تجمع بنات الجزائر لشهر رجب 1431ه

أخواتي العضوات مرتادات
السلام عليكم ورحمة الله وبركاته
سيتم إن شاء الله اعتماد هذا التجمع خلال هذا الشهر (رجب) 1431هـ وذلك وفق الآتي :

1. أن لا يكون التجمع مكرر لنفس الشهر .
2. لابد لكل تجمّع من مرشحتين على الاقل لمتابعته . ويكون لديهم صلاحيات التعديل والحذف عليه .
3. سيتم تقييم التجمع في نهاية الشهر ، وسيتم منع التجمعات الغير هادفة أو التي ليس لها متابعات .
4. المسؤولة عن التجمّع تتواصل مع مشرفات ركن شات عروس لإبلاغهم عن المخالفات التي تتكرر . أو عن العضوات اللائي يفسدون التجمع .
5. سيتم حجب العضوة المخالفة عن ركن شات عروس حتى ينتهي الشهر .

نأمل منكم جميعا التقيد والاستفادة من هذه التجمع في النقاشات المفيدة لكم .

ومن تجد في نفسها الرغبة الإشراف على التجمع أن ترسل لي رسالة عبر الخاص بذلك ، بشرط أن تكون من ضمن التجمع نفسه وتشارك فيه .

ولكم جزيل الشكر

وعليكم السلام و رحمة الله وبركاته

مبرووووووووووك التجمع الجديد و شكرا شمعة على افتتاحو وان شاء الله دايما مجموعين على الخير

بارك الله فيك اختي مرموم
ان شاء الله رح نكونوا عند حسن ظنكم

اهلا بيك اختي اشراق كيف احوالك

لاباس الحمد لله

واش احوالك انتي

أسمك أمينة ياخي ؟

انا راني بخير الحمد لله
لالا هاجر

اهاااااااااا اسمحيلي هاجر السخانة فقدتني الذاكرة
انتاعي

راني شفتك سقسيتي على وصفة تمنع الحبوب بعد الريجينا
سولاف مجاوبة ديجا على سؤالك
شوفي الصفحة ماقبل الأخيرة وراح تلقي الوصفة اللي حطتها لأخت أخرى سألت نفس السؤال

مبروك التجمع يا حلوات

الله يبارك فيك ندووووووووش

منووووووورة

واش اشراق راهي السخانة عنكم
حنا هاذو اليومين راهي الشتا
مليح برد الحال شوية
يعطيك الصحة دوك نروح نشوف في الموضوع

الله يبارك فيك اختي نادية
دايما منورة

الله يخليكم
شموعه الشتاء انت وين تسكني في الجزائر؟

لالا احنا غير السخانة :(

الحمد لله على كل حال

شفتك تسقسي على الذهب في ركن العروس

انا اللي نعرفو الغرام ب 220 الف بصح نزيد نسقسيلك باش نتأكد

و انا نقولك اذا قدرتي تشري غير اشري راهو وين رايح رايح يغلى

و ماتسمعيش اللي يهدرلك على le plaqué or

الذهب ماشي زينة وخلاص راهو شغل une banque نحطو فيه دراهمنا و نقدرو نصيبوها في كل وقت:thumbs_up:

أهلا إشراق مليح أسيدي راهم كل مرة يحلولنا شات جديد أسيدي راكم خادمة الحالة عندكم هههههههههههه

لاززززززم السيستام راهو ماشي بالشهور الهجرية

واش ميشا تقعدو في الحاسي ولا تجو للواد في الصيف ولا تمشو لتونس كي 75 من السوافة عندنا هنا

ههههههههههه
لا لا اشارق على حساب الجية تاعنا للواد كي يكملو خاولتي كل الخدمة يعني تحبلهم توصل بينا حتان نص جويلة وتونس رحتلها ليها 9 سنين وتاع الصح ثم صيفت تصييفة تاع الصح بصح هذا العام حقتلي روحة تاع 4 أيام برك في الشتاء كيما يقلك تاع شغل بركة ,,,, ان شاء الله في جويلة عندنا هبطة للواد ياو لازم طلة على العايلة كي العادة ولعوايد

صح

حقا واش هذيك الغيبة اللي غبتيها على المنتدى
وانا نقووووووووول ميشا راهي مع لي كونترول ربي يكون في عونها
أتاريك متخرجة و مكملة قرايتك

حقا شفتي ماتش الجزائر أمس ضيعنا فوووووووز محقق

والله على حساب الظروف برك وزيد بزيادة الميكرو راهو فاسد هذا وين جبوه وكنت نسرق الميكرو برتابل تاع خويا نكونكتي منو ههههههههه

بصح والله غير غاضوني ياسر ليكيب تاعنا والله تمنيت من كل قلبي يربحو وغاضتني من الهدرة الطالعة والهابطة عليهم من انتقادات تقوشي ماش هذي ليكيب الي طلعنذتنا للمونديال وفرحت الشعب الجزايري كامل ,,,,, والله كنت متمنية ان شعبنا يحكم فمه حتى ولو ما عجبهمش الماتش بصح تبقالهم صورة مشرفة داخلنا وتبقى صورة المناصر الدزيري مهما تكون النتيجة راهو واقف مع بلاده ,,,, بصح قدر الله وما شاء فعل

لالا الانتقاد حاجة طبيعية في المنتخبات تاع العالم كامل

بالعكس اللاعبين نتاعنا محسودين من ياسر منتخبات راكي تعرفي

يكفي انهم في المباريات الودية و مع الهزائم و سافرولهم من بلدان اوروبا كامل باش يشجعوهم في كل مرة

انا اليوم شفت في النشرة تاع الدزاير الانصار يصفقولهم و يحيوا فيهم هوما فايتين بالبيس تاعهم بعد الماتش شكون يلقى انصار كيما هاذم

والمهم قالهاشي واحد علمنا يرفرف في المونديال و نتشرفو بالخسارة أمام الكبار

صح في هذي راني معاك بصح والله غير غضتني البارح من صدى الملاعب والله غير عادت تكرهني هذي الحصة بالمعنى الدزاير ماتليقش تطلع للمونديال أصلا والله راني نسمع في وحد لتفاهات منا ومنا وزيد في منتدى الجلفة الدزيري واحد يسب واخد يلعن واحد يتمهزأ والله غير كسرولي راسي بهذي التافهات والي تكون قبل كل شيء من جزايريين والله غير تغيض