رأيكم يهموني.. لا تبخلون عليي .. جزاكم الله خير..

السلم عليكم

أخباركم حبيباتي .. عساكم بخيرر !!

انا عندي موضوع مر عليكم كثير بس حابه اتكلم فيه معاكم ورايكم جدا جدا يهمني ياريت ما تبخلون عليي فيه ...



انا اليوم ابني كمل سنتين والحمدالله رب العالمين

انا خطوبتي با بنات كانت طويله ويمكن تقارب 6 سنوات وتزوجة وتاخرت في حملي بعد سنتين وحملت وانجبت صغيري بعد مايقارب ثمان او تسع سنوات ..

قال زوجي من ننجبه باذن الله ويصير عمره كم شهر ننجب له اخ او اخت وانا ماكنت رافضه ولا موافقه ..

الي صاير زوجي خايف يتاخر الحمل مثل الاول وبعد عمره حاليا 34 يقول انتي عمرك صغير بس انا قاعد اكبر وما ابي اجيب عيال وانا متكسر موب قادر اشيل حالي احس كلامه منطقي بس بعد لي وجهة نظر مختلفه ...

طبعا كان صغير يتعب اول ما انجبته لاني انجبته ناقص في اول يوم من الشهر السابع بس الحمدالله كبر وشال حاله وانا وقفة عنه الحليب وياكل زين وعلمته على الحمام وانتو بكرامه ماتعلم حيل بس بدا يفهم ..

كنت بدراسه بعد كم شهر لي وخلصتها الحمدالله .. يعني اموري كلها تمام لو قررت احمل ثاني .... بس بصراحه بقول لكم الي بخاطري..

انا وحده عصبيه ومزاجيه وانجن واتوتر وما احس عندي مزاج للصيااح اثنين واحد بدا يتفهم ويبي ويبي والثاني يبي اهتمام توه نيوو وصغير .. وبعد خوف من الحمل والولاده لان حملي كان مرهق ولادتي مبكره وتعبت حييل والبيبي بالشيشه ولدت قيصريه وعانيت وماعرف يمكن خواف حايسني ...

بس عندي رغبه بالحمل وتجهيز .. بصراحه ماسكني هل الشهور لي كم شهر احس نفسي حيل ببكرشه هههههههههه وبملابس بيبي صغير وتجهيزات وحركات بس افكاري تخليني اتراجع ويمكن رغبتي بالحمل من حنة زوجي عليي برغم مسكين صابر لعيوني ويقول اخليك لوقت تواافقين ما يبي يجبرني واتعب بحملي والومه ...

انا الي اعرفه ان رب العالمين فوق كل شيء ولو قلت ابي وهو موب بصالحي ما يجي ولو قلت ما ابي وهو في صالحي راح يجي ..

بس الي يسال ما يضيع واكيد الفايده تبي تعم كل الي بحالتي ..

فما ادري اذا تفيدوني برايكم

هل تنصحوني اهيي نفسي واشجع حالي وبعد شهر او شهرين اخطي هل الخطووه

او اتمهل وانتظر بعد ..

او ماعرف ... قولو لي اي تجربه مريتو فيها امكن تفيدكم بخصوص الي طرحته

انا ممنونه لكل وحده تبي ترد على موضوعي

ومن قلب الله يوفقها ويرزقهاا من وااسع رزقه ..

.
.