:lol:Wellcome Sabayaaaaa:lol:
اهلا فيكم نورتو,,بتمنالكم قراءة ممتعه
انا صارلي فترة منيحه بتصفح مواضيع وبقرأ,,طبعا المواضيع عن التغذيه السليمة والرياضه
يعني بتقدرو تقولو صار عندي ثقافه بموضوع التغذيه
وبما اني حابه انّزل من وزني,,قررت أفتح هالموضوع لكتابة يومياتي
ومن خلال اليوميات,,بكتب معلومات ونصائح موثوقة
هيك انا بتشجع,,و غيري بيستفيد
F:
*نـظامي هو عبارة عن اساليب وعادات صحيه,,وانا صارلي فترة بحاول أطبق هالاساليب والعادات
من الامثلة:
1)ترك المشروبات الغازية و الشيبسات و الشوكولاتات
2)شرب الماء بشكل منتظم خلال النهار,,قريب اللترين
3)المحافظة على تناول وجبة العشاء بوقت مبكر
4)استبدال المنتجات كاملة الدسم,بمنتجات قليلة الدسم
5)ترك المقالي بشكل نهـــــــــــــائي
6)استعمال الدرج بدل المصعد
والخ....من العادات والاساليب الصحية اللي احنا غافلين عنها
*اضافة للعادات والاساليب الصحيه,,في اشيا لازم تدخل معدتنا خلال النهار
1)سلطة,,أي نوع,,طبعا من غير مايونيز او صوص
2)كوب عصير فريش,,من غير سكر
3)حصتين فواكه,,أي نوع ما عدا الموز والمانجو
*الشي الاساسي الثالث ب نظامي,,هو تنظيم الوقت وترتيب النوم,لانه النوم دوره كبير بـ طريقة حرق الجسم,وافضل شي نوم 8 ساعات,و الفيقة الصبح بدري !! مش عند الظهر ههه
مثلا نامي الساعه 11:00 و اصحي الساعه 7:00
خلصنا من خطوة النوم
الخطوة التانية هي الوجبات
يعني لازم بين كل وجبة والتانية فترة من 4-5 ساعات
و ضروري ناكل 3 وجبات خلال النهار
بين الوجبات ممكن ناكل فواكه,خضار,او نشرب عصير فريش
*الشي الاساسي الاخير,,هو الرياضة
الرياضة مش بالضرورة تكون بالتمارين القاسيه
يعني ممكن اول م نصحى من النوم,,نعمل تمارين رياضية بسيطه,,للبطن او للإيدين
و 3 مرات بالاسبوع,,نمشي ع جهاز سير ,, او نطلع عالسوق,,المهم مشي
و أي نوع بتحبيه مارسيه,,اهم شي جسمك يحرق و ينشد
شو رح تستفيدي لو نحفتي,,من غير ما يكون جسمك مشدود؟؟!
خلصنا من الاساسيات
و اجا دوري احكي عن حالي شوي
انا عمري 17..
وزني 64
طولي 165
هدفي الاساسي 57
وبعدين ممكن افكر لو ازيد مجهودي و انّزل وزني اكتر
بس اهم شي اوصل 57
طبعا اللي بدي انزلو,,قريب السبعة كيلو
وهالسبعة كيلو ما بينزلو بين يوم وليلة
يعني لازم وقت
ان شاء الله بقدر اوصل لـ57.قبل شهر رمضان
الفترة بتكون قريب الشهرين
وبعد هالفتره,,بتكون اجسامنا فقدت وزن بشكل صحي
و بتكون عقولنا اكتسبت عادات واساليب صحية كانت غافله عنها
..
بما اني غرقت بالكتابه,,خليني اقولكم شي
احنا البنات لما نقرر ننحف,,نجي على جوجل المسكين,,ونكتب "دايت ينحف 10 او 20 كيلو خلال شهر"
وننسخ هالدايت,,ونطبعه,,ونعلقه على باب غرفتنا,
ونرسم آمال,,
في دايتس احيانا بكونو ناجحين,,و بجد بتنحفي مثلا 10 كيلو خلال شهر
بس بعد ما يخلص الشهر,,رح ترجعي لاسلوب اكلك السابق,,اللي انتي متعوده عليه
لانه من المستحيل تبقي طول عمرك تاكلي نفس وجبات الدايت !!
و هيك وزنك اللي فقدتيه بيرجعلك,,مع شوية اضافات,,
ليش نضيّع وقت عالفاضي ؟!
خلينا نصّلح اسلوبنا وعاداتنا,,وهيك جسمنا بيتصلح
ومنكسب جسم رشيق العمر كله
غير عن هيك,,لون البشرة بيتحسن,,و الشعر بيقوى,,يعني الاكل الصحي فائدة لكل جزء بالجسم
في كمان شي بدي احكي عنه
وهو الحرمان,,!!
للاسف احنا البنات متسرعات,,
يعني لما نفكر نعمل دايت,,
كل بنت بتقول خلص بدي احرم حالي من الرز
خلص بدي احرم حالي من الخبز
بقلكم سر,,انا جربت احرم حالي من الرز فترة طوووويلة و ضليت صامدة ما يهزني ريح هه
ونحفت بشكل مش طبيعي,,و حضرت مناسباتنا السعيده وانا بجسم خيالي
بس طبعا ما قدرت استمر بحرمان نفسي !
والنتيجه الفظيعه
رجعت آكل رز بكميات خيالية متل جسمي الخيالي
وشوي شوي صار جسمي يسمن هههه
وهلا قررت أنحفه
طبعا يمكن تلاقو تناقض,,لاني قلت ببداية الموضوع انه ممنوع المقالي
بس هيك بيختلف الوضع
لانه المقالي فيها كميات كبيرة زيوت,,وحتى نكسب عادة صحيه,,لازم نترك هالمقالي
وبس
هاد موضوعي,,تعبت وانا اكتب
عصرت مخي عصر هههه
بتمنى ما حد ينقله لـ منتدى تاني !
وبتمنى تكونو استفدتو,,!
امنية اخيرة,,يا ريت لو الاقي بنوته عسل نتشجع انا وهي