السلام عليكم
وصلتني هالقصه عن طريق الايميل .. وحبيت إني أنقلها لكم
بنات بكتب لكم قصة سمعناها من فترة وصج صج القصة عجيبة وحقيقية
كانت في مدرسة تسولف بالدوام وتقول صراحة انا زوجة حماي (الحمى اخو الزوج), حيل طيبة وعلى نياتها وماتشوف غير بيتها وزوجها وطلباتها احس انها مو مهتمة بحماي كرجل (يعني ماتكشخ له وتسوي له جو)
لدرجة طيبتها مرات اقول يلا ياحمارة قومي سوي شاي وقهوة (على اساس غشمرة) وبنت الحلال هذيج تسوي (حاطة في بالها انها مثل اختها والمدرسة تستهزىء فيها) ..
شوفو الحريم وخبثهم شافت معاها مدرسة ثانية مو متزوجة وقالت لها اشرايج ازوجج حماي وهذيج قالت على ايديج زوجيني وانا موافقة
راحت تمدح في المدرسة هذي قدام حماها (طبعا الزوجة الضعيفة ماتدري عن شي)
لحد ما الخبيثه حست انه اهتم وخاصة قالت له انت تحتاج زوجه تهتم ودلعك و... إلخ
لحد ما الخبيثه حست انه اهتم وخاصة قالت له انت تحتاج زوجه تهتم ودلعك و... إلخ
المهم قالت له اشرايك تتزوجها صدقني راح تهتم فيك
الاخ وافق وفعلا راح مع اخوه (زوج المدرسة الخبيييييثة) وخطبوا طبعا الزوجة ماتدري عن شي وحددوا موعد الملكة ..
بيوم الملكة كشخ العريس المفترض وزوجته تبخره وتعطره (ماتدري عن شي) ,
راح الاخ سال زوجته شرايج فيني يام فلان
راح الاخ سال زوجته شرايج فيني يام فلان
قالت ماشاء الله كانك معرس
قال لها واذا قلت لج اني فعلا معرس واليوم عرسي
قالت له : يجيني خبر عرسك ولا يجيني خبر موتك ( وهي تحسب انه يتغشمر ) ,,
قال لها واذا قلت لج اني فعلا معرس واليوم عرسي
قالت له : يجيني خبر عرسك ولا يجيني خبر موتك ( وهي تحسب انه يتغشمر ) ,,
المهم وهم طالعين الزوجة كانت كاشخة وبتروح استقبال يوم وصلو عند الباب وكل واحد بيركب سيارته ويروح مشواره انتبهت لجوتيه انه مغبر قالت له لحظة ومسكت طرف نفنونها الي بتروح فيه الاستقبال ونزلت الارض تمسح فيه جوتيه , الرجال انصدم من الحركة وتاثر حيييييييييييييييل فيه وعرف ان محد يسوى ظفرها اللي ترضى له بكل شي من حبها له (تنزل الارض وتنظف جوتيه بنفنوفها الي كاشخة فيه وهو رايح يملك عليها)
نزل لاخوه وقال له انا هونت مراح اتزوج
عصب اخوه قال لاتفشلنا مع الناس عطيناهم كلمة قال له مالي شغل مراح اتزوج على مرتي وماهموني الناس ..
راح الاخو وقال خلاص انا املك عليها بس مانحرج نفسنا عقب ماوعدناهم قال كيفك مالي شغل ..
راح الاخو وقال خلاص انا املك عليها بس مانحرج نفسنا عقب ماوعدناهم قال كيفك مالي شغل ..
راح الاخو (زوج المدرسة) وملك عليها
وقالو ترا خلاص ملكنا الزوجة الخبيثه استانست مادرت انه زوجها
وثاني يوم جابت الحلووووو والقهوة عشان صديقتها المعلمة عبالها تملكت على حماها
سألوها شنو المناسبة قالت فلانه ملك عليها حماي ردت المدرسة لا والله مو حماج زوجج اللي ملج علي خذيت زوجج
وصارت مذبحه في المـــــــــدرسة
شرايكم بالقصة؟؟؟؟؟
تستاهل من حفر حفرة لأخيه وقع فيها