لمة الليبيات لشهر رجب 1431 - 2010 م

nada kaled;12406033:
انا دور تاني قعدتلي السيرجري ادعيلي تتصفي

ان شاء الله يارب تنجحي والله الطب يشيب ............ان شاء الله تصفيها وتتخرجي وتتجوزي كله مره وحده وعن قريب يارب باش تعزميني مش تنسي عاد

*ام احمد *;12406053:
ان شاء الله يارب والله الطب يشيب ............ان شاء الله تصفيها وتتخرجي وتتجوزي كله مره وحده وعن قريب يارب باش تعزميني مش تنسي عاد

ان شاء الله واكيد انت اول وحدة

يلا باي خلي نمشي نصلي قيام الليل ونقرا شوية قرأن ونوتر قبل مأذن الفجر

ندوش ام احمد شنو الاخبار افراجو عنكم كملتو الامتحانان يالله بنجاح ياربي

طرابلسية لسرتاوي;12400187:
السلام عليكم ورحمة الله وبركاته:adore:
كيف حالكم جميعااااااااااااا
بارك الله فيكم يابنات اللى فقدتوني وناديتوني واللى خلولى اوف لاين بجديات اقسم بالله كنت متخده قرار اني معاد نرجع بس بعد الكلام اللى لقيته اوف لاين قلت اهو ناخد بخاطركم:adore::adore::adore:
شكرا ياهنوووووووووووووووووووو بجديات ربي يحظك ويكثر من امثالك:086:
روح شكرا عالروح السمحه بجديات روعه يابنت:thumbs_up:
عروسه شكر عالاوف لاينF:
ابله هونيده تهبلي انتى راك مش عاديه ربي يحفظك لاولادك وزوجك:016:
ليبيه شكرا ياغاليه عالسؤال ربي يونسك باحبابك:087:
هبوش بارك الله فيك ياحلوة عالكلام الحلووووووو
واللى سالو عليا ونسيتهم اعدروني :L:
عموما انا ممكن نغيب هالفترة لاني خارج ارض ليبيا الحبيبه ومطوله ممكن 20 يوم او شهر
عموما بارك الله فيكم كلكم ياحلوات:o
بجديااااااااات اخجلنا تواضعكم

نورتي يا طرابلسية بين خوتك والله اللمة ما كانت حلوة من غيرك ان شاء الله ما عاد حد فينا يبعد و نقعدو ديما ملتمين
:L: F:

*ام احمد *;12403501:
السلام عليكم حبيباتي اليوم الحمد لله كملت امتحاناتي وان شاء الله نصفي وننجح وعقبال النجاح لي طرابلسيه وقدوره وسيرينا حتي هما

مبرووووك واخيرا كملتي وارتحتى انا ان شاء الله يوم 22-6 اخر يوم يلا دعواتكم معاي يا بنات وان شاء الله بنجاح لينا كلنا يـــــــــــــــارب

العروسة السمحة;12403547:
اهلين ام احمد كيف حالك وان شاء الله بالنجاح ليك ولطرابلسية وقدورة وسيرنا

صحيتي يا عروسة ع الدعوة الحلوة هادي :) ان شاء الله كلنا ننجحوا ياربF:

عروسة ليبيا;12405690:

سيرررررررينا



امانه سلمي علا ديمووووووووووو وقولها عروسه تقولك اسسسسسسسسسسفه جدا


لاني كل مره بنرد عليها برساله خاصه والله مالا كل شوي نقول اهو اهو و ننشغل ونسها


وجوي الايام الي فاتو لايصه ف الحوش



تحياتي وسلامي ليها ولي امون يا سارونا بما انككككككك تخشي اكتر منهم وهما لاهيات

كيف حالك يا عروسة

حاضر من عيوني حنقوللها :adore: ههههههههه انا والله ادمنت عليكم احرف منهم مرات نخش نشوف اخباركم ونطلع
F:F:

صباح الخير يا بنات اهلين طرابلسية كيف حالك ؟؟؟؟؟و تمشي و تروحي طيبة .... و رحلة ممتعة .. و معش اتغيبي علينا مرة اخري ..و ربي يبعد علينا الزعل ....

صباح الخير
وين بنات اليوم ان شاء الله خير

نرجس ربي ييتم علي خير قرب عرسك شنو تحسئ ونفسيه كيف جوها
ربي يهينك ويسعدك

حياة حلوة;12408953:
صباح الخير
وين بنات اليوم ان شاء الله خير

نرجس ربي ييتم علي خير قرب عرسك شنو تحسئ ونفسيه كيف جوها
ربي يهينك ويسعدك

شكله البنات كلهن غاطسات مشغولات .....
الله يسلمك و عقبال فرحتك بالنسبة للاحساس عادي احيانا انوض في الليل خايفة و مخنوقة خاصة في الصبح بدري و في الاوقات العادية عادي نلقي في روحي نستني في هضكي اليوم و الله ما ني عارفه متلخبطة من جوا بس ربي يستر و ان شاءالله خير ....

بنات توا انا في فرح صبيتي انعول مع عرب داري او نلبس و نفتلك و نقعمز انخاف انقعمز يقعدوا العرب يدوا عليا و يقولوا بايرة مش عريسة و شن نلبس اختارولي لبسي متلا اول يوم نلبس ذهبي و بدلة حلوة باه
تاني يوم نلبس نفس البرنامج بدلة تانية او عباية خليجية و نقعد شوية و نغير نلبس لبسه كاجول او متلا بلوزة حلوة لطيفة معها تيور حلو و نقعد انعول او شنو بالضبط .... انصحني لوجه الله ....

ربي يقدمك كل خير ويبعد عنك كل شر ويحفظك
المهم هدئ اعصابك حبوبه ومتفكري واجد علي بشرتك ونفيتك تكون حلوه
اكيد بيكون يوم عرسك احلي يوم... بس هدي اعصابك وشغلي سوره البقره كل لليل قبل ترقدي لو تقدري حتي تقريها

حياة حلوة;12409174:
ربي يقدمك كل خير ويبعد عنك كل شر ويحفظك
المهم هدئ اعصابك حبوبه ومتفكري واجد علي بشرتك ونفيتك تكون حلوه
اكيد بيكون يوم عرسك احلي يوم... بس هدي اعصابك وشغلي سوره البقره كل لليل قبل ترقدي لو تقدري حتي تقريها

ايسلمك حبيبة وعقبال فرحك يا رب و اهو مرة هكي و مرة هكي انا تقريبا شطبت حجتي و غلفتها و في حاجات بسيطة انلم فيهن و نلف فيهن و بخرتهن و عطرتهن كلهن الحمدالله ..

بنااااااااااات ليا سبوع ندور فى اللمة هههه وملقيتهاش ..

اخيراااا وبحمد لله تم افتتاح هايل شوب

http://go.3roos.com/sMCNoK6Gy6C


واول طلبية جتنى من الغالللللية غادو سلمها وصحيتى عالتشيج يا حلوة

عروسة وينننننننننننننك ماسنجر متاعى مباش يفتح ليك وحشة امتا جاية قولى خيرلك بلا جو

سلامات ياحبوبات نورني في موضوعي حيعجبكم

http://forums.3roos.com/showthread.php?p=12410308#post12410308

هايلة نورتي كيف حالك والف مبروك الافتاح والله انا من قبل مايفتح رسمي

شفته وعجبني ربي يوفقك ياااربي

السلام عليكم كيف حالكم يا سمحات

اهلين بالعرائس
لؤلؤة ,سيرينا,نرجوسه
بارك الله فيكم حبايب قلبي مشكورات هلبه