انا واقعة فى حيرة اوافق ولا ارفض

السلام عليكم ورحمة الله وبركاتة

اولا المنتدى فعلا اكتر من رائع وانا بتابعة من زمان وعضويتى من 3 سنين كنت بدخل للاسف بستفيد وكان وقتى محدود بسبب دراستى وشغلى ودة سبب تقصيرى فى عدم التفاعل بالمنتدى

بس بجد انا حاسة انى محتاجة رايكم وحاسة اد اية روح الالفة اللى موجودة هنا :)

هو قرار مش عارفة اخدة لوحدى محتاجة اخواتى يساعدونى فية ^o)

انا متقدم على عريس هو جارنا بس انا مكنتش اعرفة ولا هو كمان صالونات يعنى

هو سنة 33 سنة
وماشاء الله علية بيصلى الصلاة فى وقتها حتى الفجر حاضر بالمسجد وحافظ اجزاء من القران
مواصفاتة الشكلية طول بعرض كدة زى ما اتمنيت بالظبط يسد عين الشمس ما شاء الله علية
ظروفة المادية ميسرة
عندة شقتة
اعتقد كريم ودة من الهدية اللى جابها معاة

المشكلة بقى هو تعليم عالى وكان بيشتغل فى مجال دراستة بس ساب الشغل
وفتح كوافير رجالى انا عمرى ماتخيلت ان هتجوز حد بيشتغل كدة :!!:

بعقلى انا موافقة لاكن لما با اجى افكر باولادى نفسى كان يبقى ابوهم فى مركز اجتماعى محترم ولة وضعة

قولولى اعمل اية

انا عملت استخارة بعد مقابلة التعارف وحسيت براحة وكان حد بيتكلم من جوايا وبيقولى انا موافقة طلبت من والدى يجى تانى هو كان عايز يجيب والدة للاتفاق وكدة انا قلت لبابا لا انا عايزة نقعد كلنا ونتكلم معاة ونشوف اراءة اية وتفكيرة ازاى وجة فعلا

بس انا خايفة منة فتح كذا موضوع واتنقل بينهم كنت بجاوبة بس هو كان مش بيدى راى نهائى فى الموضوع ويقلب ع حاجة تانية 8o|


مع ان انا شخصيتى مش مستسلمة او مليش راى بالعكس تماما انا اشتغلت واعرف اتكلم كويس واحكم ع الناس بس ساعتها كنت بجد مكسوفة ومش عارفة ارد او اتكلم قولولى اعمل اية :(






واحنا بنتكلم قالى انا من اول ما شوفتك المرة اللى فاتت ارتحت جدا وكنت عايز اكلم والدك تانى يوم علطول وعايز اجيب والدى واجى وسالنى فاهمة حاجة قلتلة لا قالى احسن بردة !!!!! :!!:

مش فاهمة انا ساعتها اتكسفت جدا ومردتش اصلا :o
ومعرفتش هو يقصد اية اختبار يعنى وبيشوفنى جريئة ولا لاء ولا ولا هو كان يقصد اية مش عارفة



عايزة رايكم ضرورى جدا ساعدونى فى اتخاذ القرار هو جاى بكرة ومحتاجة منكم بجد تفاعل معايا F: F: F: F: F: