ساعدووني خطوبتي بعد 3 اشهر

في هذا الموضوع عدت خلطات ممكن وحده منهم تنفعك

http://forums.3roos.com/showthread.php?t=544271

اقرائي الموضوع كله

:)

الله يساعدج حبوبه

انصحج تستخدمين شامبو غارنيه فروكتييييز + بديل الزيت

انا استخدمته وماشاءالله يخلي الشعر ناااعم واملس ومايكش ^_^

اقرئي الموضوع اللي عطتك ايآه دقآت القلوب
و اذا تبين زيآدة حآضرين
و الف مبروك مقدمآ

مشكورين ياقلبي على ردودكم

وراح اجرب باذن الله بس بعد اللي عندها شي يفيد شعري تكتبه

سويت حبيبتي ياليت تحطين صورة الشامبو

هذه وصفة جربتها على شعر اختي التالف و التعبان و المقصف و تقدري تقولي عليه اللي تبغين هههه
طبعا كل هذا بسبب الاستشوار
المهم المقادير تزوديها حسب طول شعرك
1 بيضة كاملة + علبة زبادي + معلقة زيتك المفضل + ملعقة عسل نحل

حطيهم في الخلاط و زودي ملعقة خل تفاح لو حبيتي
و بعدين حطي الخلطة على شعرك من الجذور الى الاطراف
و غطيه و خليه 3 ساعات

وربي ان شعر اختي طلع يلمع و رهيب مع الاستشوار

بالنسبة للشامبو أنا أنصحك باستخدم مجموعة ultra doux من garnier للشعر الجاف
يعني الشامبو و الماسك و البلسم و السيروم

هذه صورته




تلقيه بالسوبرماركت بس زي ماقلت لك جيبي المجموعة كلها
رهييب كل اللي استخدموه يمدحوه و ماما واحدة منهم

و تجنبي الفرد و الصبغات و الفير و السشوار قد ماتقدري
و خذي حبوب كويسة للشعر روحي الصيدلية و اسالي و رح يعطوكي


و ان شاء الله يتعدل شعرك


دعوآتك

و بالنسبة للزيوت ينصح بعمل حمام زيت مرتين اسبوعيا

فلقيت لك هنا وصف لكل زيت عشان اذا حبيتي تستخدميها تعرفي كل نوع وش فايدته

بعض انواع الزيوت و فوائدها :

أولا: الزيوت المغذية بشكل عام لشعر الضعيف والقوي:
زيت اللوز، المحلب، الزيتون وزيت الصنوبر.

ثانيا: الزيوت المنشطة للشعر والمقوية للجذور:
زيت البابونج، الثوم، الكتان، الصبار، الفجل وزيت بذرة البصل.

ثالثا: الزيوت التي تقضي على التقصف:
زيت الزيتون، الصبار وزيت الفجل.

رابعا: الزيوت التي تقضي على القشرة تماما:
زيت الحبة السوداء، الكتان، حبة الرشاد، السدر، الصبار وزيت سارا.

خامسا: الزيوت التفاعلية للتطويل السريع والتنشيط للشعر:
زيت الخروع، مناير، السدر، النار جيل، البابونج وزيت الثوم.

سادسا: زيت لعلاج الصلع الغير وراثي:
زيت بذرة البصل.

مشكورة حبيبتي نادرة الوجود

زيت اللوز كتير رائع للشعر
بعد الاستحمام وزعيه عشعرك

زيت بيبي جونسون كمان ينعم الشعر

بديل الزيت من بانتين يخلي شعرك مموج بشكل طبيعي

استعملي شامبو وبلسم الخاص به لشعرك
اغسلي شعرك عادي بعدين نشفيه بالمنشفه
وحطي البلسم وخلييه مده واغسليه


وواضبي على دهن شعرك واطرافه كل يومين

شوفي حبيبتي انا خبرتي مو واسعه بس ما هان علي اخليج محتاسه ..

من تجاربي :

زيت الخروع استخدميه لكثافه الشعر بس ديري بالج ترااه ينشفه شوي مو وايد

للنعومه انصحج بزيت اللوز تراااه رووعه لللشعر وبنت خالتي كان شعرهآ يتشربك وما يتمشط بسرعه بعد السبوح .. يوم استخدمته تحلفلي انه تحسن ونعم .. وهو زيت دابر فاتيكا {باللوز والسمسم وجوز الهند} ..

والشامبوهات في انواع واايد تنعم الشعر ومن تجربتي شامبو لوريال الوردي بس للامانه مو دايما ينظف شعري عدل يعني مرات احصل اماكن دهنيه ... وتحملي حبيبتي من شامبو {بانتين} .. ترااه يطيح الشعر من تجارب وااايد ناس ومن زماان كنت مفكره اشتريه وامي كانت ما تخليني تقولي يطيح الشعر ويوم بنت خالتي جربته تمت تدعي عليهم ليل ونهار ... يعني يسبب الصلع ف اقرب وقت..

واستخدمي بعد السبوح الكريمات الخاصه للشعر ..انا استخدم كريم باراشوت بجوز الهند .. بس ما يرقد الكشه وااايد يعني ماعرف لان اصلا شعري ناعم انا احبه لانه خفيف بس لان شعرج خشن انصحج بكريم دسم شوي ..

حاولي تقطعين السشوار والفير { والسيراميك} خصوصا وربي ياتني فتره شعري اخترب منه ..

واخر نصيحه لا تكثرين زيوت وخلطات واايد يعني في الاسبوع مرره بس .. ولا تخلين الزيت اكثر من 3 ساعات عشان الشعر يستفيد .. وعليج بالتغذيه الزينه لان هي الاساس

ولا تمشطين شعرج بالفرشاه العاديه وهو مبلل . . مشطيه بالمشط اللي اسنانه واسعه .. تحصلينه في بودي شوب .. ولي مشطي شعرج شوي شوي لا تجرينه بقوة عشان ما يتنتف ويطيح ..

وارد واقولج اختي لوجه الله لا تكثرين خلطات وزيوت مره وحده ف الاسبوع كفايه .. وتمي على زيتين او زيت واحد ولا تغيرين ع طوول ...

والله يفرج همج حبيبتي...

بس بليييييييز ادعيلي بالتوفيق وراحه البال ...:o:'(

هلا اختي
مشاكلج نفس مشاكلي
واحاول اعتني فيه لان بعد خطوبتي قريبة

انصحج اذا تقدرين تروحين دكتورة جلدية
يمدحوون جيهان بشارة في ابن النفيس وناوية باذن الله اروح لها ..

وانصحج بالزيوت عندج الخروع واللوز الحلوو
والالوفيرا
والحنة مرة في الشهر
والماسكات الجاهزة عندج دوووف الازرق تحصلينه في السوبرماركت مخصص للتلف
والشامبو خذي من الصيدلية طبي وطبعا استخدمي بلسم وسيرووم

جربي هالاشياء..

مشكورين ياقلبي على مساعدتكم لي

ويارب يخلي شعري يعتدل ويعطيكم اللي تتمنونه يارب

الف مبروك وانا انصحك تعتنين به بذي الفتره لان الجو حار وصيف تدرين لازم جفاف كل شي حاولي تستخدمي زيوت وكريمات >>>>>يعطيكم العافيه

التقصف خذي له قهوه بن مطحونه وشاي بنسب متساويه واخلطيها مع مويه واغليها على النار واتركيها 10 دقايق وبعدها انتظري تبرد وحطيها في شعرك

واستخدمي شامبو وماسك وكريم جارنييه عن جد حلو وبتلاحظي فرق

وخلطه التقصف هذي بنت عمي تستخدمها بدوون الشاي بس انا قريت في النت بالشاي

والحمدالله بنت عمي كل ماتقصف شعرها ترجع تستخدمها

بس ماتبان النتايج الا مع الاستمرار

اتمنى اكون افدتك

مشكورين ياقلبي

وادعوو لي ان ما تيي خطوبتي الا وشعري صار احسن