تعبت من زووووجي لاتتركوني انا تعبانة

حبيبتـي .,

إنتي بنت صغيرة

وتوج في بداية الحياة ..

وكل حياتج خسرتيها علشان هـ الإنسان

شتم , ضرب , إهانات .. إلخ

شنهو إلي يخليج تتصبرين دقيقة على هـ الحياة ؟!..

ما في بينكم أي اطفال إلي بتصبرين علشانهم .. ولا أكو أي شي يملي العين سواه لج إلي بتقولين فلان يسوى ويستاهل !..

ولا .. ولا

||||

إنسان متخلف عايش ما أدري بآي عصر وأحنا بـ 2010

رجل يمد يده على حرمة ويضربها ويشتمها ويهينها

ولا فوق شينه .. قواة عينه

لا يصرف عليج مثل الناس ولا يبغي منج أطفال

والله لو مكانج هجيييييييييييييت

بدون ما أحس لنفسي

لأن غريزة الحرية والأمان بكل بني آدم ما بتخليني أستحمله دقيقة وحدة

دام وصلت لهـ المواصيل كلها

غلطانة ثم 60 غلطانة

تقعدين في بيته دقيقة وحدة بعد

||||

مو أهو يروح الشغل ؟!..

حزة ما هو في الشغل دقي على أهلج وأشكي لهم حالج ..

أمج , أبوج , أخوج , أختج

أي أحد ممكن يحس فيج

وإذا حسيتيها بتكبر وممكن يعرف ويآذيج

إنتظري أقرب زيارة لأهلج

دشي بيت أهلج ومن بعدها لا تطلعين معاه وترجعين البيت لو على جنازتـج

قولي لأهلج عن كل عمايله فيج

من ضرب وإهانات وشتايم وبخـل وتقصير ..

قولي لهم إما يعتدل ويصير رجل ينشد فيه الظهر

إما ما أرجع له لو شنهو ما كان يكون !..

لأن الحياة تحت ظله .. تتسمى تعذيب وموت بطيء

||||

وإنتي مب بايرة ولا قاصرج شي

توج بنوتة عمرج 23

وعادي لو تطلقتي تكملين دراستج وتشوفين حياتج ويتقدمون لج أولاد الحلال

إلي أفضل منه بآلف مرة .. ويعوضج ربي خير .. وبديل عنه !..

وحتى لو رجعتي له

حطي مسآلة الدراسة شرط أساسي , للرجوع

إنتي من حقج ومن أبسط حقوقج أصلاً

تشوفين حياتج وتتعلميـن

إذا هو عايش في جهل وظلام

من حقج تشوفين النور ,

وعلى طاري الأولاد

حمدي ربج بدل المرة مليون

إنه ما يبي عيال

وإنه ربج لليوم ما كتب نصيب

لأن حرام .. حرام

تجيبن أطفال من هـ الإنسان

بعدها تندمين ندم ما بعده ندم

وماكو أي تعويض عن ندمج

مو كفاية إنج ضحية إلي هذا الزواج

بعد تبغين تخلين اطفالج ضحايا

أوعيييييييييييك .. ثم أوعييييييييييك

تنجبين منه ,

حتى لو أضطريتي إنج تاخذين حبوب أو موانع

لأن حرام تربطين نفسج في هـ الوقت الراهن

بإنسان مثل هـ الإنسان

||||

والله شقولج !..

عورتي قلبي

مهما كنتي ومهما سويتي ومهما رددتـي

إنتي بنت إنتي زوجته إنتي حلاله

لازم ما توصل فيه المواصيل لضربج وشتمج وإهانتج

وغير جذي مقصر عليج بـ كل شي

بـ الله شمعتبرج ؟!..

إنتي بنت ناس

وأهلج إلي ربوج صغيرة

ما بيعجزون عنج كبير صدقيني والله

بس أهو مستصغرج لأنج ضعيفة ولأن ما وراج لا ظهر ولا سند ولا عزوة

بس إنتي راويه منهو إنتي

وإثبتي له نفسج

فإما يعتدل

فإما بلاها هـ الزيجة إلا ما تجيب إلا الهم والغم والمرررررررض

||||

ربي يوفقج إن شاء الله