$$$قصــــة ولادتــــي بنــور عيــني ( ســـعود ) حياكــم تفضلــوااا $$$

F:السلام عليكم ورحمة الله وبركاتهF:

حبيت خواتي اليوم انزل لكم قصة ولادتي بقره عينـــي
( سعــــود ) بعد عمري وقلبي
.
.

الي ربي رزقني فيه بعد زواج دام 5 سنوات .. ياربي لك الحمد حمدا كثيرا مباركا فيه
.
.

نبدأ الأكشن :)

أولا أنه الدكتورة عطتني موعد ولادة تاريخ 8-6
وطول فترة الحمد لله كانت الامور ماشيه وكل شئ طبيعي الى آخر موعد الي كان بتاريخ 7-6
رحت كانت عندي مراجعة وكنت ناويه أطلب من الدكتورة تسويلي تحريض لانه باقي لي يوم وأكمل شهري .. شيكتني الدكتورة وكان وزن البيبي ثابت ما زاد من أسبوع وقالت لي الدكتورة يمكن المشيمة تعبت وصار لازم تولدين وراح أعطيج فرصة الى تاريخ 15 وراح تسويلي طلق صناعي ما تتصوروووون شكثر ضاق خلقي ودمعي كانت بعيني وقلت لها تسويلي تحريض لكنها رفضت وقالت خليها على الله مو زين :thumbs_down:
طلعت من عندهااااا ... والنفسية طبعا داوووووون على الآخر بس في نفس الوقت قلت ربيي بيسهلهاااا وأن شاء الله عندي فرصة علشان أولد طبيعي :I:
.
.

رجعت البيت وكان عندي ألم مثل الشد في ريلي اليسار وما اقدر بالمره أمشي يعني كان خاطري أروح أتمشي واركب الدرج بس الشد كان ميودني ولا مخليني اسوي شئ وهذا زيد الأحباط
.
.
مر اليوم وجا اليل وكنت قاعده مع البنات في التجمع أسولف لهم عن الي صار معاي
وبعدين رحت أخذت غرشه ماي زمزم وقريت فيها سورة مريم ونفخت فيهااا وشربتهااا وطلبت من ربي أن يعطيني طلقة طبيعية وما احتاج للصناعي وأن أشوف سعود بصحة وسلامة وهذا أهم شئ عندي
.
.
وقعدت اشوف التلفزيون الا جاني ألم مثل الدورة وكان ظهري حاااااااار بس من غير ألم يعني أحسه بيحترق من الحرارة والألم كان خفيف ومو منتظم كلج وكانت الساعة 12 باليل
.
.
على الساعة 1 زاد الألم وبعد كان مو منتظم يروح ويجي وصار ببطني وظهري وبعد طنشت
لاني دخلت قوققل وقريت عن الطلق الكاذب انه يجي على فترات متباعدة ومن غير أفرازات ....... الخ مثل الي يصير لي بالضبط :confused:
.
.
قررت أدخلت الغرفة وأنام
.
.
أنسدحت على السرير والألم مو موقف وكان بفترات متقاربة علشان جذي ما قدر أنام وكنت أوسوس يعني أيني كل ربع ساعة بعدين نص ساعة بعدين 10 دقايق وساعات 3 قايق ودقيقتين
يعني بالمررررررررررررررره مو منتظم :worn_out: داااااااار راسي وانه احسب على أمل أنه ينتظم لكن للاسف :thumbs_down: أحبااااااااااااااااط
تميت على هل الحال أرقد دقيقة وأقعد ساعة طوووووووووووول الليل :clock:
الي الفجر قمت أصلي وقعد زوجي للصلاة
وقعدت ادعي ربي انه يسهل علي ويكون الي فيني طلق وايسر ولادتي
وطول هذي الفترة انه ما قلت لزوجي أنه فيني ألم أو بوادر طلق علشااااان ما يتفائل وبعدين يطلع طلق كاذذب
صارت الساعة 6 الصبح والألم للحين على حالة مو منتظم بس زادت شده شوي
قعدت زوجي علشان يروح الشغل أهني عاد زوجي حس انه دخلتي الحمام كثرت وانه وجهي متغير وسالني شفيج قلت له ألم خفيف عااااادي ما فيني شئ ...
قال لي خلاص ما بروح الشغل قلت له ما له داعي ما فيني شئ الحين بيخف قلت له معليه أنت روح واذا حسيت أنه زاد بكلمك
.
.
قالي خلاص أتوكل على الله وأنتظر تلفونج ;)
.
.
الساعة 7 طرشت حق أختي أنه فيني الم ويمكن يكون بداية طلق والله أعلم وحسيت روحي داااااااايخة لاني طول اليل ما نمت قلت خل أريح اشوي وأنااااام
ومن زود التعب دخلت بنومة حلوووووه وكل شوي أقعد على ألم وارد ارقد وكنت حاطه يمي
ورقة وقلم أسجل الوقت وأرد انام ساعات ينتظم وساااعات يرد مثل أول ..
الى الساعة 9 ونص قعدت على أتصال زوجي علشان يطمن علي قلت له ما فيني شئ لا تحاتيني فديته كان يحاااااتي وااااااااااايد
.
.
الساعه 10 الا ربع اتصلت اختي فديتهااا توهاا قاريه المسج
وقالت لي شلون الألم قلتهااا بدأ خفيف والحين اشوفه زاااد وااايد بس مو منتظم
قالت تعالي بيت ابوي علشان نقعد معاج وانه أكلمهااا الا ينزل علي مااااااااي دافي وانتوااا بكرامة كانه مسويتهااا على نفسي ... اهني :-o صارت عيوني جذي وقلت ليكون بولد وهذا الي فينيي من أمس طلق خخخخخخخخخ الأخت توهاااا مستوعبة لو ما نزل علي الماي يمكن اولد بالبيت :lol:
.
.
قلت لاختي الماي قاعد ينزل الحين قالت يالله تعالي علشان نشوف شنو نسوي
.
.
قمت على طوووول وكلمت زوجي وقلت له نزل علي الماي وشكلي بولد قالت 10 دقايق أكون عندج وكان متوترررررررررررررررر على الآخر :-#
.
.
وصلت وأنه كنت جاهزة ومجهزة أغراضي كلهااا وسويت لي مقلي التمر وأكلت سبع تمرات
ونست اقولكم انه يوم كنت قاعده مع البنات باليل في التجمع حاطه يمي صحن تمر وكلته كله
وهذا الشئ اول مرة اسويه من يوم حملت يعني جات من الله ويمكن خفف علي الألم ليلتهاااا
.
.
مشينااااا ورحت بيت أبوي وكانت خالتي وأختي بنتظروني ويوم شافوني قالووو لا لا للحين ما حمى الطلق شرايج ننتظر شوي بالبيت لي زاد نروح علشان ما يلعبون فيج الممرضات ويتعبونج ..
.
.
عاد أنه شفت نفس الألم قاااعد يززيد والماي نزل وكان الالم ايي كل 3 دقايق قلت لهم شرايكم نروح المستشفى وننتظر بالسيارة لين يزيد لانه اخاف على البيبي والماي نازل قالواا تدرين يالله نتوكل على الله
.
.
وصانااا المستشفى 10:20
وبدء التعذيب خذوني خالتي واختي يمشوووون ببمرات المستشفى وأنه بمووووووووووت من الألم والتعب وكل ما تجيني الطلقة اوقف واتسند عليهم وارجع أكمل مشي الي الساعة
10:50 يعني تقريبا مشيت نص ساعة والطلق كان كل دقيقتين ... تخيلوووووووو التعذيب
بس في نفس الوقت كان الألم محتمل وانه كنت أبي أتاخر وما ادخل ما أدري من الخوووف أو ان أخاف يلعبون فيني وما ابي ادخل الا بآخر نفس :worn_out:
.
.
الساعة 11 قررت أدخل
وكنت أرجف من الخوووووف
وقعدوني على السرير وركبولي وجات الممرضة علشان تقيس التوسع وقاستني وكانت من الخوووف مو قادرة اقعد وبالله يالله قاستني وقالت لي التوسع 2 ونص :badly: أهني عاد أنه صادني أحبااااااااااااااط مو طبيعي الالم أيي كل دقيقتن والتوسع 2 آآآآآآآآآآآآآآآه
بس فس نفس الوقت قلت ربي الكريم بيسهلهااااااااا وأن شاء الله بتتسهل وكل ما تجيني طلقة أدعي انه ربي يسهل علي وانه تتسرع ولادتي
.
.
الساعة 11 ونص جات الدكتورة وشافت حالتي وشيكتلي التوسع
.
.

قالت مااااااا شاء الله التوسع 5 يعني ما بتطولين ...
.
.

واهني بدء الألم يززززززززززززززززززززززززززززززيد وأنه تعبت من كثر ما اتنفس من الأكسجين وقمت أدوووووووووووووووووووخ منه

الساعة 11 :50 دخلت أختي علي من كثر ما لحت عليهم انهااا تبي تشوفني وقالت يالله هااانت وصلتي 5 سانتي وصورتي هههههههه شوفوووو سوالفهااا وانه بموووت ولا ادري عنهااااا

.
.
الساعة 12 دخلت الممرضة علشان تشوف التوسع
وسبحااااااااااااااان الله
الكريم
قالت ما شاء الله 9 سنتي ولاااااااااااااااااااااااااااااااادة بسرررررررررررررررررعة

.
.
في نص ساعة فتح من 5 الى 9 الحمد لله
وقالت سوي بوووووووووش
وانه اخذ نفس واحبسه واسوي بووووووووووش كانه بخرج في الحمااام
قالت وااااااااااااايد زيد
هذا البيبي قررررررريب يالله بوووووووووش ثاني
أهني الدكتورة شافت الياهل تعبااااااان وقالت لازم نشفطه بسررررررررعة
وحطت الشفاطة وانه أسوي بوووووووووووووش بكل ما فيني من قوووووووووووووووووة
آآآآآآآآآآآآآآآآآآآآآآآآآآآآآآآآآآآآآآآآآآآآآآآخ وفديته سعـــــــــــــــــــــــــــــــود حبيبتي طلع للدنياااااااااااا على الساعة 12:15 الظهر
بعد طوووووووووووووووووووووووووووووول أنتظار وللللللللللللللللللهفه وخووووووووووف
ربي قر عينــــــــي بأحلى مولود

الحمد لله على عطية ربي F:
هذي كانت قصة ولادتي ومثل ما شفتوااا كانت سهلة وميسرة بفضل من الله
وما أحتجت للطلق الصناعي
وما طولت بغرفة والولادة قعدة ساعة ونص :)
وطلعت باحلى ولد
.
.
نصايحي لكم
1- الثقة بالله انه راح تتسهل ولادتكم
2- طول فترة الحمل كثروووووو من الدعاااااااااااء
3- كثروااا من تمااارين الحمل انه كنت يوميا اسوي تمرين القرفصاء وجلسة الخياطة
4- المشي واكل التمر يوميا من نص الثامن علشان يعطيكم قووووووووووة
5- وقت الطلق كثروووو من التمر والدعاء وقرأ سورة مريم
6- وقت الطلقة ادعوووا لنفسكم وخلووا نفسيتكم عالية وكثرواا من الذكر
7- التنفس ثم التنفس ما كنت اوقف عنه وقت الالم والتسبيح والذكر داخل القلب

أتمنى أنه ما طوووووولت عليكم
بس حبيت انكم تستفيدووووون من قصتي
أسال الله أن يسهل على كل حامل ولادتهاااا ويفرحهااااا بشوفت طفلهاااااا
ويرزقت كل متاخرة بالولد البار ويفرحهاااااااا مثل ما فرحني

أدعولي أنه ربي يحفظلي ( :L:سعــــــود :L:)ويجعلة ولد صالح بار بوالديه