بنتي عصبيه وااااااايد..تظربني و تسبني و تظرب خواتها

يا أمهات أنا تعبت من بنتي البجر إلي ما شاء الله عن عشر أطفال:|:confused::confused::|..عمرها قريب الأربع سنوات لكمن من طفولتها أعاني من عصبيتها و بسرعه تتنرفز و كل ما تكبر هذا الشيء يكبر و يطور معاها..يومها كله صريخ و صياااااااااااااااااح في كل شيء:mad::mad:..رغم أني أنسانه بطبعي مستحيل أصرخ على ياهل أو اتعامل معاه بقساوه أو بالظرب و دايما اخذها بالسياسة و اللطافه و الهدوء و الحظن و الدلع حتى أحس أنها صااااااااااااااااارت دلووووووعه و تعرف أنها حتى لو غلطت ما راح أعاقبها العقاب الكبير يعني أنا اتعامل معاها بس بثلاث أنواع للعقوبه إني أوقفها لين ما تعتذر أو أطنشها و ما أكلمها و تقعد تتحرقص و تحاول تكلمني و تصيح عشان تكلمني و العقاب الأخير إني مسوتلها لوحه و إذا غلطت أرسملها ويه زعلان لكن إذا سوت شيء زين أشجعها برسمت الويعه الفرحات...
رغم هذا كله بعدها عصبيه واااااااايد و بدت تصفع خواتها الصغار و على الويه:thumbs_down::thumbs_down: و انا مستمره في عقابها لكن تعبت و الله تعبت و حتى صرت أظارب مع زوجي بسببها لأنها تنرفزني فأصير ما أتحمل زوجي و أطلع حرتي فيه :'(:'(:'(