لمة الليبيات لشهر رجب 1431 - 2010 م

عروسة ليبيا;12416819:

الميك اب احجزي عند ناديه


لان جو الناعم بكل وجو الاجانب يدروه ليك ف بريطانيا


فاطمه بدت عليها شكوات ف الواحد ما يجازفش خليك علا ناديه الجزئريه بالك تحصليه يعني وقت ضييييييق صح


بسسسسسسس بالك تحصليها


وفي عندك مكانات تاني بس نحكو ف وقتها لو حسمتي الموقف


بس انتي حتا لو قرايه صيفي


البيان خليه قبل رمضان ب 3 ايام عشان تحصلي فرااااااااغ ف صاله وزحمه تخف

**سيرينا**;12416829:
يا روز يا سمحة بهاء هذا اسم المصور

يبعتلك بنات يصوروك فيديو وثابت

وبالنسبة للصالت في حتى صالة تانية صغيرة وحلوة اسمها الصرح (الفريدة)
ممكن لو في وحده من البنات شايفتها تزيد تنصحك انا بصراحة عاجبتني راقية ونحاول نجيبلك صور

عروسة ليبيا;12416858:

بهاءءءء حبيبتي هوا اسم المركز بتاعه بس اخته خريجت اعلام واخراج هيا شاده شغله شغل المحل وفي بنات ووووووووناس يديرو التصوير


ووووولو تبي يدير ف بروجكتر عرض كليب ليكي حلوة الفكره اهيا ديريها هنا لا ناس يبو يعرفوك


فا تحطي صور مراحل حياتك وقرايتك والمدرسه وصاحبتك وعيلتكم ويدير فيهم بتدرج معين ومهما دارو من عروض ومحلات فتحت هوا يدير فيهم كلاس وحلوات وبدون فبركه


وشغل بنات ايديروه هادا هوا






وف حسبه تاني


المعازيم كل ما اختصرتي احسن لان تقدري اديري احسن عشاء وعند اشهر طبخات بتاع طربلس يحسبو السعر بصحن


صحن فيه الوجبه والمقبلات متلا متلا صحن ب 10 صحن ب 5


و هكذا


ف كل ما قلو معزيمكم تقدري اديري عشاء مميز ويكون حلو ومش زحمه



تاني شي ف حسبت المعازيم لازم تحسبي اهله هوا كم بيجو منهم يعني بتاع البيان





وبليز حبوبه فكري مع ماما ف الامر ورتبيه لان تعرفي كلام هيتم صح يبي ترتيبااااااااات

وهو لازم يعرف لان بش يعبا بي عباه متلا بيشري طقم او بدله او جو حاجات تبي ترتيب بدري لانه موسم




ربي معاك ولو نقدر نساعدك مش راح نقصر

**سيرينا**;12416865:
لا خلي امه وامك يتفقو و امك تقول لامه انكم بتديرو في صالة مش لازم تقوللها اسم الصالة تقوللها لم نقررو نقوللكم لكن لازم الناس يعرفو شن قررتو باش يوتو روحهم مش تقوليلهم قبل البيان بأسبوع هههههه نهارك بعدين

Rose 89;12416904:
وحقااا
الحلويات ؟؟

نبي كيكا وكله يعني زي عرس؟؟

اش يحطو في بيان؟

حياتي ليبيا;12416908:
اني بهاء باذن الله ماشيتله هاليومين بنحجز عنده تو نقولك الاسعار يا روز ..ولو تبي نعطيك عنوانه في الفيس بوك تتواصلي معاهم

*ام احمد *;12416917:
الحلويات والكيكه عليك وعلي الحاراتي والعالم بس انا نفضل الحاراتي

*ام احمد *;12416906:
سيرينا قاعده مرقتيش هو امتحانك اي الساعه

عروسة ليبيا;12416935:

حبيبتي


اول خطوة




يتحدد وقت سفرتكم



تاني خطوة تخبري هيثم بالبيان انو تبو بيان وتقوله هيتوما بيااان بسييييييط ومش لزم تركب علا روحك وترهق نفسك قفطان متوفره

ودبله و خلاص زي ناس


وقوله حسب الاصول مامتك هيتوم تكلم امي تتفق معاها



---- بسطي الموقف له لانه يحسه زي العرس الراجل


بعد هكيييييييييييييي


امه تكلم امك هوا يخبر امه تكلم امك


انتي قولي لي ماما لما امه تكلم امك

قولها اخر 3 ايام قبل رمضان وبنشوفو صاله صغيره زي ماتعرفي ام هيثم لينا فتره برا وناسنا يبو يجونا



بعد هك تسكرو تلفون وتكوني انتي اخترتي متلا صالتين من خيارات البنات اوكي تعطي حد من خالتك او عماتك الي قريب علا ماما فيهم وديما يتصل بيكم وفيه بيه دلاله هو راح يكون ناشط ويهنيكم ويوقف معاك بنشاط


الموهم تكلمو شخص اهو يمشي يشوف صاله ويحجزلكم وتحولوله عربون لالالالالالالالان راهو لو تبي ترجو لين انتو تروحو عشان الحجز راح يسكر كل الحجز واول يوم يحصل حجز صاله تحجزي الكوافيرررررررررره طول


وان شاء الله تحصلي ناديه لان زحممممممه عليها بس بمعرفه تقبل ولو ما حصلتي راح نحطولك خيارات تانيه



هادو اول خطوات رتبتهم لك لاني حستك ملخبطه وووسعي بالك وركزي



وبعد هك الحمدلله انتي اوعر شي هوا لبس العروسه واهوا تهنيتي علييييييييييييييييييه وتبقا لو ناقصك معاه اكسسوارات او هكي



وبخصوص خشت هيثم لو انتي محجبه رسمي ممكن اديري مع القفطان جاكيت وواشاح حرايري حلو نازك وف الاول اتخشي بقفطان عادي ولما قريب يجو حد يلفه ليك من خواتك زي ماتبي لفه كلاس بعد التدرب عليها

ويخش يلبسك ويطلع علا سريع



والعشاء فيه خيارات هلبا هو والحلوات هادو لاحقه عليهم

Rose 89;12416981:
امممممممممممممممممممممم

اوكي لما احجز صالة الديكور معاها ؟؟؟ ولا انا اجيب بروحي؟؟ ولا هم يحطولي شن يبو ولا انا اختار ولا شنو ؟؟

اي اني محجبة رسمي ههه يعني مستحييييييييييل يخش في بيان وانا بدون حجاب .. ههه
اممم يعني اتجي البس جاكيت ويخش يلبسني ؟؟

ااحس امه شوي متشددة .. يديرو فيها هلبا في ليبيا؟

حتي هادي فكرة اني نلبس ويخش اممم بفكر فيها ههه خل انفكر في الصالة اول وبعدين الاشياء التانية ههه

**سيرينا**;12416997:
نصيحتي ليك متغيريش ديكور الصالة خصوصا لو كانت صاله ديكورها بسيط و حلو لان بصراحة التغيير تخليه للعرس ان شاء الله احسن

و بالنسبة لموضوع التلبيسة ايه عادي هلبه يديرو فيها ديري جاكيت بسيط لقفطانك و وشاح مميز البسيهم وقت التلبيسة يجوك حلوات

**سيرينا**;12416951:
تعرفي هو شن صاير هي المادة هادي مفروض امتحنتها تاني مادة لكن كالعادة و تلخبيط الجامعات :mad: الامتحان أتأجل

اليوم كان عندي امتحان وهو اليوم مفروض حسب الجدول يكون اخر يوم
لكن هذا الامتحان اللي أتأجل داروه غدوة

روحت اليوم ضربتها نومه للساعه 7 و نضت فايقة ومش جايني نوم
امتحاني يبدا 8 قررت اني مش حنرقد و بنمشي طول ع الامتحان نمتحن ونروح :D