السينابون خطوة خطوة من يد سكرة

السلام عليكم
جايبة لكم طريقتي في السيانبون
حلوه وهشه وان شاء الله تعجبكم
مقادير العجينة :
3 اكواب طحين جميع الاستعمالات
ثلاثة ارباع كوب حليب دافي
ملعقة طعام خميرة فورية
رشة ملح
فنجان سكر عادي
ملعقة فانيليا
فنجان زيت او زبدة سائلة
بيضة واحده اذا كبيرة و2 اذا صغيرة

مقادير الحشو :
دراسين + سكر اسمر ( وممكن مسكرات اذا تحبي )

الصوص :
فنجان سكر بودرة + ملعقة واحدة حليب سائل (وزيدي السكر اذا احتاج حتى يصبح ثقيل شوي)

الطريقة :
1-حطي الخميرة والسكر والحليب مع بعض وخليهم 10 دقائق عشان يتفاعلوا
2-اخلطي الطحين والملح والبيكنج بودر والفانيليا والزيت والبيض وبعدين حطي عليها الخميرة والحليب واعجني زين لحد ماتشوفي العجينة مثل المطاطية ...
3-بعدين غطي العجينه واتركيها تخمر في مكان دافئ
4-الحين افرديها ورشي عليها الحشو وارتكي جانب الاخير وامسحيه شوية زيت او بيض عشان اللزق

5- لفيها وقطعيها الى دوائر



6-صفيها قريب من بعض وغطيها واتركيها تخمر مره ثانية ورشي عليها سكر اسمر خفيف



7- حطيها في الفرن على من اسفل لمدة 8 الى 15 دقائق على درجة حرارة متوسطه
بعدين انقليها الى الرف الاعلى وشغلي عليها شوي مو وايد لحد مايتحمر لونها ويذوب شوي السكر الاسمر عشان يصير كراميل خفيف ويعطي منظر رائع

8-سوي الصوص الابيض من السكر والحليب ورشي فوقها .