تجمع مغتربات كندا مونتريال

اي أنا بعد قلت كندا أكثر أمان من أمريكا و ان شاء الله نبقى اهني ...

و بالنسبة لهالمكان وين يصير ؟؟ و هل هو مجمع و لا شنو ؟؟ ... يمكن نفكر نجيه يوماً ما :D

كل مرة نقول بنطلع لكن ما ندلي مكان .. ما عندنا الا الداون تاون نروح نفتر فيها خخخخ ... اذا تعرفين أماكن حلووة خبريني ..

انا بصراااحه مااعرف اماكن كثير هنا ..,,

في انتاريو بلايس بشارع اليزابيث اعتقد ..,,

وانتي بعد اذا تعرفي اماكن كثير خبريني ..,,

اسمه الكامل : كنديان ناشيونال اكسيبيشن ..,,

هلا حبيبتي ... هو صاير بالداون التاون ؟؟؟..

أنا ما أعرف أماكن وايد بس احنا دايماً نروح سكاربرو تاون سنتر و اذا نروح الداون تاون ندخل ايتون سنتر و ذا بي بس ...

يعتبر من الداون التاون ..,,


سكاربرو بعييييد عنا ..,,


احنا بجانب الايتون سنتر ساكنين بـ كولج بارك ..,,

وانتي وييين ساكنه؟؟..,,

ايييي نمر على كولج ستيشن لما نروح الداون التاون ...

انا بسكاربرو على شارعين شبرد و مكّاون ... سكاربرو تاون سنتر يمنا ...

يمكن نغير المكان بعد ما نخلص كورسات اللغة ..

هلا


انتي تدرسين بتورنتو يونفرسيتي....؟؟

لا و الله ..

قاعدة أدرس في سنيكا كولج و ان شاء الله بعد ما اخلص بدرس بجامعة تورنتو فرع سكاربرو ..

ودي آخذ رايج في شغلة ..

الحين من تاريخ 18 / 12 إلى 10 / 1 عندنا اجازة الكرسمس يعني 25 يوم و ما بعرف شسوي في الاجازة , فقررت أرد البحرين لأني حدي مشتاقة لأهلي بس عندنا مشكلة ..

احنا جينا على نصيحة صديق لنا و قال لنا انه مو لازم نسوي فيزا طالب من البحرين نسويها من كندا.. و لما جينا كندا توهقنا لأن كل شي طلع العكس .. فاليوم زوجي طرش جوازاتنا على البحرين عشان يكملون اجراءات الفيزا لنا لكن أخاف يطولون في السالفة و يجي وقت الاجازة و الجوازات مو عندنا عشان نسافر البحرين ..

و سؤالي هل يتأخرون في اجراءات فيزا الطالب أو لا ؟؟؟ أنا أشوف سعوديين اهني ويانا يقولون انها تاخذ من اسبوعين الى شهر بس الخوف يكون أزيد ..

لا تبخلين علي برايج حبوووبة ...

هلا ..,,


احنا بعمان لازم نعمل فحص طبي عشان نخلص الفيزا ..,,

ونوديها ابوظبي لانه بعمان مافي ..,,

انا اللي اعرفه زوجي يعرف سعودي سواها هنا بكندا بس بخليه يساله واخبرك ..,,

اي احنا سوينا فيزا زيارة بس من السفارة الكندية بأبوظبي ..

صج !!! يعني زوجج سوا فيزا الدراسة اهني بكندا؟!!

احنا اتصلنا بالاميقريشن و قالو لنا ما يصير لازم نقدم من أبو ظبي و نحصل على الفيزا بعدين نطلع من كندا و نرد نرجع كأن أول مرة ندخل ...

لو تخبريني جزاج الله ألف خير .. و اعذريني على الازعاج :o

اها عشان كذا انتو سويتوها زياره مو طالب ..,,

لا لا لا بالعكس مافي ازعاج ..,,

اما زوجي فيزته طالب وانا زياره وسويناها بعمان اول مره ..,,

اما السعودي صاحب زوجي جاي بفيزا طالب وسواها هنا عادي وخذت 40 يوم بس بفيزا طالب ..,,

بس اعتقد انه صح لازم ترجعين وتسووها بالبحرين عشان فيزتكم زياره مو طالب ..,,

بصرااحه هذي مو منطق يسوون بالناس كذي ..,,

الله يساعدكم وترجعين لاهلك سالمه غانمه ..,,

اي و الله توهقنا ... كان يقول لنا كلام طلع كله جذب في جذب بس الله كريم و الحمدلله تيسرت امورنا بس هالشي واااايد مخوفنا ...

الحمدلله الحين اعتمدنا على نفسنا و الحال أحسن من قبل بوااااااايد ...

و مشكوورة على ردج و ما قصرتين

تسلمييييييييي اختي ..,,

الله يسهل عليكم ياااارب ..,,

ويوفقكم ويوفق جميع المسلمين يااارب ..,,

مشكووورة حبيبتي على هالدعوات الحلوووة ...

الله يسهل علينا و عليكم و يردنا لديارنا سالمين يا رب ...

السلام عليكم ..

شخبااااركم ..؟

بنات أبغي أحف بس ما أعرف أحد اهني في تورنتو ياليت تعطوني اسم وحدة عشان تحفني ... كلش مو طايقة روحي و اذا بعد يصير اسوي واكس أو شيرة حق الجسم في نفس المكان بعد وايد زين ...

للعلم أنا ساكنة بسكاربروووو ..

و مشكوورة اللي بترد علي ...

هلا اختي ..,,


انا اعرف صالون في الايتون في الطابق الارضي مقابل جاب وعندهم غرف خاصه للمحجبات بعد شوفي اذا يحفون او لا ..,,

انتي تروحين عندهم ؟؟

و مشكورة على الرد ..

صديقتي راحت وقالت حلو ..,,

وانا مره حجزت عندهم بس كنسلت الحجز بسبب الظروف ..,,

اهل انتاريو ميصير يفوتون :D


اني بامريكا صارلي سنه و 13 سنه بكندا

مرحبااااا بنات ..,,


فيه بطاقة ائتمانيه فيزا وجدتها من بنك الفرنسي السعودي باسم زينب ..,,

في تورونتو الداون تاون باي ستريت ..,,

ان احد يعرفها او تريد تعرف اسمها الكامل تراسلني عالخاص ..,,




تاله ياهلا فيكي بين اهلك وخلانك تفضلي البيت بيتك هههههههههه ..,,

كيف الجو عندكم بامريكا؟؟

اهلا فيكي اختي تسلمين حبيبتي

والله الجو عدنه زين و الدرجه الحراره اليوم 19

بس يوم الاحد راح تبرد و تصير 1:D


ادري بكندا و بردها خلصت هههه