أنا اختكم في الله و أبي أفضفض

ن

نوفه الجميله

عروس نشيطة

18-06-2010 | 09:57 PM

السلام عليكم و رحمة الله و بركاته

ماشي.. بس لأنه هالقسم أقدر أفضفض فيه و أطلع الي في خاطري .. أنا كتومه وايد.. و الي في البيت ما يسمعوني

بقوللكم شنو مشكلتي من الألف للياء..

أنا بنت عمري 23 سنه.. و أنا الحمدلله أتممت دراستي و تخرجت من الجامعة ..

مشكلتي اني " مب مستقره" .. ما عندنا بيت.. كل بين فتره و فتره في مكان، تعبت نفسيا. خلكم من هالمشكله.. هاذي أعتقد سبب للشي الي أبي أقوله

يا بنات.. الحمدلله أقول الدعاء الي هو حق تيسير الزواج.. بس خايفه.. صدقوني.. أشوف الي أصغر مني ينخطبون و يتزوجون ,, و أقول في خاطري " أنا قاعده" متى بروح؟؟؟

بعدين أرجع أقول في نفسي شلون أنخطب؟؟ و منو يخطب وحده مو مستقره و ما عندها بيت؟؟ و مشاكل أهلها كثير؟؟؟؟

ثاني شي.. وايد الي ينعجبون فيني و وايد الي يسألون عني من بنات و شباب.. بس فجأه يغيرون رايهم و يشوفولهم شوفه ثانيه.. ليش؟؟؟ و أنا أحط في خاطري و أقول ليش عيل على طول سيرتي على لسانهم؟؟ و كله يقولون لي " انتي جميله ليش ما تتزوجين"؟؟؟

في وحده فيكم مثلي؟؟؟:(

[

فـرح القلـب

مشرفة سابقة

18-06-2010 | 10:06 PM

غاليتي هذه قسمة ونصيب
لما تدعي ربنا لازم يكون عندك يقين وتأكدي أن الله يستجيب لك
حبيبتي حتتزوجي وقت الله يقسم ويمكن ربنا مخبي لك حظ حلو
عيشي حياتك وانبسطي ولا تشيلي هم واعملي اللي عليك ادعي ربنا وتوكلي على الله وأحسني الظن ولا تخافي ربنا ما بينسى حد
ربي يرزقك راحة البال والزوج الصالح اللي يحبك ويحترمك

ر

ركايز

عروس رائعة

18-06-2010 | 10:14 PM

عزيزتي إن شاء الله اذا لك نصيب بهالدنيا راح تاخذينه كامل مكمل

وانتي بعدك صغيره فيه ناس ماتزوجوا الا على 30

وبالنسبه للي بيتقدم لك راح ياخذك انتي ماله اي شغل باهلك وظروفهم ومشاكلهم انتي ريحي نفسك ولاتتعبين بالتفكير
مافيه شئ يستاهل بهالدنيا يكدرك

وادعي ربك

والله يرزقك بالزوج الصالح اللي يعوضك كل خير عاجلاً غير آجلاً

F

FARAH 2009

عروس مبدعة

18-06-2010 | 11:24 PM

اختي الله يهديك بس توك صغيررة , روحي كملي دراساتك العليا , اشتغلي , ادخلي دورات , نمي نفسك , لاحقه ع الزوج , وسالت هل فيه وحده مثلي اقولك والله اعرف الالالالالالالالالالالالالالالالاف اكبر منك بكثيييييييير وعندهن ظروف عائليه بعد , بس الحمد لله عايشات حياتهن وشاكرات ربهن , نصيبهن بيجي بيجي ما احد راح ياخذه بس قولي يا رب وقولي الحمد لله , الله قال لان شكرتم لازيدنكم , والزمي الاستغفار , وستجدين فرج الله بحمده واستغفاره وستجدين حلاوة ذلك في قلبك , واذا ع كلام الناس فترا رضاهم غايه لا تدرك بيتكلمون لغاية ما يتعبون ولا يضرك كلامهم , وبكره اذا تزوجتي بيقولي ما حملت واذا حملت بالاول بيقولي ما حملت مرة ثانيه وهكذا اللسان تدمر الانسان , عموما العني الشيطان واطردي هالوساوس وروحي صلي ركعتين لله والله بيفرجها عنك , نصيحه احمدي الله دائما و قولي يا رب , وموفقه ان شاء الله

لا اله الا الله

.

.. أمــ عــلــيــ ..

عروس ماسية

18-06-2010 | 11:25 PM

حبيبتي ..

سالفة عدم الاستقرار في بيت .. هذا حال أغلب الأسر .. وسعي صدرك ..

عيشي حياتك .. واستانسي .. واللي كاتبه الله بيصير سواء سكنتي في بيت ملك ولا أيجار ....!!!

حاولي تكثري الاستغفار .. والدعاء في اوقات الاجابه .. مع التيقن ان ربي راح يستجيب لدعاءك بأقرب وقت ..

الله يرزقك الزوج الصالح اللي يسعدك وينسيك كل مشاكلك ..

:025:

ا

ام ريان وراكان

عروس مبدعة

18-06-2010 | 11:33 PM

حبيبتي هدي بالك
واكثري من الاستغفار

ن

نوفه الجميله

عروس نشيطة

19-06-2010 | 01:39 PM

أنا حتى تغيرت.. صرت مالي خلق لشي و ما أقدر أفكر.. لأني مو مستقره

أبي أعيش أبي أستانس..

عمري ما حسيت بالوناسه

ت

تمنيت

تاجرة

19-06-2010 | 02:07 PM

إذا ربي كاتب لج نصيب وكاتب لج تتزوجين

هالشي مابيوقف على بيتكم أو على المشاكل الاسريه

توج صغيره وبإذن الله ربي ييسر لج ويوفقج ويسهل امرج

ادعي وإن شاء الله بيجي لج ولد الحلال اللي يخليج تستقرين وتعيشين حياة افضل

بس انتي خلج متفائله وعيشي حياتج وربج ييسر

:f: