبينين له انج متضايقة من حالته

ولانه يبين انه مايبيج تعبين روحج في الشغل لأنه ما عارض لما قلتي بتطلعين (هني يبين انه عنده نية ان يشتغل ومو حاب يقعد بطالي وزوجته هيي اللي تعيله)

شجعيه وعطيه الأمل (تره المره هيي اللي بيدها كلشي وتقدر تسوي المستحيل) وخليه يدور على شغل ولا تخلينه يعتمد على شغلج اذا كنتي للحين تشتغلين

ولا تقعدين تعايرينه نره اكره على الرجال هالشي وخصوصا اذا كانت من زوجته صدقيني

والله يسهل عليج يارب

حبيبتي انا مانصحك ابدا بالطلاق وشيلي هذي الفكرة من بالك ولا تفكري فيها ,,

الحالة الي يمر فيها خطيبك كلها نتيجة الظروف والصعبة وانه قاعد من غير شغل ولا وظيفة واكيد هالشي ياثر على نفسيته وعلى حياته كونه رجل وصار الحين رجل متزوج ويحمل مسؤلية مو رجل عازب وحر ..

الدور كله يقع عليج انج تطلعينه من الحالة الي هو فيه وتساعدينه مو بالماديات ولا بشغلك لا ساعديه توقفين جنبه في هالظروف وتبين له انج تحبينه ومتمكسة فيه عيل ليش يقولون الزواج الصبر على الحلوة والمرة في الشدة والمرض ..

ممكن تساعديه بعد بأنج تتشاركي معاه انج تدورين معاه على وظائف ولما تلقين اي وظيفة او تسمعي عن شاغر تعرضينها عليها وتشجعينه ..

ممكن تساعديه بأنج تقومي الليل والفجر وتصلي ركعتين تدعين فيها ربج يسر له اموره ويرزقه بالوظيفة وتتحسن ظروفكم دايما دايما ادعيه هذي الايام والاشهر مباركة وفيها استجابة الدعاء ..

وانتي ادرى بظروف البحرين والاشغال وشكثر الواحد صعب يلقى وظيفة زينة واذا لقى وظيفة حيا الله يتمسك فيها بضروسه بسبب الفصل من الشغل الي قاعد يصير الحين بسبب الظروف الاقتصادية ..

والله يهديكم ويخليكم لبعض ان شاء الله ..

مثل رد البنات
لاتفكرين تنفصلين
ويا اختي هاده حالنا بالبحرين مافي اشغال
تلاقين البنيه ميته تبي تشتغل ومو لاقيه تشتغل وتكون نفسيتها دمار
شحال الصبي وخاطب بعد ؟ :sick:

أختي الله يكون بعونكم ترى خطيبج نفسيته تعبانه ولازم انج تراعينه وكل هذا من الشغل خطيبج احس بضغوط وانتي لاتضغطين عليه صبري ياختي اذا ماصبرتي على زوجج الحين متى بتصبرين اني ماانصحج بالطلاق الصبر يااختي والدعاء والله يفرج ليكم

خيتوو

انا بعد انصحج انج ما تتطلقين

زوجك لحين يحتاج اليش وانتي مثل ما تقولين عزيز نفس وما يفتكر في البيزات ولو عنده يطلعش ويوديش وما يقصر عنج .. حبوبه حاسبي على كلامج وخصوصا كلامج على العصير الي مشترتنه من حسابج ,, خليج مكانه شنو راح تحسين فيهاا
اكيد بيحس انج تعايرينه ومع انج ما تقصدرين
ادري فيج مضغوطه وخصوصا شغل دوامين مو سهل

سو لكم جو واطلعو في الويك اند مو شرط تصرفون بيزات علشان ما يتحسس ومنها ما تعودينه يصرف من بيزاتج
روحو على البحر احسن من قعدت البيت والملل ومثل ما تقولين قعدته كل على التلفزيون والمباريات
وشجعيه على الشغل اكثر بالكلام الحلو
قولي له مشتاقه اكون معاك على طول
او اذا ناويين تحملين على طول عقب الزواج قولي له ابغي اشوف عيالنا
اشتقت حبيبي لضحكتك الحلووه ومن هالكلام الحلو
لا تنتضرين منه ,, حاولي انتي تباردين بالكلام
وشوفي حبيبتي زوجك ما منه مخافه لانه شاريج
وبصراحه زوجي في بدايه الخطوبه كنا مفلسين لدرجه ما عندنا سياره
وبالصبر ,, الحمد لله يا ربي اوضاعنا واايد احسن
وانتو بعدكم في بدايه حياتكم .. وانتو ادرى باوضاعنا في البحرين وشبابنا الي يعاني ربي يسهل عليهم يارب
حبوبه ليش ما تكتبين في قسم الوضائف عن تخصص زوجك سبحان الله يمكن ربي يرزقه
ويا ريت ترسلين ليي تخصصه وشنو نوعيه الشغل الي في باله يمكن اقدر افيدكم بشي

اختي العزيزة بحرينية اللي يقرأ قصتج يقول هاذي مو عايشة في البحرين

انتي في البحرين اختي في عذاري اللي تسقي البعيد و تخلي القريب

ما تدرين ان الاشغال و الوظايف العدلة الى الجلف و ربعهم ؟؟!!!
و ما تدرين ان اذا عندج واسطة تشتغلين بلمح البصر و اذا لا في الطقاق ؟؟!!!

كوني واقعية انتي تجوفين البحرين شلون من سيء الى اسوء

انتي غلطانة مئة بالمئة تعايرينه على عصير و ما تبغينه يعصب ؟؟!!!

يعني ليش ما توقفين وياه المفروض انتي اللي تطيبين خاطره ترى خاطره منكسر و هو محتاج لج في هالوقت اكثر من اي وقت ثاني و تاكدي اختي الغالية ما ضاقت الا لتفرج

و صبري و الله بيعوضج خير ان شاء الله
ولا تنسين الله ما ينسى احد مهما يكووووووووووووون

موفقة يا حلوة

اختـي انا اشوف تعطينه فرصه بعد وتخلينه يدور له شغل ..

انا مب بحرينيه لكن عارفه ان الوضع في البحرين صعب من ناحية الوظايف .. واللي اعرفه ان وايد بحرينيين طلعوهم من اشغالهم

واكيد مسألة انه يدور من جديد يبي لهـا وقت ..

انا اقول طالما انه دخل عليج .. اصبري

وطالما انه يقول يحبج .. اصبــري

وادعي ان الله يفرجها .. وعن انه متغير

لازم بيتغير اذا شايف ان زوجته عندها راتب وتشتغل وهو مب قادر يوفر لها ولا شيء

يعني هي شايله نفسها وهو الرجال عاجز عن انه يعيشها من عنده او يصرف عليها

او حتى يخلص امور الزواج

الله يسهل امركم

-

حبيبتي بحرينية لا تتطلقين و لا شي

و اكثري من قراءة سورة الواقعة عقب الصلاة العشاء فانها تجلب الرزق

و حاولي تقنعين زوجش انه يشتغل حتى لو شغلات طقطقة على ما يحصل ليه شغل عدل
على الاقل عشان يمشي اموووره

و الله يسهل على خطيبش و على اخواني بعد

اصبري عليه لين يشتغل وبتشوفي التغير واحكمي وقتها لان بصراحة صعب جدا احساسه انك تشتغلي وتصرفي وهو عاطل ومو محصل شغل ..
وادعي الله يوفقه بشغل حلو ولا تفكريين بالطلاق انتي الخسرانة الرجال شاريك ويحبك ..
الله ييسر همك ويفرج همك يارب..

حبيباتي انا قلت لكم إني ( كنت ) اشتغل .. الحين ما اشتغل ،
وواجد بنات اهني نصحوني إني اطلع من الشغل ،،
ومشكورين على كل دعواتكم وردودكم وادعولي الله يفرجها علينا قريب يارب !