السلام عليكم ورحمة الله وبركاته
قصتي بدت بزواجي
بدت معاناتي ليش وكيف مادري
تغيرت
انا لي تقريبا سنه
زوجي كان منما له علاقات بالنساء لدرجة تصل الى المعاشره
بين يوم وليله اصبح يضمنا بيتا واحد
كانت معاملته معي اجمل معامله ... لدرجة مااطلب شي الاجابه مايبي يزعلني باي شي
زوجي بداية زواجنا ماكان يعجبه لبسي في الحجاب نقاب نص
المهم كان في اليوم الموعد للغداء
بعد ماطلعنا من المطعم ...قال بجيب لج هديه
المهم راح شراء شيله عشان اغير شيلتي المطرزه والملونه
وحاطها لي بكيس
ركب السياره قال خذي الهديه قلت شنو فتحت الا صدمت ليش كذا
وصلنا لبيتنا قال خذي الكيس معاك نزلت وتركته بالسياره
طبعا عصب وكان متمالك لاعصابه لاخر حد
وعدى الموضوع
موقف اخر حدث مشاده كلاميه شوي بيني وبين عمتي ام زوجي
لانها رمت علي كلمه...لما تاخرت عليها عشان معزومين على عشاء
قالت انتن بهايم ماتفهمن قصدها لي ولبنتها فترديت عليها بالسياره زوجي شالها بقلبه وماكلمني
رحنا لملاهي وقال نزلي الشيله علي عيونج مع اهله احرجني طلعت وماسمعت كلامه شالها بقلبه
جينا لبيتنا المستقل بعد فترة العسل
انتقد لبسي للكوشه...
المهم بدا بتغيري شي فشي وكان هالشي يتعبني نفسين لانني متعوده على لبس ووضع معين وهو لايرضيه علما باننا اذا خرجنا للمجمعات يبدا يطالع بالبنات والعبايات المخصره
فاتحته بالموضوع وقلت دام انك يعجبك هالشي ليه ماتشوفه علي قال انا انظر لهن استنقاص مو عشان معجبيني
زوجي احيانا اشك بانه على علاقه ببنات مع اني ماشفت شي بعين يثبت ميه بالميه
انما اشياء توحي لك
فاحياننا اجد في جواله رسائل بلوتوث بشعر غزلي في صندوق الوارد واقول مو معقوله ربعه يرسلون له جذي حركة بنت
وهو ينكر الشي هذا ويقول لي ...رساله من ناس ماعرفهم وحنا بمكان بالقهوه او الكوفي
هل صادق ام كاذب لاعلم
وجدت سجل محادثات له مع بنت وكان عندي بالبيت وانا نايمه في وقت متاخر صدمت انهرت بكيت بحرقه وصارحته وانكر وقال هذا صديقي داخل من الابتب مالي والدليل شوفي فتحت ايميله وقال هذا ايميل اللي مسوي المحادثه صح قلت اي قال صديقي لو ايملي ليش اضيفه عندي
وضمني وقال اتركي الشك الزايد انا لو بحياتي احد كان شفتي التلفون ورنات ورسايل
انا لما اصدقه لانه مازال يعشق صديقه له سابقا
ويقول كانت ناعمه كانت رقيقه تضحك جذي وتسوي جذي انا ماخذتها لاني خفت اشك فيها بس تراني من ملكت تركتها
بنات انا لما اعصب اخرج عن الوعي بالفاظي وشجاري معاه
ويقول لي ليتك تسكتين السكوت احسن لج انتي لاتكلمتي نطقتي كفر
بنات لما رحت الاجازه لاهلي هددني بالطلاق وتركني وماخذني وقال ماراح اجي الالما توعديني تتغيرين ووعدته ورجعت
وبعد فتره زعلنا قال انا رجعتج لانج كسرتي خاطري كلام يجرح ولما اقول حبيبي انا رجعت ماحطيت اعتبارات للي تشوه الحين يقول امزح بقهرج بس انا كنت ناوي اجيبج اصلا بس بخوفج لاني احبج ابيج تتغيرين
في يوم احرجني قال في روج نكهات حلو بنات انا ابي الشي يجي مني مو ينبهني عليه احسه فاهم لكل شي ومجرب كل شي مع البنات ويخليني اتحطم من داخلي لانه يقول انا شايف ملكات جمال يبيي يكسر خشمي على قولته بالكلام هذا
مع اني جميله
لكن بدون انوثه وانا اعترف اعصب اخرج من الانوثه يقول كنج وحش
ههههههههههه
صراحه ابي نصايح منكم تطلع من القلب للقلب لي وللي مثل حالتي
مابي زوجي يضيعي مني لانه ماكو مثله وانا اعرف في قرارة نفسي بس من كلامه اصبحت اشعر انني غير جميله في عيونه مع انني اعجب كل من حولي لكن افقدني الثقه في نفسي
واصبحت دايم افكر ماانام
يقول مو لازم ماتنامين لين انام وتاكلين معاي وتغدين وياي عيشي حياتك طبيعيه
بنات حتى النوم اصبحت قلقه من شنو لااعلم اشغلني افقدني حيويتي
انصحوني يابنات قبل ماضيع
م
22-06-2010 | 11:30 PM
ا
22-06-2010 | 11:45 PM
الله يسخرلك زوجك يارب ويهديك ويهديه ويهدينا جميعاً
عزيزتي
الرجل ماحب كلمه لا..
انتي حاولي كل كلمه يقولها قولي له طيب بس بدون مايكون هالشي يغضب الله..
ان كان هو غير شيلتك من حرصه عليك وخوفه
وبالعكس مين فينا ماتحب تستر نفسها عن عيون الناس من الزينه
هو شاف البنات برا وشاف الصياعه عشان كذه يبي يحمي الدره الي في بيته وهي انتي
وغير كذه لاتقولين احس اني موحلوه واني فقدت شخصيتي وثقتي بنفسي
ترى بيقوى عليك وبتصيرين صغيره بنظره وبيجبرك تسوين كل شي
اجلسي معه وتفاهمو ع الي يبيه والي انتي تبينه
لاتقولين له لا..
قولي له ان شاءالله احاول وبأذن الله بقدر ارضيك
حاولي قد ماتقدري ترضيه
رضى الزوج ترى مهم..
وع الصوت
فيه موضوع اختنا ام سلمى الله يسعدها
جالسه تعلمنا اسرار السعاده الزوجيه
موضوع مثبت
اقريه واستفيدي
وان شاءالله ربي يسهل امرك
وع حكايه الشك
ترى الشيطان يدخل بينكم حاولي قد ماتقدري تبعدي عن الشك الا اذا شفتي شي قدام عينك صار
بس مافهمت الجزء الاول
كيف له علاقه بالنساء وتصل للمعاشره.؟
مافهمتك
عزيزتي
الرجل ماحب كلمه لا..
انتي حاولي كل كلمه يقولها قولي له طيب بس بدون مايكون هالشي يغضب الله..
ان كان هو غير شيلتك من حرصه عليك وخوفه
وبالعكس مين فينا ماتحب تستر نفسها عن عيون الناس من الزينه
هو شاف البنات برا وشاف الصياعه عشان كذه يبي يحمي الدره الي في بيته وهي انتي
وغير كذه لاتقولين احس اني موحلوه واني فقدت شخصيتي وثقتي بنفسي
ترى بيقوى عليك وبتصيرين صغيره بنظره وبيجبرك تسوين كل شي
اجلسي معه وتفاهمو ع الي يبيه والي انتي تبينه
لاتقولين له لا..
قولي له ان شاءالله احاول وبأذن الله بقدر ارضيك
حاولي قد ماتقدري ترضيه
رضى الزوج ترى مهم..
وع الصوت
فيه موضوع اختنا ام سلمى الله يسعدها
جالسه تعلمنا اسرار السعاده الزوجيه
موضوع مثبت
اقريه واستفيدي
وان شاءالله ربي يسهل امرك
وع حكايه الشك
ترى الشيطان يدخل بينكم حاولي قد ماتقدري تبعدي عن الشك الا اذا شفتي شي قدام عينك صار
بس مافهمت الجزء الاول
كيف له علاقه بالنساء وتصل للمعاشره.؟
مافهمتك
ر
23-06-2010 | 12:13 AM
حبيبتي الغاليه
اولا اسمحيلي موضوعك بالركن الغلط , سينقل بواسطة المشرفات الى ركن قضايا وحلول
بخصوص مشكلتك اسمحيلي بس الغلط منك ومنه ,
اولا ليش ما تسمعين كلامه لمن يقولك ابيك تلبسين كذا او تتغشين , لا حبيبتي لازم تسمعين كلام زوجك, بتقوليلي فيه حاجات مو مقنعه اني اسويها وما متعوده عليها اقولك ما عليه حبيبتي كل شي بالمسايسه واللسان الحلوة , خلك ذكيه خلك دبلوماسيه بردودك وانت توصلين للي تريديه , يعني اذا زوجك طلب منك تتغشي او تحطي اللحاف على وجهك فهذا من حبه لك وغيرته عليك ولان شايفك حلوه , فانت سايريه وماشيه وقوليله ان شاء الله حبيب قلبي تامرني امر , ومره وانتم جالسين مع بعض ناقشيه في الموضوع بس باسلوب حلو وانثوي
ثانيا مو مفروض تردي ع ام زوجك وتتصرفين تصرف مو زين معاها , اهي حرمه كبيره وحسبة امك وتحملي كلامها وعشان تكبري بعين زوجك بدال لا تخسريه وانت بنفسك تقولي ما اريد اخسره
ثالثا تريدي تكسبي زوجك ؟؟؟؟؟ شكل زوجك فاتح عيونه ع كل سوالف البنات , اذن انت مطلوب منك تدلعي له دايما اخر دلع وتغيرين بلبسك وبشعرك وبكل شي فيك عشان يحس نفسه ماخذ ملكة جمال العالم , لا تنفري زوجك منك بأسلوبك , ترا الرجال اذا حسوا انهم مو قادرين يتواصلوا مع زوجاتهم فكريا وحسيا بيفكروا ف اخرى , فشو تنتظري اسعدي زوجك وألمي بخبرات المتزوجات , المنتدى مليان مواضيع قيمه بالهبل بحاول ارسلك بعض اللينكات اذا فضيت
رابعا حبيبتي زوجك بعده في ايدك , تركي عنك العناد والعصبيه والتمرد وبأنوثتك بتخليه يوافق ويحقق لك كل رغباتك , بس اسلوبك ترا بينفر زوجك منك’, بايدك انت فقط تقتدري تستولي ع زوجك وع تفكيره , لا تتركيه لغيرك , شوفي شنو اهتماماته وشاركيه فيه , بس ايضا اهتمي كثير بمظهرك ولبسك ومكياجك وانوثتك وبمنزلك واكل زوجك واهتمي ان تدلعي زوجك كثييير , لا تخليه يحس ان اي بنت يعرفها احسن منك ف شي او انها تحبه اكثر منك , ولمن يكون بالدوام ارسليله مسجات رومانسيه وكلمات حلوة بس عاد مو كثير يعني اول الصباح ومنصف اليوم , قليله اشتقت لك وغيره من الكلام
خامسا حاولي بشكل غير مباشر تقوين صلة زوجك بالله اكثر من خلال الالتزام بالصلاة والنوافل وعمل عمره والحديث عن الاعمال الخيريه واثرها , بس بشكل حلو وسلس كأنك تسولفي معاه سوالف عاديه , ترا اذا الواحد عرف ربه بيترك كل الخرابيط والسيئات التي يقوم بها
سادسا اسلوبك اسلوبك اسلوبك هو الذي يرفعك ويجعلك انسانه ناجحه , فكري دائما بذكاء قبل اي ردة فعل , اذا عصبتي من شي اسكتي وفكري وبعدين اعطي ردة فعلك , وزوجك خليه يشوفك انسانه ثانيه هادئه وعسل ومطيعه وبأنوثتك وبدهاء النساء بتكسبيه ان شاء الله ونصيحه قوي ثقافتك بشكل عام وقوي ايمانك بالله والزمي الاستغفار فمعه ابواب الفرج وموفقه يا عسل
اقري هالمواضيع
ر
23-06-2010 | 09:32 AM
صباح الخير
طمنينا عليك حبيبتي
طمنينا عليك حبيبتي
ا
23-06-2010 | 09:58 AM
صباح الخير اختي ...بداية الزواج طبيعي انه تحصل مثل هل الاشياء لانه شخص جديد عليك ودخل بحياتك وانتي مافي امامك الاهو تراقبين تصرفاتة.اولا تعوذي من الشيطان وطالعي الحاجات الحلوة الي بزوجك والحاجات الموزينة ماتناقشينة فيها لان الرجل مايحب الزوجة الي تعددفي عيوبة انتي باسلوب حلوتقدرين انك تخلصينه من عيوبة بالكلام الحلو ..وترى الزوج هلي يحب زوجته يطلب منها انهاتلبس لبس محتشم وربي يهدي بالك ويسخرلك زوجك.
ف
23-06-2010 | 10:35 AM
أول شي قولي الحمدلله أن زوجك إنبهك لبعض الشغلات علشان أتحطين بالج عليها أحسن من أنة يسكت و يشوف غيرج و بعدين سواء الرجال أيشوف برع ولا لاء أنتي عليج أنج تتسترين و كل رجال ما يحب أحد أيشوف زوجتة و صدقيني لو ما يحبك كان أتركج وما أهتم بس أنتي تنازلي شوي و ضحي علشان تمشي السفينة و عمر الزواج ما يستمر بالعناد و كثري من (أنشالله) ترى الرجل أيحب الزوجة المطيعة و أذا ضليتي باسلوب الرد على كل شي ترى راح تندمر حياتج بالعكس أبتدي صفحة جديدة و كوني لة أرضاً يكن لكي سماء ..:thumbs_up:..لا تعبثي بأغراضة و لا تبحثي بأسرارة حتى لا تجدي ما يضايقكي و أتركية لفترة و أعطية الثقة و الوقت الكافي ليراجع ماضية و ينظف أفكارة و يقبل عليكي بقلب محب عاشق ...( ملاحظة : أذا قال لكي زوجكي لا تنتظريني لا يقصد أنة لا يحب أن يراكي بالعكس هو يقصد أعطيني فرصة للتفكير و للشوق لكي )أن شاللة ما ثقلت عليج و سامحيني على الأطالة:adore:
.
23-06-2010 | 10:43 AM
الله يهديك ..
حبيبتي .. الماضي راح وانتهى .. وكل اللي قلتي عن زوجك قبل زواجك .. يعني ما تقدرين تحاكمينه باللي كان يسويه .. والمفروض انك ما تناقشيه بماضيه ..!! الرجل ما يحب اللي تنبش في الماضي وتنسى حياتها معاه ....!!!
وأحب اقولك كلنا بأول حياتنا انصدمنا بأشياء من ازواجنا اجبرونا عليها ما كنا متعودين عليها .. بس رضى الزوج واجب علينا .. وزوجك ما أجبرك على انك تغطي وجهك الا من خوفه عليك .. وحبه لك .. وما يبي يشوفك مثل البنات الساقطات اللي كان يشوفهم ....!! لأنك بعينه انتي أعلى وأكبر منهن ...!!
وبعدين اسلوبك .. وطريقة ردك عليه وعلى كلامه .. وطريقة مناقشتك لأي شي معاه .. هي اللي تحدد شخصيتك بعين زوجك .. حطي في بالك انك امرأه .. يعني لازم تكونين هادئه جداً اذا كان معصب .. ولازم ما تردين عليه بألفاظ قبيحه .. يعني خلي ردك .. ان شاءالله .. تأمر أمر .. على عيني .. ومن هالكلام اللي يسحب عصبية زوجك كلها ..!!!!
وأم زوجك المفروض ما تردين عليها مهما قالت عليك .. لأنها اول شي حرمه كبيرة .. وأم زوجك .. وأعتبريها مثل جدتك .. يعني لازم تحترمينها .. وتسمعين كلامها .. وتحاولين تتقربين لها بالهدايا والمعاملة الحسنه .. صدقيني بتكبرين بعيون أهل زوجك كلهم ..
أهتمي في مملكتك ( بيتك ) .. واحرصي عليه اشد الحرص .. اهتمي بنظافته .. وريحته .. ونضارته .. واهتمي بأكلكم .. وحاولي تجددي في يومياتك .. يعني لا تكونين روتينية .. علشان ما تكثر المشاكل بينكم ..
وبالنسبة للشك بزوجك .. تعوذي من ابليس مادام انك ما شفتي شي بعينك يثبت كلامك ...!!!
وحاولي قد ما تقدرين انك تكبري الثقه اللي بينك انتي وزوجك .. واتركي عنك التفتيش في خصوصيات زوجك .. لأنها هي اللي تجيب لك وجع الراس والمشاكل وانتي بغنى عنها .....!!!
لو حسيتي بضيقة أو مشكلة في حياتك الجأي لرب السماء والأرض .. استغفري كثير .. احرصي على الصلوات الخمس بأوقاتها .. وأهمها الفجر والعصر .. انتي وزوجك .. حاولي تكثري من تشغيل قنوات القرآن الكريم في بيتك وانتي تشتغلي وترتبي فيه .. والله بتحسين براحه وسعاده لا توصف ..
حاولي تمشين وقت فراغك باشياء مفيده .. تفيدك بحياتك مع زوجك .. واقرأي سير الصحابيات في تعاملهن مع ازواجهن .. والله ان فيها من الفوائد اللتي لا تعد ولا تحصى ....!!!
الله يصلح لكم احوالكم ويهديكم ويسعدكم ..
حبيبتي .. الماضي راح وانتهى .. وكل اللي قلتي عن زوجك قبل زواجك .. يعني ما تقدرين تحاكمينه باللي كان يسويه .. والمفروض انك ما تناقشيه بماضيه ..!! الرجل ما يحب اللي تنبش في الماضي وتنسى حياتها معاه ....!!!
وأحب اقولك كلنا بأول حياتنا انصدمنا بأشياء من ازواجنا اجبرونا عليها ما كنا متعودين عليها .. بس رضى الزوج واجب علينا .. وزوجك ما أجبرك على انك تغطي وجهك الا من خوفه عليك .. وحبه لك .. وما يبي يشوفك مثل البنات الساقطات اللي كان يشوفهم ....!! لأنك بعينه انتي أعلى وأكبر منهن ...!!
وبعدين اسلوبك .. وطريقة ردك عليه وعلى كلامه .. وطريقة مناقشتك لأي شي معاه .. هي اللي تحدد شخصيتك بعين زوجك .. حطي في بالك انك امرأه .. يعني لازم تكونين هادئه جداً اذا كان معصب .. ولازم ما تردين عليه بألفاظ قبيحه .. يعني خلي ردك .. ان شاءالله .. تأمر أمر .. على عيني .. ومن هالكلام اللي يسحب عصبية زوجك كلها ..!!!!
وأم زوجك المفروض ما تردين عليها مهما قالت عليك .. لأنها اول شي حرمه كبيرة .. وأم زوجك .. وأعتبريها مثل جدتك .. يعني لازم تحترمينها .. وتسمعين كلامها .. وتحاولين تتقربين لها بالهدايا والمعاملة الحسنه .. صدقيني بتكبرين بعيون أهل زوجك كلهم ..
أهتمي في مملكتك ( بيتك ) .. واحرصي عليه اشد الحرص .. اهتمي بنظافته .. وريحته .. ونضارته .. واهتمي بأكلكم .. وحاولي تجددي في يومياتك .. يعني لا تكونين روتينية .. علشان ما تكثر المشاكل بينكم ..
وبالنسبة للشك بزوجك .. تعوذي من ابليس مادام انك ما شفتي شي بعينك يثبت كلامك ...!!!
وحاولي قد ما تقدرين انك تكبري الثقه اللي بينك انتي وزوجك .. واتركي عنك التفتيش في خصوصيات زوجك .. لأنها هي اللي تجيب لك وجع الراس والمشاكل وانتي بغنى عنها .....!!!
لو حسيتي بضيقة أو مشكلة في حياتك الجأي لرب السماء والأرض .. استغفري كثير .. احرصي على الصلوات الخمس بأوقاتها .. وأهمها الفجر والعصر .. انتي وزوجك .. حاولي تكثري من تشغيل قنوات القرآن الكريم في بيتك وانتي تشتغلي وترتبي فيه .. والله بتحسين براحه وسعاده لا توصف ..
حاولي تمشين وقت فراغك باشياء مفيده .. تفيدك بحياتك مع زوجك .. واقرأي سير الصحابيات في تعاملهن مع ازواجهن .. والله ان فيها من الفوائد اللتي لا تعد ولا تحصى ....!!!
الله يصلح لكم احوالكم ويهديكم ويسعدكم ..
ص
23-06-2010 | 02:38 PM
انا معهم لو مايحبك مانبهك