استعديتوا لرمضان؟؟؟؟

quiet girl 20-06-2010 47 رد 5,042 مشاهدة
q
السلام عليكم ورحمه الله وبركاته

فى موضوع بقاله فتره شاغل بالى قولت هعمله هنا علشان كلنا نكسب ثواب ان شاء الله
بصوا انا طرأت فى دماغى فكره ياريت تساعدونى عليها وناخد كلنا ثواب بعض:thumbs_up:

اول فكره اننا نحضر لرمضان بجد انا حسه انى الايام دى مفيش خشوع اوى بينى وبين ربنا مش عارفه ليه حسه ان فى تباعد بينى وبين ربنا يعنى مجرد ان الواحد بيعمل اللى عليه وخلاص انا اقترحت الفكره دى علشان نبقى داخلين رمضان واحنا صادقين اوى لربنا مش مجرد بنعمل اللى علينا وخلاص :thumbs_down:فأحنا عايزين نشوف طرق نتقرب بيها لربنا واهم حاجه ان يبقى فى خشوع بجد حاجه جميله اوى ان يبقى فيه خشوع بيبقى احساس حلو اوى

فأنا عندى افكار هقولها وانتوا كمان كل واحده تقول افكارها ونساعد بعض ونتفق مع بعض على الحاجات اللى هنعملها قبل رمضان وكل واحده تدخل تقول عملت ايه علشان يبقى فى تشجيع بينا
افكارى انا مثلا
1- صيام اتنين وخميس
2-قراءه القرأن نحاول نختمه قبل رمضان على الاقل مرتين ان شاء الله
3-صلاه النوافل مش بس الفرض
4- التسابيح نسبح بعد كل صلاه
5-قراءه اذكار الصباح والمساء
6-صله الارحام نتصل بأقاربنا اللى بقالنا كتير مش بنكلمهم
7- صلاه الجماعه على الاقل صلاه واحده فى اليوم
8-الصلاه على النبى صلى الله عليه وسلم كتير
9-قيام الليل
طبعا مش لازم نبتدى كله مره واحده ممكن نبتدى بحاجه حاجه
وعايزين بقى بينا وبين نفسينا نحاول نبطل نكذب او ننافق او نجيب فى سيره الناس وننتقد الناس ونحاول بجد يبقى سلوكنا كويس
ونعمل صدقه ويااااه بقى لو صدقه جاريه بجد حلوه اوى وعلى فكره ازاحه الاذى عن الطريق صدقه
ونحاول نحوش من دلوقتى لحد رمضان ونعمل شنط رمضان قبل رمضان بيومين كدا واللى مش هتلحق تحوش ممكن تلم من عيلتها او جوزها هتكسب ثواب برضوا وقبل رمضان بيومين ننزل نشترى من محل جمله احتياجات رمضان مثلا(زيت-سمنه-سكر-ارز-مكرونه-فول-شاى-صلصه-لحوم-قمر الدين-زبيب-بلح)طبعا مش لازم تجيبوا كل ده ممكن حاجات منها حتى لو حاجه واحده تبقى كويسه وممكن لو عندنا الحاجات دى زياده فى البيت ممكن بردوا نوزعها
وفى رمضان
بالنسبه بقى لرمضان
بالاضافه الى الحاجات السابقه
نعمل افطار صايم يأما يوم نعمل لافراد كتير افطار صايم يأما كل يوم نزود فى الاكل لعدد فردين زياده مثلا ونوزعهم
وممكن نشترى مثلا عصير وتمر ونخلى جوزنا او اخونا او اى حد وقت المغرب يوزعه على الناس اللى ماشيه فى الشارع احنا عندنا شباب كتير فى منطقتنا بيعملوا كدا
ونحاول نحوش كل يوم مبلغ ان شالله حتى جنيه ونوزعه على اى حد غلبان يعنى مثلا اللى بيكنس فى الشارع مثلا او اى حد يستاهل وممكن نحوش كل يوم مبلغ ونشيله لاخر الشهر نوزعه كله كله مره واحده
وصلاه التراويح طبعا يااااااااه بجد نفسى الايام دى تيجى بسرعه بس يااااااااااارب يبلغنا رمضان ان شاء الله
وان شاء الله فى العشره الاواخر ننزل تهجد وومكن نعمل اعتكاف كمان يعنى مثلا انا كنت بنزل لصلاه التهجد الساعه واحده اصلى التهجد وبعدين اعد اقرى قران لحد الفجر وبعدين اصلى الفجر واعد بقى اقرى اذكار واسبح لحد الشروق وكده كأننا بمثابه اننا عملنا عمره وكمان يعتبر اعتكاف من الساعه واحده بليل لحد الشروق
وايه كمان ؟؟؟؟؟؟ انا بجد مش فاكره افكار تانى دلوقتى بس كل ما افتكر هقولكم وانتوا كمان ياريت لو حد عنده افكار يقولها وكمان عايزين تفاعل ونبتدى من دلوقتى وكل واحده تدخل تقول عملت ايه ونشجع بعض بجد هنكسب ثواب والله اننا بنشجع بعض وكمان علشان نشيل التراب اللى على قلوبنا ده ويبقى فى خشوع وتقرب لربنا
بجد انا نفسى اوى كل اللى يدخل يقرى الموضوع يشترك بجد ياريت تساعدونى على الاقل هتكسبوا ثواب فيا اوى لانى محتاجه تشجعيكم اوى والله
ا
الله يجزاك خير حبيبتي ع الموضوع المهم اللي الواجب انا نكون ع اتم استعداد لشهر الفضيل
*
موضوع رائع الله يجعله في ميزان حسناتك
ط
يسلمووو يالغلا
م
جزاك الله خير
د
مشكووووووره

جزاج الله الف خير
تستاهلين التقييم
ا
جزاكي الله خير

وانا كمان والله نفس الاحساس
q
اميرة بكلامي;12394477:
الله يجزاك خير حبيبتي ع الموضوع المهم اللي الواجب انا نكون ع اتم استعداد لشهر الفضيل


**سيرينا**;12394663:
موضوع رائع الله يجعله في ميزان حسناتك


طيف الاحبه 99;12394667:
يسلمووو يالغلا


مغتربة سدني;12395374:
جزاك الله خير



دلوعة س;12395493:
مشكووووووره



جزاج الله الف خير
تستاهلين التقييم


شكرا ليكم على مروركم بس انا عايزه افعال يعنى كل واحده تعمل حاجه وتيجى تقولها
q
أم ميزووو;12395582:
جزاكي الله خير

وانا كمان والله نفس الاحساس

ام ميزو طيب يلا بقى نشجع بعض ونبدأ على الاقل نبتدى بحاجات بسيطه فى الاول ونزود كل شويه حاجه
a
ياريت ربنا يكرمنا و يقوينا
B
جزلكي الله خير و ان شاء الله معاكي و تستاهلي التقييم
a
بجد ربنا يكرمك ويباركلك ويجعل الموضوع دة فى ميزان حسناتك لان فعلا الواحد حاسس انو بعد عن ربنا بيصلى وبيعمل الفروض من غير خشوع ربنا يرزقنا خشوعه ياررررررررب ويعينا على طاعتو وشكرو وحسن عبادتو يارب وان شاء الله ربنا يقدرنى واقدر اعمل حاجه من الى قولتى عليهم
ا
جزاك الله خيرا على المبادرة الرائعة و في ميزان حسناتك

ماشاء الله عليك انت ذكرت كل الأعمال الخيرة و ماخليتيلنا شئ لنقترحه

و سأحاول ان شاء الله تطبيق الحد الأقصى منها

والله يتقبل منا و منك صالح الأعماال غاليتي
ش
جزاكى الله خيرا على افكارك الحلوه
بجد احنا كلنا مقصرين ورمضان خلاص على الابواب ولازم كل الطاعات اللى كنا بنعملها نبتدى فيها من دلوقت
احب ان اضيف فكره بسيطه طبعا الكل اكيد بيقيم الليل فى رمضان ياريت الكل يحفظ الجزء30 29 من الان ورب العزه هناك متعه يا اخوات لما نصلى بقرءان فى صدورنا اكثر من اننا نمسك المصحف وعن تجربه
وياريت رمضان يكون فرصه لاحياء سنه السواك قبل الصلوات وقراءه القرءان وعند الذهاب للمسجد للتراويح
وهناك طاعات كثيره والله مقصريين فيها

وللاسف احنا حارمين نفسنا من طاعات كثيره تقربنا الى الله

اللهم بلغنا رمضان
لى عوده لموضوعك الرائع
$
جعله الله في ميزان حسناتك

اللهم بلغنا رمضان بصحة وعافية يا رب
D
جزاك الله كل خير
&
جزاكى الله خيرا على هذا الموضوع الرائع بصدق لانه شاغلنى من زمان من قبل مااولد مش الوقتى وهذكرك بحاجه جميله اوى نسيناها الدعاء احلى عباده بصدق وخصوصا قبل المغرب وده من اوقات الاستجابه وكمان باقى الاوقات المستجاب فيها الدعاء كمان الاستغفار انا بعتبره احلى واعظم عباده بيه ههتتمى كل حاجه باذن الله اول بيشيل الذنوب اللى مغطيه القلب دى وبيفتح عليكى بحاجات كتير كلنا عارفنها
اول حاجه لازم تبداى بالحاجات الشاقه عليكى زى القيام والصيام وبكده ان شاء الله هتتشجعى تعملى الباقى باذن الله
وربنا يبلغنا رمضان واياكم
ح
موضوع رائع الله يجعله في ميزان حسناتك

اللهم بلغنا رمضااااااااااان
s
موضوع حلو قوووووووووووووى ياقمر
*
صحيتي وان شاء الله في ميزان حسناتك
X