اين مقابل اسعادكم؟

السلام عليكم ورحمه الله وبركاته
كيفكم يا قمرات ان شاء الله تكونو جميعا بالف خير
اليوم حابه اتناقش معكم فى موضوع خطر ببالى ويمكن يستفيد منه حد
وهو اننا دائما دائما بنسعى لجلب السعاده الى ازوجنا وبيتنا واولادنا وانا متاكده ان كل واحده فينا بتدخل على المنتدى بتكون بتدور اما على شىء جديد تعمله لبيتها او لزوجها او لاولادها
وانا بعتبر ان دى ميزة اعطانا الله اياها ولكن احب اعترف لكم انى من وقت للتانى بلاقى نفسى زهقت وتعبت ومحتاجه انى اقلاقى مقابل وما يكون ابدا اقل من الى انا بسويه علشان احس انى مقدره مثل ما انا بقدر ولا اخبى عليكم فى هذه الاثناء الموضوع بيكبر معايا ويمكن يقلب باكتاب بس كده لفترة وبعدين بروق وبكتشف حاجه مهمه جدا انى حتى لو ما حصلت على مقابل فكونى انى اقوم باى عمل يفرح زوجى واولادى هذا فى حد ذاته متعه كبيرة انى ارى السعاده على وجوههم الله لايحرمهم منها ابدا ولا يحرمنى من رويتها عليها ويقدرنى دائما على اسعادهم هذا هو اساس سعادتى انا وكلمه تسلم ايديك يا ماما الى دايما بسمعها من ولادى بتجعلنى طايرة فى السما وكلمه زوجى ربنا يخليكى ليا دى عندى احسن مقابل عندى واكتشفت بردو ان المقابل ما لازم يكون مادى فقط ولكنه معنوى افضل بكثير وهو ان زوجى كل ساعه بيكلمنى من الشغل ليطمن على وفى كل مرة بقولى وحشتينى وكمان عمره ما فكر انه يسهر مع اصحابه ويتركنى وحدى ويوم اجازته يفضله دايما انه يقضيه معايا فى البيت او ان نخرج نتفسح سويا هو بس من كتر مسولياته الله يعينه مقل شويه بس فى هداياه وانا كنت الاول بزعل ولكنى الان فهمت وقدرت
انا حبيت اقول كده بس علشان اى عروسه مقبله على الزواج او اى سيده متزوجه تعرف ان المقابل المعنوى اهم بكتير وان جلب السعادة للبيت هو اساس سعادتك انتى الشخصيه
احب اسمع تعليقاتكم وهل انتى من الى بينتظرو المقابل ولا لا