السلام عليكم ورحمة الله وبركاته
شخباركم بنات ان شاءالله بخير
حبيت انزل هالموضوع الي احس كل وحده محتاجته
كل وحده ماشيه بنظام او خطه معينه وخابه تضعف وتنزل من وزنها
تتفضل اهني بهالموضوع وتقولنه شنو برنامجها وجم لها من بدت النظام
نبي نعرف
1- متى بديتي النظام
2-شنو نظامج ولو تقدرين تحطيلنه ياه عشان نفيد ونستفيد
3- جم نزلتي علييه
4- شنو المشاكل الي واجهتج اثناءه
5- شنو نوع الرياضه الي تستخدمينها
6- اذا فيه كريمات معينه تشد الجسم او حبوب او وصفات خبرينه عليها
7- فترة ثبات الجسم متى بدت معاج وتوقعج للاسباب
8- شنو الاشياء الي تحبينها وقدرتي تتخلصين منها وتبتعدين عنها
9- فضفضه
بالنسبه لي يابنات يارشيقات المستقبل اهم شي الفضفضه بهموم الرجيم
تدرون ليش لاني اعتبر اي وحده اجدمج على نظام معين وخطه معينه اهي بطله
وهي بنهاية المطاف راح تصير رشيقه وتوصل للتبيه
انا ادري وايد بنات ودهم يفضفضون عن وايد اشياء
خلنه نخلي هالموضوع نحجي فيه همومنه واي وحده باديه تخق وتنهزم ضد معركة
الرجيم تي وتطلب المساعده وبتلقانه واقفين يمها
وبنعاونها في وايد بنات تبي الهمه تقل معاهم مه ثبات الوزن << مثلي
بس اقولهم تيأسون لانه هي فتره وبعدين راح يبدي الجسم يحرق ويبدي النزول
وبهالموضوع نبي نخليه مثل المرجع لنه معلومه مفيده سمعتيها سالفه حلوه نقلتيها
نظام يديد بيدتي فيه خبرينه عنه
وبنلتقي كل يوم نتباحث بامور الدايت واليوميات
صدقوني مره قريت موقع اجنبي انه احسن طريقه للنزول بالوزن طريقتين
الاولى انج تسوين شريط للوزن ترجعيله كل ساع راح يعطييج دافع للنزول
لانه كل مانزلتي ركض تبين تغيرينه صدقوني عن تجربه
الشي الثاني القرووب
وفعلا جربتها وايد وايد فادت حتى مرات استحي اخربط
لانه استحي من البنات شقول فاصك حلجي واقعد
هذي نصيحتي لكم يابنات لاتتخلون عنها بتنزلين اسرع معاهم
وبنصايحهم تلتزمين اكثر وغير روح المنافسه الي يحفز الواحد
نصايح مهمه
اول شي الاعتدال بالانظمه واتبعدي عن الانظمه القاسيه
ثاني شي الماي وماادراك ماالماي سبحان الله "وجعلنه من الماء كل شي حي "
ثالث شي التنويييع وماتحرمين نفسج من اي شي لاتضحكون صدقوني اذا حرمتي
مفسج من اي شي راح تنحاشن من الدايت وطبين على الاكل رواسي
خل يكون نظامج انج تاكلين من كل شي بس بقدر معين حتى الكاكاو حاولي قطعه
مو كامل
الشي الرابع المشي ماابي اقول رياضه في ناس ماتحب هالكلمه
بس المشي حلو ومفيد ويحرك كل شي بالجسم ومع هذا يحرق سعرات
ونزل الوزن والاحلا انه يريح النفسيه ويهدي البال
الشي الخامس
الخضار والفواكه اهي سر الحياه
وصدقوني اهي الصحه كلها انصح نفسي ونفسكم فيها
تنظف البطن وتترس المعده وهذا اهم شي
ني حق شي كرييييييييه يصير مع الدايت الي اهو
الملل
مافي احد يتم على نفس الهمه ولا في احد يتم على نفس النفسيه
الا الواحد مايمل والا الواحد مايحس انه زهق
بس بالمقابل حاولي تبعدين تفكيرج تماما عن هالاشياء
حاول كثر ماتقدرين تعطين نفسج رسائل ايجابيه شلون
تذكري حالج وشكلج بالمتن
وتخيلي روحج بالضعف شنو احسن وشنو الافضل
صدقيني بهاللحظات بتحسين الهمه ياتج من جديد والعزيمه
وبتصكين حلجج وتكملين على نظامج
شنو الحلو بالمتن شنو الحلو بالزوايد الي كل مكان بجسمنه
شنو الحلو لمه تبين تلبسين بدله سهره ولا حفله وتلقيين الشحم مايصدق
يلقه مكان الا ويصلع منه هالزقاديد بكل صوب
اهم شي اذا حاشتج هالفتره عليييييييييييييج بشي واحد ماله ثاني
الدعاااااااااااااااااء
وايد غايبه عنه هالشغله صدقوني الدعاء اهو الي يرد القضاء
يمكن تكونين خلاص ناويه تخربينه بدعائج ممكن ربي يقوي ارادتج وتتلتزمين اكثر
ادعي بكل وقت قولي يارب قوي ارادتي
يارب ابعدني عن الاكل الي يمتن
يارب ارزقني الصحه والعافيه
يارب خلني اصد عن الاكل وانتظم بنظامي
يارب حببني بالدايت
يارب حببني بالرياضه
الدعاء يابنات مثل السحر والله انه يساعدج ويعطييج طاقه لانه راح تلجئين حق ربج
وهم الي بعييييييييييينج على كل شي بحياتج
اخر شي
حابه اشكر كل وحده فيكم لانكم عطيتوني من وقتكم
وحابه من اليوم اقولكم هالله هالله بالهمه العاليه
وهالله هالله بالنظام المتوازن
لاتيئسين من النزول البطيئ ولاتستعيلين وتالي تردين كل الي نزلتي
بيوم واحد
خلي شعارج حديث الرسول
قليل دائم خير من كثير منقطع
الي حابه تبدي معاي بهالموضوع وطل علينه كل يوم
نتشارك ونسجل يومياتنه او نفضفض حياكم الله
الي محتاجه انظمه معينه وموعارفه شنو الاحسن احنا نعين ونعاون
وحياكم الله كلكم
اهم شي للمشتركين انه الباب مفتوح على طول
تعطينه السيره الذاتيه ههههه او الجسميه لها ونبذه عن حياتها
وحياكم الله :o