اروح ولا ماأروح

السلام عليكم ورحمة الله وبركاته
الى اخواتي في منتدى عروس
ارجو ان أجد عندكم حل لمشكلتي فأنا محتاره جدا.
في البدايه لازم تعرفون عائلتي
أبوي متزوج حرمتين وانا بنت الزوجه الاولى،وعلاقتنا مع اخوانا من ابوي
مو كويسه (يعني مانزورهم ولا يزورونا،نلتقي احيانا في المناسبات العامه زواج او خطوبه)هذي حدود علاقتنا
فيه فقط لاغير.
لما صار عمري 19 سنه انخطبت،وسويت حفلة خطوبه وخواتي من ابوي ماحضروا ولا عماتي(اخوان ابوي )
حضروا الزواج لان المعرس يكون ولد اختهم (هذا بالنسبه لعماتي )أما بانسبه لخواتي فحضروا زواجي لان المعرس
ولد خالهم،المهم بعد زواجي بكم شهر انا حملت وفي فترة الحمل انخطبت وحده من عماتي ،وسوت حفلة خطوبه
طبعا انا قلت ماراح احضر حفلة الخطوبه،لانهم ماحضروا خطوبتي ،لكن زوجي اجبرني اني اروح وقال لي اذا مارحتي
راح احرمك من بيت أهلك(يعني يمنعني من زيارة أهلي) طبعا رحت عشان مانحرم من اهلي،وامي عصبت علي بس
مافي يدي شي ،وماقلت لها عن تهديد زوجي (ناماحبيت السالفه تكبر)
الحمدلله بعد تسعة اشهر ولدت ،جاووا خواتي من ابوي لزيارتي ،ومعاهم هديه ،بصراحه كبروا في عيني،أما عماتي
طبعا مازاروني،
المهم الحين اختي من ابوي انخطبت ،واكيد راح تسوي خطوبه وانا مو عارفه شسوي ، امي تقول لي لاتروحين
لانهم ماجاووا خطوبتك ،وزوجي الحين يقول بكيفك (طبعا مابعد ماشاف عماتي مايزوروني)اقتنع،وانا موعارفه شسوي أروح ولا ماأروح .