صباح الورد للورد
هذي قصة ولادتي بالغالي حسين
تممت شهور حملي على خير الحمد لله رب العالمين
وكان تاريخ ولادتي 5_6 بحساب السونار والدوره
بس بقدرة رب العالمين ولدت قبل 3 أيام من الموعد المحتمل.!!
كنت مقرره اروح عند امي بتاريخ 1_6 على أساس شهر جديد وبنتي راح تكون بالمدرسه وبوفرون
لها مواصلات لمنطقه أهلي بعد عناء..
وصلت عند امي باليل وتعشينا وقعدنا قعده حلوه
وبعدها نمنا..وقعدت الصبح ولبست بنتي وجهزتها واخذها الوالد الله يطول بعمره على مدرستها
واني دخلت انام..قلت بنام للأذان وبقوم اصلي بما انه عند امي وما عندي اشغال راااحه..;)
نمت لي نومه حلو لي الساعه 11 الظهر قعدت ودخلت الحمام وانتوا بكرامه..وشفت شوووووويه دم
بس قلت اكيد من التعب كنت قبلها بيوم مسويه اشغااااااال من تنظيفات الشقه بالكامل..على
أساس اني بكون بيت اهلي ويكون بيتي نظيف.!!:worn_out:
المهم ما حطيت للموضوع أهميه..وطلعت وكانوا خواتي موجودين على الساعه 12 الظهر جتني
آلالام غريبه..:worn_out:حتى امي كانت مسويه الغدى مندي دجاج ما اكلت ولاااا لقمه كنت متألمه
وكنت الاحظ انه الالم كان يجي كل 20 دقيقه تقريبا..وقمنا من السفره وقعدنا العصريه وكان الالم
متفاوت..وعلى العصر قلت حق اختي قومي بروح الصالون بحف قالت لي شفيها ملامحج متغيره
قلت بس تعبانه يعني وحده بشهرها لازم تتغير:D
رحت الصالون ومن اجيني الالم اقول للي تحفني لحظه شوووي:hysterical::hysterical::hysterical::hysterical::hysterical:
رجعنا اذن المغرب وكانت الاجواء عندنا شهر رمضااان وكان على طلبي بس يا فرررحه ماتمت
امي كانت مسويه هريس وكباب وساقو طبعا اني كنت احن وازن سوي قبل لا اولد
خاطري أكل خخخ وللأسف ما اكلت غير صحن صغيـــــر هريس وكباب حبه وحده بس اممم:worn_out:
على الساعه 8 قعدت اتمشى بالبيت وادور وادور وكان الالم يزيــــــــــــد..
وكانت خالتي زايرتنا..وكنت بالحمام الله يعزكم..اصيـــــــــح من الالم حسيت انه فوق طاقتي بس
قلت اتحمل شوووي..
طلعت وشافتني خالتي تقول شفيج قلت لها تعبانه..واحس بألم بظهري بموووت..!!
قالت خووش ونادت امي قالت لها ولعي فحم وحطي فوقه رشااااد وخليها تتبخر فيه..وفعلا تبخرت
وزاااااااد الالم اكثر..طبعا ريحته كانت لا تطاق..دخلت سبحت بماي دافي وكان الالام ازيد بعد التبخير
والدش الدافي..:mad:
وكل هذا واني مقاومه ولا اتصلت بزوجي..قلت بنتظر شووي
على الساعه 10 طرشت له مسج انه احس بألم..اذا حسيت بشي بتصل توديني المستشفى
دقايق الا هو عندي وفعلا وجوده هون عليي كان يقرأ عليي سوره مريم ويهديني.!!
الساعه 12 خلااااااص قلت له بروح المستشفى ما اتحمل الالم..وكنت حاطه في بالي انه على
هالالام بروح وبيقولون ليي 2 او 3 سانتي..
طلعنا وصلت المستشفى..وقالوا ليي بنشوف كم سانتي دقات قلبي كانت تتكلم قبلي..
خااايفه موت..دشيت وجت دكتورتي وفحصت قالت قومي امشي شوي انتي 6ونص سانتي:confused:
فرحت لانه صمدت هالفتره كلها بس بنفس الوقت خااايفه..
على الساعه 2 دخلوني الولاده وكنت 8 ونص..
طبعا دخلت غرفة الولاده وكنت بموت من الالام الا دكتورتي تقول لي قومي اطالعها:woo:
اقوم وين اروح؟؟؟
قالت لي قعدي ع الارض بجلسه القرفصااء وكنت اصارخ بأعلى صوتي ما أقدر خلاص ما عندي قوووه
وكان زوجي يشهد الموقف ويساعدني بكل لحظه وكنت اشوف دموعه بس عن جد كان قوووي
وكان برغم انه مو متحمل الموقف الا انه كان يهدأني ويمسح على راسي ويصلي على النبي
المهم..بعد عناااااء طويل قمت نزلت ع الارض وفعلا اقل من 20 دقيقه قالت ليي خلاص انتي 9ونص
سوي بوووش سويت بوش 3 مرات وشرف الغالي حسين الساعه 3:12 صباحا وكان زوجي ورى
ظهري وايده بيدي:'(
وشفته يوم طلع ولدنا سجد شكر لرب العالمين وحضني وكان يصيح بصوت عالي.!!
وامي وخواتي واهل زوجي كلهم ينتظروني برره..والي ما توقعته انه طلع زوجي من غرفة الولاده
واغمى عليه..وتأخروا امي وعمتي على ما دخلوا حقي واني اناديهم خل يدشون بس محد قال
ليي..وبعد ما صحى واسترجع قواه دشوا كلهم وكنت ميته من البرد..برداااااااانه..!!
خلصت من الخياطه الحمد لله ما سوني خياطه وايد ودخلوني الجناح الساعه4:00 صباحا
هذي قصه ولادتي الحمد والشكر لله..بالغالي حسين
ادعوا انه يكون من البارين الصالحين..
والله يسر ولادة كل حامل يارب
ويرزق كل محرومه بالذريه يارب العالمين:L: