ليش الناس مزاجيين!!

الحياة كلها ضغوط تاثر على مزاجيات الناس و خاصة الرجال بسبب العمل و تعرضهم و احتكاكهم بالناس كل يوم. بس هذلين اللي تقولي عنهم عندهم ضعف في شخيصتهم ما يقدروا يمتصوا الضغط و يرموا على الاخرين, و للاسف ما يرتاحوا, بالعكس يخلقوا مشاكل اكثر و اكثر. راح انزل قاعدة للحياة بتعجبك في ركن الحياة الاجتماعية, اتمنى يجاوب على سؤالك.

اللهـ يعين اختي هاذي الحياهـ واصناف بني آدم ياكثرهم

كلامك صحيح اختي بعضهم مايراعون مشاعر غيرهم
اهم حاجه انفسهم وبس مايهمهم زعل غيرهم ربي يهديهم..

هذي اسمها انانيه وياكثرهم هذي الايام

مو كل الناس بطبع واحد

واذا احنا نقدر نمسك احزاننا وندفنها داخلنا .. مو كل الناس تقدر

صحيح احنا مالنا ذنب .. بس فالنهاية كل واحد وطاقته .. وظروفه

الله يهدي الجميع

يالبى قلبك انامن الناس هذي عصبيه بس قلبي طيب ويعرفونى الى حولى بعصبيتي
المشكله موفيناالمشكله بالظروف الى انحطينا فيها اللهم لااعتراض

اممم

انا بعد انقهر من هالناس احس فيهم أنانية + دلع؟

بس اتوقع هذا لأنهم عفوييين واللي بقلبهم على لسانهم

لكل شخص شخصيته
فيه اشخاص اذا فيهم حزن يكبتونه ومايطلعونه
وفيه اشخاص لا .. من يفكرون او يحاتون شي تشوفينهم دايما مزاجيين وعصبييين

للاسف وايد ناس ما يقدرون يتحكمون في نفسهم
يعني لو مزاجهم متعكر ما يقدرون يمثلون ان مافيهم شي

بس الغلط انهم يقابلون الآخرين باسلوب مو حلو ويصرخون عليهم مثلا ويحطون الحرة فيهم
اكيييييد هالتصرف غلط بس اذا كانو هالناس قريبين لج بتكون في بينكم ميانة ان عقب ما تهدى الامور
توجهين نصيحة لهم ان غيركم ماله ذنب وممكن ان ياخذون عنكم فكرة سيئة تنفرهم منكم

واجهتني وايد هالفئة من الناس اوكي اعديها اول مرة بس اذا تكرر لا اوقفهم عند حدهم
عشان ما يتمادون ويخلون هالامر عادي واني ما بازعل لازم ابين لهم ان هالشي يضايقني
في هالزمن الواحد يقول اللي بخاطره فالويه عشان ما اشيل على احد ولا احد يشيل علي

زعل عن زعل يفرق وحزن عن حزن هم يفرق
وقلب يستحمل وقلب لا
فديتج لا تخلين هل الشي يأثر عليج ولا تقولين انا بتبعه بالعكس وقت تشوفين الطرف الثاني معصب ولا مزاجهه مهوب اووكي
تجنبي الكلام
انا اقولج ساعات وربي وقت ازعل وزعل جاايد مااقدر ايوود رووحي
والله احس راسي بينفجر واي احد يكلمني خلاص لازم نبره صووتي تتعلى لا شعوريا والله
من جذي وقت ازعل احاول اكون بغرفه بروحي لين اهدأ
فلا تخلين هل الفكره مثل مااهم يسوون انا هم بسووي
والله يهدي الجميع يارب

الله يعين حبيبتي

اختي مو كل انسان يقدر يفرق بين الامور ومايلخبطها على بعض, انا اسميهم مزاجين اناننين يعني خليط من الي سبق لكن الاهم بالموضوع الايمان بالله تعالى اهو الي يخلي الانسان مايظهر غظبه على الي مظايقه بعد مو الي ماله ذنب بمشاكله ...

حمد الكظم لأنه قهر للنفس الأمارة بالسوء , ولذلك مدحهم الله تعالى
{ والكاظمين الغيظ والعافين عن الناس }


والله يبعد عنك كل زعل