تعبت من الدموع

ياحافظ عليش ياقلبي الحب طبعا نعمه من الله والواحد يحب شخص ليشاركه بحياته وانتي خليكي مصره واقنعي اهلك بانك ماراح تتزوجي احد غير حبيبك

وطبعا هاذي عادات انه لازم تتزوج البنت من نفسس االمستوى العايله او القبيله او اي حد اهم شيء الحاله الماديه

حبيبتي لازم تتمسكين بي حلو الزواج عن قصة حب حاولي تقنعين اهلج ومافيها شي لو يساعدوكم اهلج
صدكي الزواج عن قصة حب احلى شي ويغنيكي عن كثير مشاكل
حاولي توسطين احد من الاقرباء

استغفري كثير الف مره باليوووووم وراح اتشوفي الفرج بعيوووونك
بس لا تنسي تدعيلي
الله يوفقك ويسعدك ويسعدنى امين

ترى انه مريت في هالتجربة وكانوا بيتنا رافضين رفض مو طبيعي
وبالاخص من الوالد الله يحفظه وكنت متمسكة فيه بدرجة ما تتصورونها وهو بعد مثل الشي ضحى باشياء واجد علشاني لكن ف الاخير مردهم عجزوا ووافقوا
صبري الصبر زين ولا تنسين ان الله فوقج ولا ينسى عباده
والله بجمعك على الخير ان شاء الله

انا بس اقول الله يرزقج الزوج الصالح

لان الواحد مايدري الخيره وين

الله يكون في عونك
ويسخرلك الخير يارب

فديتج حبيبتي مالج الا الصبر الله يكون بعونج اهم شي الدعاء والله كريم و بعدين قعدي معى اهلج و تفاهمي معاهم بس عاد بهدوء و كلام حلو يعني قنعيهم و اخذي بخاطرهم في نفس الوقت

ماعرف والله شاقول لج بس بالنسبه لي مايسوى توقفين بوي هلج عشان الي تحبينه يعني رضى هلج اهم و مهما يكون ماتسوى الفرحه بدونهم و في نفس الوقت اقولج حاولي تقنعينهم كثر ماتقدرين يمكن معى الوقت يعرفون الشخص اكثر و يحبونه و اذا على الماده قولي لهم سعادتي معا هاي الشخص و السعاده مو بالفلوس و خلي ابوج يقعد معاه و يكلمه يمكن يقتنع فيه

انه اعرف وحده كانت تحب واحد سنتين حب شريف يعني بس تكلمه تلفون و شكثر تقدموا لها كلهم ارفضتهم و اهلها مو راضين عشان حالته الماديه و مستواه التعليمي و غير شكله مو متقبلين و عايلته والله سوت المستحيل اوقفت ضد اهلها عشانه سنتين و اهي تحاول والله انها كانت بحاله صعبه مايعلمها الا الله سبحانه بس بالاخير اقتنعوا اهلها بس مو من طيب خاطرهم بس عشان بنتهم في الاخير يوم خلاص بيحدودون الملجه صار خلاف من بين الاهل و خلاف من بين البنيه و الشاب تخيلي تخلى عنها بس عشان اهله عشان خلاف بسيط و بكل وقاحه قال لها عشان الشي الي طلبوه اهلج خلاااص بقول حق اهلي مافي نصيب نسى ان في يوم من الايام اوقفت ضد اهلها عشانه نسى الالم و الحزن الي عانته و نسى انها زعلت امها و ابوها عشانه

الزبده من القصه انه الاهل هم عزوتج و سندج ، وفي النهايه مو كل اصابعج سوه يمكن غيره يكون احسن منه و شاري البنيه


بالتوفيق حبيبتي و الله اتمنى اسمع خبر ملجتج ;)

لا تنسين قيام الليل و الدعاء ان الله يهدي هلج و يجمعج بالي تحبينه

مو عارفه شقول والله غير استخيري وحلو الزواج عن قصة حب والله مافي احلى من الحب والتضحيه والوفاء بلحب بس وين اللي تلقينهم يوفوا الله يجمعكم مع بعض يارب موفقه خيتو

الله يعينك
وان شاء الله اذا كان فيه الخير لك يرزقك الله قربه
وان ماكان فيه خيره لك يبعده عن دربك ويقنع قلبك ببعاده
اكثري من الاستغفار والدعاء وتصدقي ان كان لجمعتكم خيره يوفقكم ويسهل امركم
واستخيري وحاولي تقنعي اهلك وعساهم يوافقون


:)

ونصيحة مني لاتسترجعي مواقف او احداث او اقوال ممكن تذكرك فيه
اي شي ممكن يلامس مشاعرك ويزيد من عذابك
اتمنى تكوني فاهمتني ......

بالتوفيق لك اختي

تحملي تضعفين قدام راي اهلش...وخصوصاً اذا الرجال زين ويحبش..ولا توافقين على غيره وقولي ليهم انش قابلة تعيشين وياه ومو مهم حالته المهم انه شاريش..والله يوفقش ويطمنش طمنينا عنش

مشكلتنا نفسها بضببببببببببببببط بس الفارق انتي تعرفي السبب بس انا ما اعرف شو السبب الرئيسي لرفضهم
ونفس الشي تعبت من البكي

الله يعينا ويصبرنا يااااااارب

آلله ايسر لج الا فيه الخير يآرب

اشكركم خواتي والله كفيتوا ووفيتوا وجعل ربي لكل وحده ردة عليي السعاده والجنه يارب

مالي غير الصبر والدعاء والصلاه والله يكتب لنا الخير ياارب

الاستغفار بنية الزواج من هذا الشخص.

اختي
جوفي اقرب شخص لج من عيلتكم، ويكون رجل .. متفهم وحكيم وعنده اسلوب.. ويقدر يقنعهم
يعني يدج ، ابوج خالج ، عمج ، وما شاكل .. كلميه بهدوء وبعقل وبعد تفكير .. خليه يجوف إنسانة ناضجة جدامه .. تصلح إن تبني أسرة وتختار الإنسان اللي ترتبط فيه
خليه يعرف شنو أسبابج اللي تخليج تبين ترتبطين فيه .. غير إنكم تحبون بعض..
اقترحي عليه يجوفه ويقعد وياه ويجوف شخصيته ..
وبعد ما يقتنع هالشخص..
يبدأ يحاول يقنعهم بهدوء.. ويقولهم .. جوفوا الشخص .. جوفوا شخصيته وأخلاقه .. سألوا عنه .. أهم شي اهو شلون بيعاملها .. شلون بيعيش وياها .. مو شنو مستواه المادي
أهم شي يقدر يوفر لها الأساسيات .. يعيشها بكرامة
الفلوس مو كل شي..
وهذي مو من الصفات اللي اشترطها رسولنا الكريم صلى الله عليه وآله في الخاطب
((إذا جاءكم من ترضون دينه وخلقه فزوجوه))
ما قال لا ماله ولا قبيلته ولا مستواه الاجتماعي ولا غيره
وأهم شي انتي مقتنعة فيه وفي ظروفه ..
حكمي عقلج قبل قلبج
.. وتصبري...
((فصبرٌ جميل والله المستعان على ماتصفون))
والله ييسر لج أمورج ويكتب لج اللي فيه الخير والصلاح
ويفرح خاطرج وناظرج :)
.
.
نسألكم الدعاء.. لا تنسيني .. :) محتاجة دعائج :)