السلام عليكم ,,,بدخل على طوول :thumbs_up:
اليوم سويت غذانه مدلل يميي عجيب المقادير والطريقة على طول ,,,
2صدور دجاج مفيوح بهيل صحيح وشوية بزار ومن ثم يفتت ويحفظ ماء الدجاج على جنب
عيش مغسول
5 حبات بصل يقطع قطع صغيرة +ثلاث فصوص ثوم مهروس
1سبنت +1تابل مغسول ومفروم
ماجي 4 فصوص
2كريمة حامضة+4ملاعق كبيرة جبنة سائلة
سماق+بزار+فلفل اسود
الطريقة
نحمس نص كمية البصل ونضيف عليها الثوم والدجاج المفتت مع البهارات والفلفل الاسود وفص واحد ماجي ونقلبه لين يستوي ونحطه على جنب,,
نحمس الجزء الثاني من البصل والثوم لين يصير لونه بني ونحط عليه 3 فصوص ماجي وبعده نحط لسبنت والتابل ونقلبهم ونمرقه بماي الدجاج لين يغلي ونضيف العيش ونخليه يطبخ ونقصر على النار لين يتسكر ,,
نجهز لكريمة الحامضة مع 4 ملاعق جبن سائل ونخلطهم مع بعض ,,
لي جهز الرز نحط طبقة في البايركس ونحط عليه الحشوة كاملة ومن بعدها باقي الرز والطبقة الاخيرة تكون الكريمة الحامضة ونرش شوية سماق على الوجه ويحمر من فوق ,,,ولا تستعجلون عليه لين جهز خلوه يبرد مو مثلي زوجي قام يحن جوعان وقطعته وهو حار وما تماسك خسارة والله شكله المفروض يصير مثل الباشميل :(:)
الي يعجبها طبقي تقيمني :o
