لا أطيق بعد بنتي عني .. ساعدوووني

الموضوع عادي انتي توك والدة ومتعلقة في البيبي بس انتي لا تخلينة سبب للمشاكل
يعني مافيها شي لو نزل البنت لاهلة اصلا راحة لك شوي بدونها اعتبريها نايمة

وكل ما تكبر شوي وتزيد المسؤولية والطلبات انتي بتقولين لابوها خذها واطلع وياها خلوووني ارتاح خخخخخخ عن تجربة

ربي يحفظها لكي

لا ياقلبي طبيعي مره
انا مريت بالتجربة والحين بنتي عمرها تسع شهور واحس انها صارت تبكي لما اطلع من الغرفة فديتها متعلقة فيني
بس تصدقين سببت لي قلق لان كان عندي اختبارات بس الحمدلله خلصت اختباراتي

لانك توك تحسي يالامومة
وربي يحفظ بناتنا
الا ماقلتي شو اسمها انا اسم بنتي ألمى

اذا اهل زوجك ثقه طمني عليها ...

لاتزحمي نفسج واايد ...

بعدين لي كبرت بتتمنين احد ياخذها عنج ولو نص ساعه هههههه

الله يحفظها ويخليها

كلش عاااااادي ..

انا بعد كنت جذي وكنت من احد يجود ولدي عيونه عليه هههه ...

والحين اترجى ابوه ياخذه علشان اريح راسي ..!

الله يخليها لج ياارب ..

الين كبرت وبدت اتعبش بتتمنين أحد ياخذها من عندش هههههه
مثل الحين احنا نتمنى أحد ياخذ أولادنا علشان نرتاح شوي منهم

حبيبتي انا مثلك بالضبط واهل زوجي يترجونني اخليها تنام عندهم

بس والله العظيم ماقدر هالشي غصب عني !!

مع ان بنتي ماباقي الا 15 يوم وتكمل سنه " عمرها بالتوقيع ناقص شوي"

بس مع ذلك ماخفت مشكلتي !!!

ياليت البنات يفيدونا

ربنا يخليهالك يارب وميبعدهاش عنك ابدا

لما تكبر شويي بيزيد اشغالك وبتقولين خذها عني شوي

عادي حبيبتي هذا قلب الام
انا الحين اتمنى احد ياخذها مني لو ساعه بس اذا نزلت تحت الحقها على طول مابيها تروح عن عيني لو دقيقه

سؤال خارج الموضوع للعضوه (اسمي نسيته) انتي كان نكك غنات امي

انه نفس حالتج واكثر... ولدي الحين عمره سنة وثلاثة اشهر... والله لو اروح احف في الصالون ...اخذة وياي ..... احس كل ما يكبر ما اقدر افارقة..... ولدي ماشاالله وايد حركي وشيطان .... والكل يقولي جيبية بس ساعة عشان ترتاحين ..... حتى ام زووجي...بس ما اقدر افارقة \..... اللله يعينج ويعيني

شي طبيعي حبيبتي شعور غريزة في كل ام انها تمتلك طفلها ويكون قوي هالشعور طبعا في البداية..
انتي حطي في بالج انه لو اخذوه اهل زوجج ما راح ياخذونه منج ولا راح يحبهم اكثر بالعكس لازم تستانسين لان جدته وعماته يحبونه وهاي حقهم وحق ولدج عليج انه يكون عنده اهل وعزوة..
ولا راح يقلل هالشي من شانج او مكانتج بتم دورج الاكبر واذا كبر الطفل راح يميز طبعا هالشي..

حبيبتي انه كنت احس بغيرة فضيعه لما عمتي تاخذه واهو كان يحبها وما يبيني يبيها وكنت احس بشعور الحزن..لدرجه انه كل مواعيده المستشفى اهي توديه واهو كان بس عمره شهوور ، عاشت معاه 7شهور واتعلق فيها وتعلقت فيه وكانت ما تحلف الا باسمه...
وانه كنت اغار واقول وين دوري كام ؟؟
بس لما توفت الله يرحمها اختلف تفكيري وشعوري تماما ،، وتمنيت لو ترجع لان ا لمسؤلية صعبه بروحج ،،حسيت ولدي صار يتيم لان فقد جدته الا تحبه وانه فقدت ام تحبني وتحب ولدي وتخاف عليه..
حبيبتي سوري قلت لج قصتي بس عشان تاخذين العبرة ومو تحرمين وولدج من هله وبكرة لما يكبر وتكبر مسؤليته راح تحسين انه تبين حد يساعدج وتاأمنينه على ولدج لو دقيقه حتى بس تاخذين شور.

طبيعي لا تحاتين انا كنت اشد عنج لاصقه بولدي لني ما نسيت الولاده

بس عقب يوم كبر شهرين قمت اقولهم اللي يباه يشيله

الشله فبلاش ..

لا تحاتين يا الغلا كله فتره واتعدي

والله أنا معك

وترى حالتي فعلا زعلت زوجي مني لان يبغى يودي بنته لأهله واني أرفض

لكن مااخفيش للحين هالحاله عندي وجبت ولدي وصار نفس الشيء مااستغني عنهم الأثنين ولا دقيقة

انتي تفاهمي مع زوجش بهدوء وبدون مشاكل

ودام ان اهله وياكم بنفس البيت قولي له انا بنزل معاكم وجلسي لك ساعه لو ساعتين وانتي معاهم وتراقبيها وتالي ارجعي شقتش وقولي لزوجك اللحين هي رضيعة ومحتاجتني ومااقدر أخليها بروحها ومن هالكلام وصدقيني مع الأيام هم بيخفوا شوي عنها بس لانها مولوده جديده والكل فرحان بها وطبيعي يبغوا دايم يشوفوها


والله يخليها لك ان شاء الله

سلااام

حتى انا امر بنفس الحاالة

اذا احد خذه تصير عيوني معلقة فيه وهو معلق عيونه علي وبيت اهل زوجي (خالتي) يموتون عليه وكله يقولون لي خليه وروحي ارتاحي بس انا مستحيييل والا اذا نام تقول خالتي روحي مشوارك وخليه دامه نايم اقولهم لاااا يمكن يجلس يصيح وهو ما ياخذ رضاعة صناعي..

ماادري ليه ماامنه عندهم يمكن لانه يبون يعطونه اكل وهو بعده صغير والا يعطونه شاي هو وين والشاي وين اذا كلمهم زوجي يقولون هذا انتو عطيناكم ومرة خذته خالتي وكان عندها عصير ليمون ومد يده وهو دايم كذا يحب يكتشف قالت يو مسكين ولدي وخلته يشرب وانا قلبييييييييييييييييييييي يااكلني وشوي الا يشررق اسم الله عليه وقمت بسرعة اجيب له ماي وصرت ارجففف وعصبت شوي قلت هالعصير كله ماي وسكر مووو زييييييييييين وبس ماانتظرت ردة فعل..

ومرة كنا ع العشا ومسوية خضارة مسلوقة بس فيها بهارات وقامت بتعطيه جزر قلت لها لااا فيه بهارات قالت لا بس في الماي وكان توه ما كمل 4 شهور وما سمعتني وعطته وانا اللي كلتها ظل اليوم الثاني كله اسهااااااال وتنزل قطع الجزر عدلة مو مهضوومة يكسر الخاطر

وبس

اما امي يمكن عادي اخليه عندها ماادري لييييه هالشعوووور...يوم اني في ال40 كنت اخليه واطلع مع زوجي شوي ومرة خليته عند زوجة اخوي تموووت ع الجهال , يمكن لاني واثقة انهم مب يعطونه شي اكل والا ماادري شنوو...


الله يصبر قلوووبنااا نمووووت عليهم مهما سووا فينا فديييت البيبيات




اسفة طولت بس ابي افضفض

هههههههههههه الحب ، مرحلة وتعدي الله يخلي لج ولدج يا رب ويحفضه

عادي أختي شعورج هالشي يكون بزيادة خصوصا مع البكر.. أنا كنت استخف لين ابعد عن ولدي لكن شوفي الوضع الحين لما يبت بنتي عادي اطلع واخليهم عند أمي او زوجي مافتكر نفس ولدي اتذكر قبل من كثر ماسوي تلفونات امي تتملل وتقول بس كفاية.. الحين هم اللي يتصلون فيني يسألون ويني هههه...

لما تكبر شوي وتزيد عليج المسئولية ويكون عندج بيبي ثاني بتقولين من يبي ياخذها..

الله يخليها لج ويبلغج فيها عروس يارب...

وكل ما تكبر شوي وتزيد المسؤولية والطلبات انتي بتقولين لابوها خذها واطلع وياها خلوووني ارتاح خخخخخخ عن تجربة

اما هالعباره صادقه فيها يا ام فطووومه فعلا اول ما ولدت ما ارضى احد يمسها والحين من يجي ابووها اترجى فيه ياخذها وياه برى لو ربع ساعه بس خخخخ

عادي حبيبتي ولا تحاتين بس انتي لاا تكبرين المواضيع وتسببين لنفسج المشاكل من شيء عادي
والله يخلي البنوته ويهديج