افكل فيالانفصال - منتديات عروس

t

tayma

عروس رائعة

27-06-2010 | 12:55 PM

السلام عليكم..تحية طيبة وبعد..

الله يسلمكم خواتي انا عندي مشكلة متعبتني وايد وحاسة نفس مخنوقة منها ولا قادرة اعيش حياتي الطبيعية بسببها، المشكلة هي علاقتي مع زوجي مافي تفاهم بينا ابدا ولا انسجام .. بس الغريب انه بدون قصد من الطرفين يعني لا انا الي متعمدة هذا الشيء ولا هو بس سبحان الله طبيعة شخصياتنا مختلفة في كل شيء ولا شعوريا تنعاكس في كل شيء وطبعا انتيجة على كل شيء نختلف ونزعل واحنا مانبي هذا الشيء ، لانه لازوجي شراني ولا انا شرانية ، هذا من ناحية الشخصية. (عدم التفاهم والانسجام )

الشيء الثاني، اهلي زوجوني زوجي على اساس انه انسان ملتزم ودين ويصلي في المسجد وخلوق وطبعا ابوي قعد يسال عنه شهور وماادري الناس اشعندها ما تصدق ، وطبعا بعد الزواج طلع العكس تماما لايصلي بالمسجد ولا هم يحزنون ولا فيه ذرة التزام ابدا عادي جدا واقل من عادي يجمع الصلوات ويصلي في البيت وصلاته أي كلام وعصبي جدا، هذا غير انه عنده مشاكل نفسه وما عنده ثقة بنفسه، واخيرا حتى شكله مو ذاك الزود لا وانا بعد اطول منه ب 3 سم بدون كعب. يعني لا دين ولا حسن خلق ولا شكل عدل. مع العلم هو اكبر مني ب 6 سنوات وحاولت معاه بشتى الوسائل والطرق علشان يتغير مافي فايدة:thumbs_down: .. واسمعوا الباقي...

الشيء الثالث انا تزوجت عمري 20 سنة وكنت ادرس بالجامعة، يعني ابدا ما كنت في فترة اني بعنس بس اهلي الله يهديهم كانو يبون يزوجوني باي طريقة لانه الناس كله تخطبني ويقولون اذا ما وافقتي على حد بيوقف نصيبج ( مدري شالتفكير الغريب) ؟؟!!! وخلوني اتزوج زوجي، المشكلة زوجي اصله غير اصلنا بس عنده جواز البلد الي احنا عايشيين فيه ، المهم هم مستواهم الاجتماعي والمادي زين بس طريقة عيشتهم غير عنا تمااااااااااااااما وانا من تزوجت وانا تعبانه معاهم اهله ، احنا في بيت اهلي كل شيء بهدوء وسلام ودايما ابوي معلمنا على التسامح والعفو والوالدة كلش طيبة ولا تحاسب الناس، بس بيت عمي العكس تماما يا ويل ويله الي يغلط ولا يخالفهم تحل عليه لعنات الارض والسماء. والله تعبت معاهم وايد ومو قادرة استحمل اكثر وريلي يقولي هذولي اهلي ما راح يتغيرون يا تتحملين يا تروحين بيت اهلج ؟؟!!

والله اني وايد متحسرة على نفسي:'( الحين عمري 26 خريجة جامعية ووين مااروح الناس يخطبوني واشوف نظرات الاعجاب اصلا محد يصدق اني متزوجه وعندي ولد يحاسبوني بنوته، دايما اقول ليش اهلي سوو فيني جذي ورموني هالرمية ، الحق يقال زوجي مو سيء يحاول يرضيني بالي يقدر عليه بس انا مو محصله فيه الاشياء الي كنت ابيها في زوجي وهي الالتزام وحسن الخلق ولا حتى شكل يعني زوجي مو مالي علي عقلي وقلبي ودايما احس في فراغ واسال نفسي هل بظلم نفسي لو كملت معاه ...الله يسعدكم عطوني رايكم

ف

فجر عمان

عروس رائعة

27-06-2010 | 03:13 PM

ما ادري شو اقولج
انا للحين ما تزوجت ان شاء الله المتزوجات يفيدونج

.

.. أمــ عــلــيــ ..

عروس ماسية

27-06-2010 | 03:24 PM

حبيبتي ..

طولي بالك الله يهديك ..

وش عقبه تفكرين بالطلاق الحين بعد زواج ست سنوات وولد ؟!!!

طيب ليش ما تحاولين تغيرين نظرتك لحياتك ...!!!

امسحي من بالك كلمة .. أهلي رموني .. أهلي ظلموني ........الخ من الكلام اللي ما يجيب الا ضيقة الصدر ....!!!

هذا نصيبك .. وربي كاتبه لك وانتي في بطن أمك..

يعني اللي صار صار .. وارضي بحياتك ونصيبك من الدنيا .. وربي بيشرح صدرك ويسعدك ..

خلي في بالك أولاً : ان هدف حياتك رضى الله .. ثم زوجك ..

وثانياً : اكثري من اشغال نفسك بالاشياء المفيدة .. وأهتمي ببيتك وولدك ..

واذا ما قدرتي تسعدي زوجك .. حاولي تسعدي ولدك .. هو ايش ذنبه انك انتي ما رضيتي بحياتك ؟ وتتعسيه معك ؟

هو طفل .. محتاج أمه تسعده وتونسه وتوجهه بحياته ..
وبالنسبه ان زوجك ما طلع يصلي وملتزم .. احمدي ربك انها اشياء تقدرين تغيرينها ...!! مو مثل راعي المخدرات والبلاوي اللي ما يفيد فيه الا الشرطه والمحاكم .....!!!

الصلاة انتي احرصي عليها أولاً واذا شافك حريصه عليها هو بيحرص بعد .. ولو شفتيه ما راح يصلي في وقتها انتي أأمريه انه يروح يصلي .. واحرصي على ايقاضه لصلاة الفجر .. وهالشغله يبي لها صبر وطولة بال .. وحاولي انك تقرأين عن الصلاة واحكامها وتخلينه يقرأ معك .. او اشتري كتب تتكلم عن الصلاة وخليها دايماً قدامه في البيت .. ولا تلزمين عليه انه يقرأها .. علشان ما يحس انك خانقته ..
واذا حرص على الصلاة ان شاءالله راح يحرص على الخيرات الثانيه .. بس الصلاة اولاً ..

لا يكون كل همك .. ليش زوجي كذا .. ليش انا كذا ؟!!!

شوفي الناس اللي أقل منك .. وبكذا راح تحسين بالنعم اللي انتي عايشه فيها ..

وبالنسبه لطولك مقارنة بزوجك .. يا كثر اللي اعرفهم كذا .. وأولهم أمي وأبوي ....!! بس ماشاءالله تبارك الله متفاهمين .. وعايشين براحه .....!!!

وأنتبهي .. انتبهي .. انتبهي .. تسبين أهل زوجك عنده .. أو تتكلمين عليهم عنده .. لأن هالشئ بيقلل قيمتك بنظر زوجك .. مهما كان هذولا أهله .. ومهما سووا فيك .. ما يرضى انك تسبينهم ......!!!

اذا غلطوا بحقك .. او عليك .. حاولي تواجهينهم بالطيب .. واياك والمواجهه بالمثل او بالغلط .. لأنك انتي الخسرانه ...

تفائلي بالخير .. شوفي الاشياء الايجابية في زوجك وفي حياتك .. وانسي السلبيات ..

وعلشان تزيد راحتك وسعادتك في بيتك .. احرصي على الصلوات بأوقاتها .. واحرصي على الاذكار والاستغفار .. وقراءة القرآن .. وخلي صوت القرآن دايم في بيتك .. وربي راح تشعري بسعاده وراحه لا يمكن وصفها ..

:025: هذا اللي اقدر اقوله لك حبيبتي .. :025:

باختصار .. حل مشاكلك كلها بإيدك انتي اولاً وأخيراً .. وزوجك من كلامك انه ما قصر معك بشي ويحاول يرضيك .. يعني الخلل منك انتي .. راجعي نفسك وشوفي اخطاءك وين وصححيها ..

:087:

d

dr.sosocaty

عروس مبدعة

27-06-2010 | 03:35 PM

الله يكون فعونج حبيبتي
حبيبتي حاولي تتكلمين مع زوجج تتقربين منه اكثر لاتفكري بالانفصال لاسباب سطحيه مثل الشكل
وبالنسبه للالتزام تكدرين تنصحي وتهدي
وتذكري في بينكم ولد وعشره
وربي يسهلج امرج

د

دقات قلبFي

مشرفة سابقة

27-06-2010 | 04:31 PM

لي عوده لموضوعك كتبت رد وانمسح للأسف فلي عوده لما لمسته بمشكلتك اختي

أ

أحلى خجل

عروس مشرقة

27-06-2010 | 05:29 PM

يقولون لش
البنت اذا تزوجت يا تخلي زوجها يصير للأحسن أو للأسوء
حاولي أنش تكسبينه لصفش بمعنه كونه له الأم و الأخت و الزوجه
قعدي وياه خلي يشاركش بسوالفه وأنتين بعد و أخذي و أعطي معاه
لين ما يحس بالأخير أنه ماله غنه عنش ,,
و لو مافي فايده ويا أصبري
أن الله مع الصابرين و هذا عندش ولد
اذا مو عشانه عشان ولدش ..
..تقبلي تحيآتي..

h

hibi

عروس مبدعة

27-06-2010 | 06:07 PM

.. أمــ عــلــيــ ..;12470701:
حبيبتي ..

طولي بالك الله يهديك ..

وش عقبه تفكرين بالطلاق الحين بعد زواج ست سنوات وولد ؟!!!

طيب ليش ما تحاولين تغيرين نظرتك لحياتك ...!!!

امسحي من بالك كلمة .. أهلي رموني .. أهلي ظلموني ........الخ من الكلام اللي ما يجيب الا ضيقة الصدر ....!!!

هذا نصيبك .. وربي كاتبه لك وانتي في بطن أمك..

يعني اللي صار صار .. وارضي بحياتك ونصيبك من الدنيا .. وربي بيشرح صدرك ويسعدك ..

خلي في بالك أولاً : ان هدف حياتك رضى الله .. ثم زوجك ..

وثانياً : اكثري من اشغال نفسك بالاشياء المفيدة .. وأهتمي ببيتك وولدك ..

واذا ما قدرتي تسعدي زوجك .. حاولي تسعدي ولدك .. هو ايش ذنبه انك انتي ما رضيتي بحياتك ؟ وتتعسيه معك ؟

هو طفل .. محتاج أمه تسعده وتونسه وتوجهه بحياته ..
وبالنسبه ان زوجك ما طلع يصلي وملتزم .. احمدي ربك انها اشياء تقدرين تغيرينها ...!! مو مثل راعي المخدرات والبلاوي اللي ما يفيد فيه الا الشرطه والمحاكم .....!!!

الصلاة انتي احرصي عليها أولاً واذا شافك حريصه عليها هو بيحرص بعد .. ولو شفتيه ما راح يصلي في وقتها انتي أأمريه انه يروح يصلي .. واحرصي على ايقاضه لصلاة الفجر .. وهالشغله يبي لها صبر وطولة بال .. وحاولي انك تقرأين عن الصلاة واحكامها وتخلينه يقرأ معك .. او اشتري كتب تتكلم عن الصلاة وخليها دايماً قدامه في البيت .. ولا تلزمين عليه انه يقرأها .. علشان ما يحس انك خانقته ..
واذا حرص على الصلاة ان شاءالله راح يحرص على الخيرات الثانيه .. بس الصلاة اولاً ..

لا يكون كل همك .. ليش زوجي كذا .. ليش انا كذا ؟!!!

شوفي الناس اللي أقل منك .. وبكذا راح تحسين بالنعم اللي انتي عايشه فيها ..

وبالنسبه لطولك مقارنة بزوجك .. يا كثر اللي اعرفهم كذا .. وأولهم أمي وأبوي ....!! بس ماشاءالله تبارك الله متفاهمين .. وعايشين براحه .....!!!

وأنتبهي .. انتبهي .. انتبهي .. تسبين أهل زوجك عنده .. أو تتكلمين عليهم عنده .. لأن هالشئ بيقلل قيمتك بنظر زوجك .. مهما كان هذولا أهله .. ومهما سووا فيك .. ما يرضى انك تسبينهم ......!!!

اذا غلطوا بحقك .. او عليك .. حاولي تواجهينهم بالطيب .. واياك والمواجهه بالمثل او بالغلط .. لأنك انتي الخسرانه ...

تفائلي بالخير .. شوفي الاشياء الايجابية في زوجك وفي حياتك .. وانسي السلبيات ..

وعلشان تزيد راحتك وسعادتك في بيتك .. احرصي على الصلوات بأوقاتها .. واحرصي على الاذكار والاستغفار .. وقراءة القرآن .. وخلي صوت القرآن دايم في بيتك .. وربي راح تشعري بسعاده وراحه لا يمكن وصفها ..

:025: هذا اللي اقدر اقوله لك حبيبتي .. :025:

باختصار .. حل مشاكلك كلها بإيدك انتي اولاً وأخيراً .. وزوجك من كلامك انه ما قصر معك بشي ويحاول يرضيك .. يعني الخلل منك انتي .. راجعي نفسك وشوفي اخطاءك وين وصححيها ..

:087:

:092::092::092:

u

um 3looy

عروس رائعة

27-06-2010 | 06:50 PM

، الحق يقال زوجي مو سيء يحاول يرضيني بالي يقدر عليه بس انا مو محصله فيه الاشياء الي كنت ابيها في زوجي
[/QUOTE]

المشكلة اختي انه معظمنا قبل الزواج يخلي صورة مثالية للزوج وهذا الغلط لانه بعدين ننصدم من الواقع

وانتي مثل ماقلتي أنه زوجج مو سيئ يعني حمدي ربج ألف مرة لانه طلع أحسن من غيره

وبالنسبة للشكل تره اذا حبيتيه من كل قلبج بتشوفين انه أجمل زوج في الدنيا وحتى لو كان شكله كريه وبكون شكله غير في عيوونج

ومادام انه بينكم ولد فحرام تحرمينه من ابوه وفي سنه الصغير حاولي تتفاهمين مع زوجج
ومرة على مرة بصير انشالله للأحسن ولاتحاولين تقارنين جمالج بجمال زوجج وتتحسفين على انج اخذتيه

حمدي الله على النعمه وحاولي تصلحين الامور بينج وبينه وحتى مع اهله

والله يوفقكم

t

tayma

عروس رائعة

27-06-2010 | 07:40 PM

يسلمووووووو خوااتي على ردودكم الطيبة ... والبنات الي يقولون تكلمي معاه انا 24 ساعة اسولف معاه وهو وايد متعلق فيني يقول الوقت معاج يمضي بدون ما احس فيه هو مستانس معاي ودايما يقول انا محظوظ فيج وباهلج لانه اهلي حاطينه فوق راسهم ويعاملونه جنه امير بس اهله يتعاملون معاي بطريقة جدا سيءة... ومن ناحية الصلاة والله ما خليت شيء ماسويته دعاء وقيام ليل ونصايح حلوة ورمضانات كلها الي تمر علي يمكن كل دعائي له انه الله يهديه ويصلح حاله بس ولا في فايدة والله اني اتقطع لما اقوله اذن يروح يحط راسه وينام...اقوله انت باجر بتصير قدوة ولدك اذا ما بتهتم بالصلاة ولدك باجر ماهو مصلي ...شنو اكثر من جذي والله لاعت جبدي ومليييييييت ... انا ياية من عايلة ملتزمة عندنا الصلاة اهم شيء وابوي واخواني ولا فرض يفوتونه كله بالمسجد ولما اشوف ريلي جذي والله تقل مكانته عندي وبعدين الي صلاته مو عدلة ما يكون عنده وازع ديني وممكن يسوي اي شيء مع الاسف والباقي خليني ساكته :(

l

life just moments

عروس متألقة

27-06-2010 | 08:45 PM

tayma;12472903:
يسلمووووووو خوااتي على ردودكم الطيبة ... والبنات الي يقولون تكلمي معاه انا 24 ساعة اسولف معاه وهو وايد متعلق فيني يقول الوقت معاج يمضي بدون ما احس فيه هو مستانس معاي ودايما يقول انا محظوظ فيج وباهلج لانه اهلي حاطينه فوق راسهم ويعاملونه جنه امير بس اهله يتعاملون معاي بطريقة جدا سيءة... ومن ناحية الصلاة والله ما خليت شيء ماسويته دعاء وقيام ليل ونصايح حلوة ورمضانات كلها الي تمر علي يمكن كل دعائي له انه الله يهديه ويصلح حاله بس ولا في فايدة والله اني اتقطع لما اقوله اذن يروح يحط راسه وينام...اقوله انت باجر بتصير قدوة ولدك اذا ما بتهتم بالصلاة ولدك باجر ماهو مصلي ...شنو اكثر من جذي والله لاعت جبدي ومليييييييت ... انا ياية من عايلة ملتزمة عندنا الصلاة اهم شيء وابوي واخواني ولا فرض يفوتونه كله بالمسجد ولما اشوف ريلي جذي والله تقل مكانته عندي وبعدين الي صلاته مو عدلة ما يكون عنده وازع ديني وممكن يسوي اي شيء مع الاسف والباقي خليني ساكته :(

بصراحة خواتي الغاليات كلامكم كله صح وما ينعاب عليه
بس كله الا ترك الصلاة والتهاون فيها.
هذي الله ماقالها ابدا
انا معكي اختيtayma :mad:
يعني الأسلام اشترط التكافؤ بين الزوجين في كل شيئ .
و الغلطة من البداية غلطة اهلك اللي غصبوكي عليه ( لا حول ولا قوة الا بالله )
بس من ناحية ثانية الولد اللي بينكم ماله ذنب يتشرد عن امه وابوه.
كل اللي اقدر اسوية غاليتي اني ادعي لك رب الكون يفرج همك ويهدي لك زوجك .وانت بعد دوري في خبايا قلبه يعني حطي له كتاب دعوي رائع اسمه ( العائدون الى الله )
وشوفيه اذا تأثر يعني ان شاء الله فيه الخير وتمي على صلاتك ودعائك وتصدقي ايضا و ان شاء الله يفك ربي ضيقك

س

ساهرة مع القمر

عروس مبدعة

27-06-2010 | 08:58 PM

أحس مشكلتك مرررررررررررره عآمهـ

يعني مش محدده بشي خآآص مثلا زوجك بخيل أو قاسي أو أو أو......الخ

يعني مشكله عآمه

أبحثي في أعماقك عزيزتي

وشوفي ايش الشي اللي مخليك مش حابته

أو أنك مجمعه كل سلبياته و حاطتهم قدآمك أبحثي عن النقاط الأيجابيه فيه

ونميهآ و أفتخري فيهآ و خليها قدآمك على طووول

أمآ عن الشكل لو كل وحده بتدور جمال ورآح تترك و تتجاهل الأمور الثانيه مافي أحد عايش سعيد

الجمال بالنسبه لي كاديكور في اي لحظه يقع و ينكسر ولا يتصلح أبحثي عن جوهره االحقيقي الذي يكمن في رجولته و مواقفه الشهمه

أمآ عن صلاتهـ معك حق الوآحد كل شي ولا الصلآهـ

مثلا قولي له ابوي يبيك تروح معه الصلاه وش رآيك؟؟

أو أي شي زي كذا

بس انتي لا تتركيه و لآ تيأسي من رحمة ربكـ

ا

ام رهود

عروس ذهبية

27-06-2010 | 09:08 PM

.. أمــ عــلــيــ ..;12470701:
حبيبتي ..

طولي بالك الله يهديك ..

وش عقبه تفكرين بالطلاق الحين بعد زواج ست سنوات وولد ؟!!!

طيب ليش ما تحاولين تغيرين نظرتك لحياتك ...!!!

امسحي من بالك كلمة .. أهلي رموني .. أهلي ظلموني ........الخ من الكلام اللي ما يجيب الا ضيقة الصدر ....!!!

هذا نصيبك .. وربي كاتبه لك وانتي في بطن أمك..

يعني اللي صار صار .. وارضي بحياتك ونصيبك من الدنيا .. وربي بيشرح صدرك ويسعدك ..

خلي في بالك أولاً : ان هدف حياتك رضى الله .. ثم زوجك ..

وثانياً : اكثري من اشغال نفسك بالاشياء المفيدة .. وأهتمي ببيتك وولدك ..

واذا ما قدرتي تسعدي زوجك .. حاولي تسعدي ولدك .. هو ايش ذنبه انك انتي ما رضيتي بحياتك ؟ وتتعسيه معك ؟

هو طفل .. محتاج أمه تسعده وتونسه وتوجهه بحياته ..
وبالنسبه ان زوجك ما طلع يصلي وملتزم .. احمدي ربك انها اشياء تقدرين تغيرينها ...!! مو مثل راعي المخدرات والبلاوي اللي ما يفيد فيه الا الشرطه والمحاكم .....!!!

الصلاة انتي احرصي عليها أولاً واذا شافك حريصه عليها هو بيحرص بعد .. ولو شفتيه ما راح يصلي في وقتها انتي أأمريه انه يروح يصلي .. واحرصي على ايقاضه لصلاة الفجر .. وهالشغله يبي لها صبر وطولة بال .. وحاولي انك تقرأين عن الصلاة واحكامها وتخلينه يقرأ معك .. او اشتري كتب تتكلم عن الصلاة وخليها دايماً قدامه في البيت .. ولا تلزمين عليه انه يقرأها .. علشان ما يحس انك خانقته ..
واذا حرص على الصلاة ان شاءالله راح يحرص على الخيرات الثانيه .. بس الصلاة اولاً ..

لا يكون كل همك .. ليش زوجي كذا .. ليش انا كذا ؟!!!

شوفي الناس اللي أقل منك .. وبكذا راح تحسين بالنعم اللي انتي عايشه فيها ..

وبالنسبه لطولك مقارنة بزوجك .. يا كثر اللي اعرفهم كذا .. وأولهم أمي وأبوي ....!! بس ماشاءالله تبارك الله متفاهمين .. وعايشين براحه .....!!!

وأنتبهي .. انتبهي .. انتبهي .. تسبين أهل زوجك عنده .. أو تتكلمين عليهم عنده .. لأن هالشئ بيقلل قيمتك بنظر زوجك .. مهما كان هذولا أهله .. ومهما سووا فيك .. ما يرضى انك تسبينهم ......!!!

اذا غلطوا بحقك .. او عليك .. حاولي تواجهينهم بالطيب .. واياك والمواجهه بالمثل او بالغلط .. لأنك انتي الخسرانه ...

تفائلي بالخير .. شوفي الاشياء الايجابية في زوجك وفي حياتك .. وانسي السلبيات ..

وعلشان تزيد راحتك وسعادتك في بيتك .. احرصي على الصلوات بأوقاتها .. واحرصي على الاذكار والاستغفار .. وقراءة القرآن .. وخلي صوت القرآن دايم في بيتك .. وربي راح تشعري بسعاده وراحه لا يمكن وصفها ..

:025: هذا اللي اقدر اقوله لك حبيبتي .. :025:

باختصار .. حل مشاكلك كلها بإيدك انتي اولاً وأخيراً .. وزوجك من كلامك انه ما قصر معك بشي ويحاول يرضيك .. يعني الخلل منك انتي .. راجعي نفسك وشوفي اخطاءك وين وصححيها ..

:087:

اختي اللي قبلي ماقصرت (كفت ووفت)....
انتي هدي اعصابك وتعوذي من ابليس ....

s

sweet reeme

عروس ماسية

27-06-2010 | 11:33 PM

الله يوفقك ويسر امرك

u

umjana79

عروس ركن قضايا و حلول

27-06-2010 | 11:38 PM

السلام عليكم ورحمه الله وبركاته ..

اقولك وما تزعلين..

المشكله ماهي فيه أساساً لان مثل ما قالو الاخوات المشكله عامه ما في تخصيص .. ولو الريال كان مقصر معاج .. جان حطيتي قائمه تطول ولا تقصر من العيوب الي فيه ... وانا متأكده ان زوجك شكله مقبول .. وطيب لدرجه ما ..والدليل قولك بأنه يحاول يرضيك بكل ما يستطيع..

طيب وين المشكله .. المشكله هي كلام الناس الي مأثر فيك... بغض النظر عن نظره اهلك للزواج لك في سنك الصغير ,,, كثير بنات تزوجو .. وبعدها عاشو حياه طبيعيه وحبو ازواجهم..

وكثير بنات تزوجو ازواج اقل منك بكثير بالشكل والمال والحاله الاجتماعيه ... لكنهم راضين .. بالنصيب .. وغيره يتمنون لو ريال بس ... وأهو زواج والسلام... على كلام بعض الناس..

يا اختي حطي ببالك ان اهلك ما رموك عبث .. بالعكس اسألو عن زوجك ... ولو زوجك كان فيه عيب شرعي واضح جداً كان هم اصلك ما خلوك تتزوجينه...

امور الصلاه محد يقدر يعرفها الا لمن تعاشرين الشخص ... ويا ما ازواج الكثير من البنات .. ماكانو يصلون واهتدو على يد زوجاتهم بفضل دعائهم ومثابرتهم...زوجك عمرك ما حبيته لانك اصلا انتي تشوفي نفسك اغلى من انه يستحقك... وتحسين انك تستاهلين شخص.. مميز واحلى واجمل .. يعني شخص رسمتيه وفصلتيه لنفسك..

بغض النظر عن اهله ... انتي عايشه معاه بالاخير ... ولو طلبتي منه انك تطلعين عن بيت اهله لو افترضنا انك عايشه معاهم ما عتقد انه بيقصر .. وبتكونين ببساطه بعدتي عن المشاكل..

يا اختي لا تحطين العقده بالمنشار .. وبدل ما تشوفين الامور السطحيه الي تخليك تكرهين زوجك شوفي الاشياء الايجابيه الي ما يمكن تحصلينها بزوج ثاني ... ولعلمك... مش معناه ان في ناس تخطبك للحين .. معناه لو تطلقتي راح تحصلين طابور خطاب ... لاء

نظره الناس للمطلقه وللآسف عزيزتي لا زالت ولا تزال دونيه ... وراح تكرهين عيشتك واللحظه الي تمنيتي فيها الانفصال ...

ولو راجعتي نفسك ... لحسيتي ان الانفصال مو هو الي انتي تدورينه .. ولكن تبين شويه رومنسيه وحنان ,, وانصدامك بالوقع المختلف والبيئه الي عشتيها عن بيئه زوجك ... سببت لك تضارب بمشاعرك..

عزيزتي .. حطي ببالك شغله وحده بس .. الريال ما يعوقه ان يتزوج بدل الحرمه ألف ... لكن الحرمه جدامها الف عائق وعائق لو فكرت انها تتطلق ... وغيره الف لو فكرت تتزوج وهي برقبتها اطفال...

فكري بطريقه اسعاد حياتك الزوجيه وزوجك ... بدل ما تقللين من قيمه زوجك في نظرك وتوصلين لمرحله انك تكرهينه... حاولي انك تنزلين لمستواه ... وتتعايشين معاه وتحبينه..

واسفه على الاطاله

ام جنى

t

tayma

عروس رائعة

28-06-2010 | 11:26 AM

كلامك صحيح أختي نور ... بس الغريبة ليش كلكم ركزتواا على الشكل في الوقت الي انا ذكرته في اخر القائمة... ولو ركزتوا انا ذكرت الصلاة والالتزام في المرتبة الاولى وركزت عليها ... وقلت الشكل كأضعف الايمان ، انا ماادري عنكم وعن خلفياتكم بس الانسانة الي تتربى في بيت دين والتزام وبعدين تاخذ واحد العكس جدا صعبة عليها خصوصا لما تشوفين اهلك ورجال العايلة كلهم جذي خلاص تتكون عندك فكرة انه الرجل المثالي هو الرجل المتزم المحافظ على دينه مو العكس... وانا كنت ومازلت احاول معاه وادعي له بالهداية والصلاح بس ماالله كتب وهذا الشيء مأثر وايد على نفسيتي اقول اذا مافي ايمان شو بقا ... وبعدين الريال لما مايكون ملتزم ماتستبعدين عنه اي شيء ومايكون عنده وازع ديني يمنعه عن المحرمات وزوجي من النوع الي لما اسولف معاه عن الامور الدينية يقول عارف عارف يعني صكي حلج ... لما يكون رب الاسرة مهمل بصلاته وعبادته الله مايبارك في رزقه ولا عائلته ولانحس بالراحة والسكينه في البيت ... انا دايما اشغل القران في بيتنا والاذكار واحس براحة وسكينة بس من يدش البيت يتغير كل شيء شو معناته هذا ...؟؟!! والعكس في بيت اهلي من اروح احس بالراحة والسعادة ابوي والوالدة ماشاء الله عليهم ما يضيعون قيام الله وصلاة الفجر وغيرها والعايلة كلها والله احس بيت البركة والسعادة واحس كل هذا من بركة الالتزام والمحافظة الصلاة

ع

عروس الحب

عروس ماسية

28-06-2010 | 12:20 PM

الله يعينج حبيبتي

ويفرجها عليج

خلاص استمري بالدعاء ثم الدعاء ثم الدعاء

وانا اعرف واحد ماكان يصلي بعععد

ومع الوقت صار الحمدلله يحافظ على صلاته صج ان مو بالمسجد

بس في تقدم

يعني ربج بيفرجها لج حبيبتي

موفقه

S

Sweet N Sour

عروس ركن العناية بالبشرة والجسم وركن العطور والعناية بالشعر

28-06-2010 | 01:39 PM

Noor1979;12475501:
السلام عليكم ورحمه الله وبركاته ..

اقولك وما تزعلين..

المشكله ماهي فيه أساساً لان مثل ما قالو الاخوات المشكله عامه ما في تخصيص .. ولو الريال كان مقصر معاج .. جان حطيتي قائمه تطول ولا تقصر من العيوب الي فيه ... وانا متأكده ان زوجك شكله مقبول .. وطيب لدرجه ما ..والدليل قولك بأنه يحاول يرضيك بكل ما يستطيع..

طيب وين المشكله .. المشكله هي كلام الناس الي مأثر فيك... بغض النظر عن نظره اهلك للزواج لك في سنك الصغير ,,, كثير بنات تزوجو .. وبعدها عاشو حياه طبيعيه وحبو ازواجهم..

وكثير بنات تزوجو ازواج اقل منك بكثير بالشكل والمال والحاله الاجتماعيه ... لكنهم راضين .. بالنصيب .. وغيره يتمنون لو ريال بس ... وأهو زواج والسلام... على كلام بعض الناس..

يا اختي حطي ببالك ان اهلك ما رموك عبث .. بالعكس اسألو عن زوجك ... ولو زوجك كان فيه عيب شرعي واضح جداً كان هم اصلك ما خلوك تتزوجينه...

امور الصلاه محد يقدر يعرفها الا لمن تعاشرين الشخص ... ويا ما ازواج الكثير من البنات .. ماكانو يصلون واهتدو على يد زوجاتهم بفضل دعائهم ومثابرتهم...زوجك عمرك ما حبيته لانك اصلا انتي تشوفي نفسك اغلى من انه يستحقك... وتحسين انك تستاهلين شخص.. مميز واحلى واجمل .. يعني شخص رسمتيه وفصلتيه لنفسك..

بغض النظر عن اهله ... انتي عايشه معاه بالاخير ... ولو طلبتي منه انك تطلعين عن بيت اهله لو افترضنا انك عايشه معاهم ما عتقد انه بيقصر .. وبتكونين ببساطه بعدتي عن المشاكل..

يا اختي لا تحطين العقده بالمنشار .. وبدل ما تشوفين الامور السطحيه الي تخليك تكرهين زوجك شوفي الاشياء الايجابيه الي ما يمكن تحصلينها بزوج ثاني ... ولعلمك... مش معناه ان في ناس تخطبك للحين .. معناه لو تطلقتي راح تحصلين طابور خطاب ... لاء

نظره الناس للمطلقه وللآسف عزيزتي لا زالت ولا تزال دونيه ... وراح تكرهين عيشتك واللحظه الي تمنيتي فيها الانفصال ...

ولو راجعتي نفسك ... لحسيتي ان الانفصال مو هو الي انتي تدورينه .. ولكن تبين شويه رومنسيه وحنان ,, وانصدامك بالوقع المختلف والبيئه الي عشتيها عن بيئه زوجك ... سببت لك تضارب بمشاعرك..

عزيزتي .. حطي ببالك شغله وحده بس .. الريال ما يعوقه ان يتزوج بدل الحرمه ألف ... لكن الحرمه جدامها الف عائق وعائق لو فكرت انها تتطلق ... وغيره الف لو فكرت تتزوج وهي برقبتها اطفال...

فكري بطريقه اسعاد حياتك الزوجيه وزوجك ... بدل ما تقللين من قيمه زوجك في نظرك وتوصلين لمرحله انك تكرهينه... حاولي انك تنزلين لمستواه ... وتتعايشين معاه وتحبينه..

واسفه على الاطاله

ام جنى

:thumbs_up::thumbs_up::thumbs_up::thumbs_up:

.

.. أمــ عــلــيــ ..

عروس ماسية

28-06-2010 | 05:30 PM

حبيبتي ..

انتي تبين تعلقينه في الصلاة ..

السالفه يبي لها وقت وطولة بال .. يعني لا تقولين خلاص حاولت وما فيه فايده ...!!

بالعكس الأمور هذي بيد رب العالمين تغييرها .. وممكن يتغير اليوم قبل بكرى .. لكن تفاءلي بالخير .. واذا دعيتي له بالهداية .. حطي في بالك ان ربي راح يستجيب لدعائك عاجلاً أو آجلاً .. لكن لا تيأسي ابداً من الدعاء له بالصلاح والهداية .. مع فعل الاسباب .. وهي اجباره على القيام للصلاة في المسجد .. وتذكيره بعقوبة تارك الصلاة .. وتذكيره بالأجر الحاصل من ذهابه للمسجد والصلاة جماعة .. واستمري بالتذكير ولا تيسأسين ..

الله يهديه .. ويهدي جميع المسلمين لكل خير

t

tayma

عروس رائعة

28-06-2010 | 06:05 PM

الله يسعدك يا أم علي وييسر لك أمورج سعيدة جدا بتفاعلك مع مشكلتي ... صح كلامك يبيلها صبر ويمكن انا نفسيتي تعبانة مع الوحم علشان جذي حاسة نفسي متضايقة منه على الاخير ولاني قادرة اتحمله مع اني وعدت نفسي ماعاد اشتكي لحد واستمر على الدعاء عسى ربي يهديه في يوم من الايام ويصلح حاله ... بس مدري اشيفيني حاسه كلش لايعة جبدي منه هل الفترة ومو قادرة اتحمل ... وكل مايصير عندي ضغط نفسي يصير جذي انا اقوله لو انك ملتزم بعبادتك جان ربي هداني لك وسخرني له ههههههه

t

tayma

عروس رائعة

29-06-2010 | 12:37 AM

بارك الله فيكم خواتي على مروركم الطيب ومشاركتم العطرة كل الشكر والتقدير :)