ليه وزن المراه الحامل بيزيد من 11 لـ 16 Kg برغم ان وزن الطفل بيكون 2.5 لـ 4 Kg

كلنا ممكن نستغرب ليه السيده الحامل وزنها الطبيعى بيزيد من 11 : 16 كيلو أثناء فتره الحمل
برغم ان وزن الطفل عند الولاد فى الطبيعى من 2,5 لـ 4 كيلو جرام

لكن الام فى الفتره ديه بيزيد عندها انسجه كتيره علشان تحمى الجنين وتقدر تقوم بتغذيته التغذيه المناسبه يعنى مثلا

(1)

حجم الرحم ( uterus ) وبطانته بتزيد علشان يقدر يحمل الجنين ويحافظ عليه

(2)

كمان السوائل اللى داخل الرحم ( maternal fluid ) بتزيد مع تقدم الحمل علشان تحمى الجنين من الصدمات

(3)

حجم الدم ( maternal blood ) كمان بيزيد علشان يقدر يستوعب الزياده فى العناصر الغذائيه اللى بتوصل للجنين لتغذيته

(4)

حجم الصدر( breast tissue ) بيزيد كمان فى فتره الحمل الاخيره ( اخر 3 شهور ) علشان تستعد المرأه للرضاعه بعد الحمل مباشره

وبكده بيكون زياده الوزن ( الطبيعيه ) عند المرأه الحامل اللى بتوصل من 11: 16 كيلو = وزن الجنين + الزياده فى الرحم + الزياده فى maternal fluid + الزياده فى حجم الدم

منقول