:'( ساعدوني يابنات احترقت يدي

E L L E 19-06-2010 11 رد 21,921 مشاهدة
E
السلام عليكم

لحقوا علي يابنات احترقت يدي
وانا ملجتي قريبه

احترقت من الفير كان حار وحشته بـ يدي

والحرق الحين له ثاني يوم وصاير لونه بني شوي وحجمه متوسط
اول ما احترقت حطيت عليه ميبو و مداومه عليه

بس ماشوف في تحسن
مادري يمكن انا مستعجله شوي و خايفه علشان الملجه قريبه
:'(

شاسوي استمر على الميبو او اروح حق دكتور جلد
ا
هلااااا عسوله ... نفس سالفتي انا احترقو اصابعي الاثنين الخنصر والبنصر في ايدي اليمين بالزيت وخطوبتي بعد اسبوعين ما ادري اشلون اخبي الحروق واشلون بلبس الخاتم :'( وحالتي النفسيه داوووووووووون وما ادري شو اسوي بس خطيبه اخوي قالتلي عن زيت اسمه زيت لقمان يشتروه من عند العطارين يخفف من الحرووق فقلت باكر بروح اشتريه واجربه وبخبرج بالنتيجه .. او اذا احد من البنات يقدر يفيدناا :(
ا
من الصيدلية مرهم =ميبوللحروق =
~
المفروض اول ماحترقت يدك حطيتي زيت

يروحها ولا يبقي اثر
ل
اي خليك على ميبو عجييب للحروق

واذا في شي ثاني البنات مابقصرون

والله يشافي الكل

وإن شاء الله يروح الأثر
م



أذكر مرة أختي الكبيرة احترقت ،
وأمي حطت عليها هردة + كركم
والله وبالله وتالله لو تشوفين المنطقة المحترقة تقولين جذابة ما صار فيها حرق ،

أو

حطي عليها تفاحة " خايسة " ، إخذي الجزء الخايس أو التالف من التفاحة وحطيها على مكان
الحرق ، وما راح يصير فيه أثر ،
موفقة ،،
F:

م
ميبووووووووووووووووووووووووووووووووووووووو للحروق والجروح والتقرحات الجلديه هدا المرهم اكثر من رائع بفضل الله انا اقول كنز ووالناس ماتعرفه
ز
الله يكون بعونك انشاء الله خير
عندي الك كم شغله انشا الله تفيدك
1 نخاله اذا وضعت شاشهووضع فوقها النخاله بعد وضع زبده كدهان فوق الشاشه فانها تعجل بلشفاءمع لفها بشاش دون ضغط
2والعسل النحل اذا دهن الحرق به يوميا يكون ملطف ومجفف ويمنع التشوهات
3 الحناء اذا عجنت بماع الكزبره وطليت ابرات الحرق هذا دواؤكم وعند الله شفائكم اتمنى لكي السعاده
ع
اهلا فيك يالغاليه نفس الشي حدث مع صديقتي حرق بيدها لما نشف الحرق راحت الدكتور ووصف لها كريم أليكاسال والله بأسبوع الحرق ماله اثر ...اسألي الدكتور او الصيدلي وبتدعيلي
A
انتي لو حاطه عسل اول ما احترقتي والا حنا

بس خلج ع الميبو ترا واايد زين وان شا الله بيروح الحرق ومايترك اثر

ومبرووووووووووووووك يا عروسه
ع
انا انسكب علي ماء مغلي من الغلايه ورحت صبيت علي ماي بارد
بس تذكرت ان اختي يوم احترقت بالفير قالوا لها حطي طماطم وحطت بعد زيت زيتون ورحت سويت نفسها بس مافي فايده بقى الحرق وحتى اختي بعد
بس انا (قريت وصفه في زهرة الخليج عصير خيار مع بطاطس بس ماعرفت شلون اسوي عصير بطاطس وفرمتهم معبعض
واحط يوميا على مكان الحرق لمدة اسبوعين بس وتقشرت جلدتي واختفى الحرق)
وكنت احطه على الحرق ( الخيار والبطاطس ) والفهم بكيس نايلون >>>الي يغطون به الاكل عشان اقدر احرك يدي على راحتي ولا يطيح الخيار والبطاطس

اختي بعد نفس الشي بس هي ماحطت خيار بس التزمت بالبطاطس >> بس مدري كم خذت

امي احترقت بوجهها وكبير الحرق واستمرت 3 شهور تحط بطاطس واختفى الحرق >>>كان غامق ولونه بني على احمر بسبب الزيت



انا حرقي 2 اسبوعين واختفى
امي 3 شهور
اختي مدري كم بس اقل من فترة امي كانه مو اكثر من شهر بس بصراحه مو متاكده

ادعي لي الله يحقق الي في بالي ويسهل امري انا والغالي
J
مرهم ميبو فعّال
الوالدة الله يحفظها احترقت بزيت بدرجة ثانية وثالثة واستخدمت هالمرهم والحمد لله الحين ما في أي أثر
ما تجوفين شر عيوني




هذا هو
X