اللي يفرج همكم ردوا علي

م

ملكة*

عروس جديدة

25-06-2010 | 10:16 PM

السلام عليكم
اخواتيساعدوني شعري صاير جاف ومتقصف كثير بعد الصبغة
ساعدوني تكفووون بخلطة مضمونة
الله يجزاكم الف خير

ن

نآدرة آلوجود

عروس نشيطة

25-06-2010 | 11:52 PM

و عليكم السلام و رحمة الله

اختي لازم تقصي شعرك عشان تروح كل الاطراف المتقصفة و التالفة

و سويله حمام زيت ( سمسم + لوز حلو + خروع + جوز هند )

و بالنسبة للماسكات

عندك هذا مجرب

( علبة زبادي + 2 ملاعق اكل عسل نحل + 2 ملاعق اكل اي زيت تفضليه + 2 ملاعق خل + بيضة كاملة ) تحطيه على شعرك مدة 3 ساعات

و هذه ثانية

2 ملاعق اكل مايونيز + علبة زبادي + 2 ملاعق اكل بن القهوه العربية + 2 ملاعق اكل محلب تخلطينهم و تحطيها على راسك مدة 4 ساعات و اكيد لازم تحطي كيس بلاستيكي

اشطفي شعرك بمغلي القهوة التركية او النسكافيه بعد ماتخلصي غسيله

اهم شئ ابعدي عن الصبغات و السشوار و السيراميك و السيروم و كل الاشياء هذه

s

sendrellah

عروس مشاركة

25-06-2010 | 11:58 PM

صديقتي شعرها كان جاف وخربان وقعدت فترة على المايونيز لحاله واتحسن شعرها ماشاء الله ..
يعني تدهن شعرها مايونيز وتتركه اقل شي ساعتين ..
إن شاء الله أكون أفدتك يا قلبي ..

m

misty_angel

عروس جديدة

26-06-2010 | 03:11 AM

زيت دابر فاتيكا بالزيتون

م

موزة دلوعه ابوها

عروس رائعة

26-06-2010 | 03:37 AM

شوفي حبوبه قلبي عشان يعتدل شعرج لازم عنايه وخصوصا احنا في الصيف يعني اذا كان هالفتره ماعندج لا عرس ولا شي خلاص ابتعدي عن الاستشوار نهائيا ..

1- استخدمي مايونيز بالليمون .. البسي قفازات وسوي شعرج كلله وخصوصا الاطراف ولفيه بنايلون لمده ساعتين .. ( استخدميه مره في الاسبوع )

2- اشتري منتجات غارنييه ممتااااازه عن تجربه .. وخلج مداومه عليه

4- عندج الجرجير اخذي ماي الجرجير واخلطي معاه زيت زيتون وحطيه في شعرج ولفي شعرج بنايلون لمده ساعتين ( استخدميها مرتين في اول اسبوع وثاني اسبوع .. بعدها مره كل اسبوع ) هذي خلطه روووووووعه من قللللب انا مرجبتها ..

وبس اتمنى اني افدتج طبعا الاشياء الي قلت لج عنها مجربتها على نفسي

م

ملكة*

عروس جديدة

26-06-2010 | 09:12 PM

مشكووورين حبايبي
وجزاكم ألف خير