فشل عمليتي فالتلقيح المجهري

السلام عليكم وحمه الله وبركاته

اليوم رجعت لكم ومن بعد فتره غياب يمكن محد انتبهه لها او محد حس فيني او في غيابي ولاكن اللي قلبي اكبر من اني اتحمله بروحي ...


قبل غيابي كنت اتطقس واتسئل حول عمليت التلقيح بالمجهر ماكنت مقتنعه 100 % لاني كنت خايفه وسليمه ولان نتايج زوجي مب واايد ضعيفه لاكن لاني رحت لدكتور ممتاااز واستخرت ربي اكثر من 5 مرات والحمدلله كان كل شي ميسر رحت سويت العمليه عمليه السحب وتعبت شوي وعانيت من السيلان لاني اخاف منه وماحبه ابدا ابدا المهم توطلت على الله وزوجي كان معاي بكل خطووه وممسك يدي بس يوم دخولي لغرفه العمليات نطر برع دخلت الغرفه انصدمت من شكلها فعلا غرفه عمليات مجهزات خفت من الوضع اكثر نمت على السرير اللي بالوسط حطوا لي جهاز لدقات القلب وجهاز اللي على الاصبع السبابه وحضر دكتور البنج ثواني وان ماحسيت بنفسي وبعدين لقيت روحي بالغرفه وزوجي ينطرني يقول كلمني بس مارديت عليه كنت اون من الالم رحت الحمام وانتوا بكرامه قبل لا ارجع البيت وكان البول الله يعزكم كله دم وحسيت بالم في بطني ودووره مب طبيعيه ولوعه على طوول وقبل ماروح كنت تعبانه وكانت فيني صخوونه والحمدلله صرت احسن بفضل الله سبحانه ..

رجعت البيت وكنت انطر اتصال المستشفى للترجيع وفهل فتره ياتني كحه قويه ورجعت اليوم الخامس للترجيع وقلت للدكتور فيني كحه قويه جدا جدا :sick:احس بالم باطني وبصدري لما اكح قال لي عادي تفاجات :-o

بس قلت هو اخبر سوو لي عمليه الترجيع بدون بنج وبدون شي والحمدلله الم عادي خفيف ممكن الواحد يستحمله قعدت ساعتين ورجعت البيت وكان زوجي والله شوي ويشيلني من على الارض الغدى لي يم السرير على طاوله ولين بتوضى يمسك يدي لين بطلع او بدش الحمام واي شي على الارض مايخليني اشيله فعلا كان تعبانه معاي بس الكحه كانت هالكتني والله


وصار اليوم 12 للتحليل كنت متردده اروح لاني كنت خايفه وزوجي كان مصر قلت له نروح مستشفى ثاني قال لا الا العياده نفسها رحت وخذوا مني دم من كف يدي من فوق لان العروض ابدا ماكانت ظاهره من الخوف خذزا دم وماتصلوا واتصل يقولون الدكتور لازم يخبرج انتضرت يوم كامل وثاني يوم الظهر بكل بروود اتصلت لي وحده وقالت للاسف العمليه فشلت ومافي حمل :-o تخيلووووو يعني تحليل ياخذ يوووووم كاااااااااااااامل مايدرون ان الواحد على اعصابه ونتصل على الدكتور مايرد ولانحصله ونوصي ولايتصل وينقعوونه على الخط بالعشر دقايق والربع ساعه وبعد 3 ايام حصلنا الدكتور الا يقول دزوا لي رقم الملف واسم المريضه علشان اجوف وباتصل لكم بكرى دزينا وماتصل ودزينا مره ثانيه واتصل في زوجي ..



انه كنت ناويه ارجع الاجنه لان ماشاءالله طلعوا مني 25 بويضه وكانوا كلهم اوكي الحمدلله سليمين وماء الرجل مايحتاج عمليه قلت باخلي زوجي ياخذون منه عينه ويلقحون الباقي ويرجعون لي لان هالعمليه سهله بتكون بدون سحب ..ترجع فقط


رد الدكتور صعقني وانه متاكده ان مب هالكلاك الصج يقول الدكتور البويضات اللي عنده اياهم ال20 كلهم ماتووو معقووووله بويضات بالحضانه يموتووون شلون يموتون شلون عيل الناس يجمدوون بويضاتهم بالسنين انه ماتوا خلال 5 ايااااام انه متاكده ان الدكتور قطهم لان كان متاكد من نجاح العمليه لان اصلا احس اني ماكنت احتاج للعمليه بس شي صار واستوى والله قهر بكل سهوله الموضوع انتهى بالنسبه له ..

احنا اللي رحنا ويينا كل يوم والثاني
كلمناه ان سعر العمليه واايد 800 دينار ومعا الادويه 1200قال اوكي بحسب لكم 600 لاكن زاد عدد الابر بشكل ملحووظ وفالنهايه يوم حسبنه كل التكلفه طلع المبلغ وصل له عدل وفوقه زياده يعني استلم منه فوق ال 1200 واخذت 26 ابره تقريبا احس انهم واااايد وانه لله الحمدله كل شي اوكي فيني الضعف بسيط عند ريلي وبطء ماقدر اوصف لكم صدمتي بالخبر
اول شي ان مافي حمل وقلنا معلي بنرد نستخدم البويضات الباقي والصدمه الثاني انه يقول ان ماتوا كل البويضات وانه والله مب مصدقته .

يقول لي زوجي تبين تروحين له وندخل عليه ويشرح لج كامل انه مادري اروح والله لا بعد ادخل عليه وانطر بالساعات وادفع للدخول على شي منتهي اصلا والله مب عارفه ومتضايقه ومحتاره ومب عارفه علاج لريلي :(


ياريت احد يساعدني ويوقف معاي :'(