شخباركم حبوبات؟
بنت عمتي يوم ميلادها الاحد 20-6
فحبينا انا واختي واختها نفاجئها بشي بسيط ويفرحها في نفس الوقت
اتفقنا ان تكون المفاجأه في بيتنا
في صالتنا اللي فوق
وبديت اجهز للحفله بتجهيزات كلش كلش بسيطه
اول شي حطيت زينه بسيطه وايد
وشرينا الكيكه وحطينا عليها الشموع
خذت طاوله وحطيت عليها هديتي وهدية اختي والكيك والصحون والملاعق والسكين وكلينكس
وشرينا لها قبعه حفلات
نفخت شويه بالونات
وهذي صورتهم في حجرتي قبل لا احطهم فالصاله
وهذي صورة هديتي
كنت شاريه لها مجموعه اكسسوارات وقلت بشتري بوكس عشان احطهم فيه وساريتنا الحبيبه يومها مرضت
فطلعت معاي هالفكره البسيطه
فكرة المفاجأه:
اتفقت مع اختها وعمتي انهم يوم الخميس 17- 6
العصر ايون بيتنا وانا من طبعي اني كله في حجرتي واهم لين ايون
لازم ايون فوق يمرون علي حجرتي ينادوني انزل معاهم تحت
وانا كنت مجهزه كل شي فوق بس انتظر اشاره من بنت عمتي عشان اولع الشموع واصك الليتات واشغل اللي مجهزته حق الحفله
المهم اهم ياو و وصلو وقعدو مع امي وابوي وعطيت بنت عمتي اشاره ان كل شي جاهز تعالو فوق
قالت حق اختها الا تقولها تعبانه صبري شوي
وعطيتها اشاره ثانيه و التفت على الكيكه الا خلاص الشموع ذابو وطفو واهي للحين مايات
بعدين سمعت صوتها يايه وتناديني شغلت اللي مجهزته
فالبدايه ما انتبهت بس بعدين استوعبت اللي قاعد يصير واستانست
وطبعا احنا كنا مستانسين من وناستها
اعذروني على رداءة التصوير
واسمحولي على الاطاله
اتمنى موضوعي يعجبكم