لمة الليبيات لشهر رجب 1431 - 2010 م

ربي ايكملك ابعقلك ياميهام وفعلا شخصيتك قوية ماشاء الله عليك وعلى عقلك وانتي اختارتي الطريق الصح
وان شاء الله ربي مايخيبش املك
ويجعلة من نصيبك ويحنن قلب امه عليكم ويعوضك الله خير في الذي فات والحياة تجارب وكلنا مارين بظروف بس الشاطر هو الذي ايتغلب على ظروفة .........لكي مني كل تحية على حكمتك وعقلك....
وانا ماشية الحرم النبوي اليوم وحا ندعيلك من كل قلبي سلام....

اليوم
وين عروسه ليبيا
شكلها حاصله فى الشناطى ههههههههههههههههههههه
ربى ايعونها

فراشاتى معليش عندى اقتراح لكم بس معليش محد يزعل منى لانى فى الاول والاخير الخلاف لا يعنى الاختلاف وانتم اكبر منى مقاما فعذرا للجميع
انا لاحظت ان التنزيلات بعض الصور متكررة فى اللمه وفى ركن التجهيزات عرائس وهذه حاجه مش حلوة لان بشكل هذا الموضيع حتكون ممله ومفيش حاجه جديده وانا واعوذ من كلمه انا شايفه ان الصور احلى فى ركن التجهيزات حتى يتمكنوا العرائس من التركيز اكثر
اما اللمه فتكون للدردشه المفيده للجميع وانا متاكد ان هذا راى الاغلبيه لاننا كلنا عندنا نفس الهدف ونفس الغيرة على للمتنا
سامحونى بس حبيت انقول كلمتى بهذا الخصوص وانا عارفه انكم حتعذرونى

حبوبه الدنيا تجارب ومره تصيب ومره تخيب وصدقيني الي عشتيه مش حرام ولاعيب لانه كل البناويت مرو بيه وحبو ومرو بتجارب لكن الزواج نصيب وبخوت حبوبه
وحتى هو ربي يكون في عونه جاء بين نارين لكن بنقولك مش معناها انتي الي خطأ أو مش مناسبه بالعكس أني نعرف هلبه امهات ظالمات للأسف ويبو صغارهم حكر ليهم ويغارو عليهم والمشكله يختارولهم ويجبروهم وبعدها تقعد تقول يارتني مادرت وياريته خليته ياخد علي خيرة عينه
وبنقولك أهو اني حبيت راجلي وماليه كانو عارفين وعمرهم ماكانو معارضين وهذا لانه تفكيرهم كويس وناس تفهم في حرية الاختيار والخصوصيه
وانتي بختك هكي الله غالب وصدقيني أنتي صح ضحيتي بحب حياتك بس كسبتي راحة بالك ومستقبلك لأنه اكيد بعدين لو صار نصيب بتمرو بضغوووووط انتي وهو لأنه امه ديمه واخده موقف منك
وأني ديمه نقول فيها يحبوك اهل دارك يحبو صغارك ولا ماحبوكش بتكون دائما العواطف قاصيه وفي تحيز للغير
وصدقيني مرات أحني نقولو قول وربك يفعل فعل وتاخدي الي تبيه وتكوني لي عميمتك الكنه المفضله وتقول ياررررررررررريتني مااتخرت في وخدتها العسل هادي
وربي يزيد يقويك ويعلي من شانك وخيتي وصدقيني البنات كلهم زيك ومعاش في حد ياخد وحده من دون سابق معرفه الا في بعض الحالات وتلقي بينهم فتووور دائم
لكن أن الله مع الصابرين وصدقيني توه يجيك الي يعوضك ويعيشك ملكه بأذن الله