مرحبا جميعاً ،
طبعاً ما رح أكرر المقدمة اللي حطيتها بموضوعي الأول ،
Majd's Favorites ... أفضل منتجاتي اللي أستخدمهم هالفترة ...
ورح أبلّش بالموضوع على طول ، بما إنكم عرفتوا غايته والهدف منه ،
منتجاتي اللي هابة فيها هالفترة ،،
بالنسبة للشادوو ، حابة حيل هاللونين ،
اللون قوي حتى بدون بيس ، إضافة إلى الـ texture ماله حلو ،
من
أما بالنسبة للأروج ، لازال اللون الـ Nude هو المفضل عندي ،
وهذا أحد أرواجي المفضلين من جوس إهيء إهيء انكسر ،
بالنسبة للأساس ، ما حط أساس ، لأن صيف وحر وخيسة ،
فأكتفي بـ حماية من الشمس كـ بيس وحماية ، وعقب أحط بودرة أساس يا يكون لونها طبيعي نفس لون بشرتي ،
أو شوي غامجة كـ لون برونزي ،
وحالياً ،، بودرتين معلقة عليهم ،
ماكس فاكتر ،
وماك ، لـ اللون البرونزي وأوزعها بـ الكابوكي برش ،
والبلاش ، ماك هاللون عجييييييييييييييب ،
برونز على برتقالي على وردي ، عن جد عجييييييييييب ،
بالنسبة للكحل ، شانيل ،
ميزته ، لونه قوي ، ضد الماي ينفع حق هالوقت الحار ،
وما يحتاج براية ، لأنه برم ،
لكن ! ،
اللي جفنها دهني ، أنصح بوضع بيس قبل وضع الكحل وقبل وضع أي منتج ،
لأن اللي من دهون في منطقة الجفن ما راح يثبت عليهم أي منتج طالما ما فيه بيس أو مثبت ،
و
بالنسبة للعطورات ،
طبعاً ،
نارسيسو رودريغوز هو عطري المفضل في كل وقت وكل يوم وكل حزة وكل شهر وسنة وزمن هههههههههه ،
عن جد ، نارسيسو رودريغوز هو المفضل عندي ، حتى عندي كل عطورات نارسيسو رودريغوز ،
الوردي والأسود والموف والسلفر ، وأيضاً الأبيض ، وناوية ع العطر الأخير اللي نازل إن شاء الله ،
أما عطر D&G فهذا عطري اللي أستخدمه في البيت ، وهذا ما يمنع إني أستخدم عطورات ثانية للبيت ،
لكن يبقى D&G هو المفضل ، والمنعش لـ هالجو اللي ما هو منعش أبد ،
إضافة إلى عطر نارسيسو رودريغوز للشعر ،
امممم بالنسبة لمزيلات ميك أب العيون ، للأمانة عندي كذا منتج ،
ما بين الغالي والرخيص والمناسب ،
لكن ، للأمانة ما لقيت أفضل من هالمنتج ،
أستخدمه حتى لو مو حاطة ميك أب ، لتنظيف منطقة الجفن قبل النوم ،
جداً جداً لطيف ، وعلى فكرة اهو طبي ، وسعره جداً جداً رخيص ،
حتى ينظف الكحل اللي داخل العين ،
والحلو ، إن معاه شاش طبي لمسح منطقة العين ،
و
أما بالنسبة لمزيلات الميك أب ،
ماك للمكياج الثقيل ، حيل حلو ويشابه مزيلات شو أومارا جان جربتوها ،
والحلو فيه إن بالإمكان استخدامه لكل الوجه حتى منطقة العين ،
+
وايبس ماركة بولندية ، حيل حلوة ،
مرطبة وبنفس الوقت طبيعية ولطيفة ع البشرة ،
صرت أستخدمها حتى لو مو حاطة ميك أب ، خصوصاً في الويك إند لما أكون قاعدة من النوم وأتكيسل أغسل وجهي :o ،
هالكريم الحماية حبيته ، لأنه ضد الماي ، وما يدهن ع البشرة ، إضافة إلى ممكن ينحط على كامل الوجه حتى منطقة العين ،
وهالشي نادر في كريمات الحماية اللي نشوفها ،
الحلو في هالكريم ، إنه حماية 100% ، بالرغم من إن نسبة الحماية 50 ،
لكن فيه مادة تسوي إنعاكس لأشعة الشمس ، فتحمي البشرة 100% ،
لكن فيه شغله ما حبيتها اهي ريحته مو حلوة ،
لكن بالإمكان التغاضي عنها أما مميزاته الكثيرة ،
Blistex
من أفضل الماركات اللي جربتها لترطيب الشفاة ،
جربت ماركات كثيرة ، ومن هالماركة تحديداً جربت 4 أنواع مرطبات ،
الأفضل هذول المنتجين فقط لا غير ،
كلايمي للعناية بمنطقة العين لهالفترة ، من كلينك ،
بعد ما خلص كريمي للعين من كانيبو حبيت أجرب كلينك ،
وما كنت ناوية آخذ هالكريم ، كنت ناوية على All About Eyse ،
لكن ما كان فيه حماية من الشمس ، فأخذت هذا ،
والحمدلله ليلحين مرتاحة عليه ،
هذا منتجي المفضل بكل الأوقات ،
دالاسين ، علشان الحبوب اللي تطلع بين فترة والثانية ،
فأحطه على الحبة علشان ما تكبر وبنفس الوقت تصغر وتختفي بدون ما تترك أثر ،
وهذول عطوري لداري ، زيوت الفواحة
+
عطر بخاخ للدار ،
والفرش اللي هابة فيهم هاليومين ، اهم فرش ecotools ،
ميزتهم يداتهم خفاف ، وسهلين جداً في الاستخدام ،
صج اهم مايقايشون فرش ماك وبوبي براون وفورإيفر ،
وأعتذر صورتهم واهم مدمرين من الاستخدام ، ما غسلتهم ، فأعتذر ،،
أتمنى إني أكون أفدتكم ،
F: