أنا مظايجه ظيج الله العالم فيه...

زوجي معكر مزاجي و مظيج قلبي و كاسر بخاطري...:'(:'(
تخيلوا من بدت مباريات كأس العالم و هو كله برع و ما أشوفه كله بيت أبوه مع اخوانه يشوف المباريات و يقولي ما عنده وقت..و إلي يظيج بي أكثر أنه إي البيت بس عشان يبدل يلبس لبس الرياظه و يطلع يتريظ كككككككككككككل يوم..يعني عنده وقت لنفسه و ما عنده وقت لي..و إلي زاد الطين بله أن هذا الأسبوع طين فيه عيشتي يعني تخيلوا أنا طووووووووووووووووووول الأسبوع دوام و بعد الدوام أجابل بناتي و أتعب على أمل أن في الويك أند يريحني و يطلع معاي و يفظالي..:(:( يوم الجمعه إلي طافت كنا معزومين على الغدا بيت عمي و على العشا بيت حد من الجيران المهم العصر و نحن في العزيمه طبعا هو في مجلس الرياييل أتصل فيني و قال يلا بنروح السينما بعد المغرب..المهم هو طلع بسيارته و قالي لحقيني :!!::!!: قلتله أنتظرني بس قالي لاء ما أقدر أنا أظاربت مع أخوي في المجلس و طلعت فمب راجع البيت لأني ما أبا أشوفه...طيب أنا شو ذنبي :thumbs_down: و دخلنا المهم رحت بسيارتي و في بالي أن ورانا عزومه ثانيه على العشا..فقتله في السينما أن في عزيمه على العشا قالي بنخلص و بنطلع :!!::!!: طيب الفلم بيخلص 9 و لازم ارجع البيت ابدل و و و ...يعني ما افتكر بهذي الأشياء فقتله أنا وافقت أن اجي معاك لأني افتكرت أنك ماراح تروح العزيمه بس دام راح نروح لازم نطلع المهم قالي صح كلامج و طلعنا و ردينا البيت و رحنا العزيمه و عدا اليوم (يعني الحبيب كان يبغي يطلعني عشان بس يرظي ظميره باسم لنه طلعني 8o|) المهم بالليل قالي بنقوم من النوم وقت و الساعه 12 بنسير السينما لين ثلاث لازم أكون في البيت عندي مباراه :mad::mad: يعني أنا طوووووووووووووووووووول الأسبوع أكرف و بعد في الويك أند تحاسبني بالساعات

فقتله خلاص دام أنت مرتبط بشيء لا أطلعني..لأنه هو دوم جي يوم مرتبط في شيء تكون الطلعه دوم بسرعه بسرعه و على أعصابه و أنا أيلس متوتره و أحسب الدقيقه و الثانيه..هل هاي طلعه:thumbs_down::thumbs_down: قتله خلاص ما أبا أحظر السينما و بقعد في البيت حلف علي و قال لو ما ييتي معاي ما يصير خير..المهم رحت و غصبا علي و قلبي متروس حره و قهر و في السينما ما قعت عداله و الفلم إلي اختاره طبعا مش على ذوقي لأني ما أحب الأفلام الهنديه إلي فيها ظرابه و هو عارف هذا الشيء و بعد يبيني أحظر :|:|
المهم حظرت ربع ساعه و بعدين قلت في خاطري أنا طووول الأسبوع أكرف و أرفانه و تعبانه و نفسي أرفه على نفسي من غير ما تكون ساعاتي محسوبه و هذا الريال ما راح يريحني و يفهمني فقمت و شليت عمري من الفلم و رحت قعت في كوفي شوب و اتريقت و قريت مجله و اشوي راح الظيج مني :thumbs_up::thumbs_up: و طبعا هو ما يدري إني طلعت و بعد نص ساعه طرشلي مسج يقولي أنتي وين و قتله أن الفلم ما عجبني..

قالي لا تنتظريني..فأخذت السياره و رجعت الببيت و هو رجع بالتاكسي..

قام طرشلي مسجات إني ما يعجبني شيء و انسانه نحسه و احب المشاكل و و و
و أنا رديت عليه سبب ظيجي و أنه يحسب الطلعه علي بالساعات و أنه بس يطلعني بهدف أنه يريح ظميره و بس و قتله من عمل عمل فليدقنه مب أي طلعه تقول عنها طلعه..

المهم عدا الويك أند بهذي الأيام الأرف و المطينه و لا طلعه مثل الناس و لا ذقت حلاوته

أمس قالي راح أعوظها عليج و راح أطلعج أنتي و بنتج و بنات عمها للسينما يحظرون شريك و بالمره أنتي تستانسين..قتله أنا بطلع بس هذي مش طلعتي لأن أي طلعه مع الصغار ما يستمتع فيها الواحد بس عن خاطر البنات و عشان يستانسون راح أطلع معاهم..

المهم في السياره قعد يتحرش فيني بالكلام و يقولي أنه مب عارف إذا فيه عرض ولا لاء للفلم قتله هذي عوايدك ما تتأكد من شيء و كان بالمصخره..هو دوم يتمصخر معاي و يقولي أنتي عيوز و تنسين وأنا ما أقول شيء...بس ما عجبه و قال بظلين نكديه و عصبيه و ما يعجبج شي المهم أنا عصبت و قلت حتى هذا اليوم ما يبغي يعديلي إياه على خير...

أظاربت معاه و قتله كككككككككككككككل إلي خاطري و قتله أنا أبا أسافر عشار أريح نفسي و أستانس من ظغط الشغل و البيت و العيال و ظغطك أنت و قتله طرشلي فلوس بسافر مع خواتي لقطر لأن خواتي راح يسافرون قام و عاندني و قالي و لا فلس راح يوصلج...:thumbs_down::thumbs_down:

هو كل صيف ما يفكر يسفرني و أنا عادي ما أشتكي بس هذي المره صدق محتاجه أريح و أبي أسافر و دوله قريبه لا أوروبا و لا أمريكه يعني كلها يومين أغير جو و راجعه بس عناد فيني ما يبي يعطيني فلس..راح لم أغراظه و راح نام بيت أمه و قال خلاص أنا بريحج مني..قتله أحسن لأنك ما أتي البيت و لما اتي و أشوقك تنكد علي

بس معيشني في ظيييييج و قلبي يعورني من الغصه ..هو عايش حياة العزابيه و أنا أجابل البيت و اليهال و أشتغل و فوق هذا لا يقدر و لا يحس بظيجي :'(:'(