اختي بتدمر مستقبل اخوي ساعدوني بحل مافي وقت,, (مستجدات المشكله صفحه 6)

ما يصير جذيه لازم تكلمون اختكم وتفهمونها ان الشي الي اتسويه غلط
وبالي تسويه بتخرب حياة اخوها وسعادته عقب ما حصل البنت الي يتمناها
وخل اهو يكلمها بالطيب ويوقفها عن حدها لان البنت مالها ذنب بلي يصير
وخل اتغير رقمها احسن

والله يعينكم

تعبنا معاها واحنا نهزئ فيها ويوصل للضرب احيانا بس مافي فايده والبنت ماغير نرقع معاها

اتمنى القى حل عندكم

لانه مسويه توتر ببيت اهلي وخايف البنت تطفش

بصراحه اذا البنت اطفشت ما تنلام اذا هاي بدايتها ضرابه وحشره وهي بعيد كيف لما تكون معاكم بنفس البيت اختج لازم حد يفهمها ويوقفها عند حدها والله يسهل عليكم

مشكوره ياويب ونا ابي طريقه اوقفها فيها بس ماعرفت

فرحه خطيبت اخوي لسا ماتمت الملكه يعني مايقدر يكلمها مافي الا حنا خواته نكلمها ونرقع واخاف اقولها وترفض تجلس بالبيت بسبب اختي او ترفض بعد
ودي الاقي حل اركد فيه اختي
هي عارفه انه اذا غثت خطيبته بينغث اخوها بقوه لذلك هي تسوي كذا

الغالية بصراحة من غير ما تتحسسين أو تزعلين مني البعد عن اختج إذا كانت بهذي المواصفات عصبية ومزاجية افضل من انها توصل لموضوع أكبر وانا اشوف اخوج عنده حق ... الغالية اخوج ما طلع اليوم والبنت كانت بنت حلال والله راضي عليها ووافقت انها تسكن معاه راح تطفشها اختج ... وما في حد بيقدر يتحمل الاهانة حطي نفسج مكان هذي البنت الغالية هل بترضين بأخت زوجج تهينج وتذلج بعصبيتها ومزاجها االمتقلب إذا انتوا فلتوا عليها هذا الشي كيف تتوقعون بنت الناس بتتحملها ... الغالية انا من وجهة نظري اشوف ان أخوج يطلع بالطيب ويظل بعيد لانه باجر ما راح يرضى وراح يطلع بهواش ونقرة ومشاكل وراح يكون انقسام كبير في العائلة مما راح يأثر أكثر وأكثر بصحة امج لانها هي اللي راح تعاني مب من طلعة ولدها وبس من المشاكل وما تعرفين كيف راح تكون ردة فعل بنت الناس زوجة اخوج باجر توقعي تطلب الطلاق ... توقعي تصير لئيمة من ردة فعل اختج ... توقعي تدخل اهلها وتكونون علج بحلوج الناس ... وتوقعي حتى انها بطريقة غير مقصودة تكره اخوج فيكم من كثر الضغوط اللي داخلها ... فيا الغالية بنت الناس من حقها بيت لحالها منعزل لاني في هذا القسم كنت اشوف اكثر مشاكل الزوجات والحريم من السكن المشترك ...

فخلي اخوي وحرمته يستخيرون وانتوا بعد وتوكلوا ع الرحمن ... وأهم شي الغالية ما تشترطون ع حرمة أخوكم شي لان اولا او اخيراً هذا شي يرجع لها ولزوجها .... والله يستر عليهم وعليكم

سامحيني الغالية ان كانت صراحتي ما عجبتك بس ما حبيت اني اجامل وهذا القسم حساس ما يتحمل المجاملات

العتب

وامي تعبت وهي تكلمها ومافي فايده ومن احد يكلمها طارت ومسجت لخطيبة اخوي باشياء اعوذ بالله

حبيبتي انا قصدت ان اخوك يكلم زوجته بعد الملكه وبعد ما يتعودوا ع بعض , يقولها بين الكلام , ترا اختي فلانه مزاجيه وعصبيه فلا تاخذي بخاطرك منها وطنشيها دايما وبس

لا بالعكس العتب كلامك صحيح واكيد اتوقع بيصير ذا الشي
وانا بعد مارضاها على نفسي انهان ومارضى عليها لانها مهما كان بصير عمة عيالها
بس كيف الين راس اختي كيييف يعني لو تهدى اختي بيصير الوضع زين

ايه فرحه فهمت عليك بس انا خايفه تطفش البنت ومايتم الزواج

يعني تطفش قبل حتى نملك

بصراحه اختج غريبه لهدرجه تبا تشوف اخوها زعلان ليش ما يقعد اخوج معاها ويتكلم ويفهمها انها مالها اي شغل بخطيبته ولا تقعد تغثها والله يهديها

اخوي كلمها بالطيب وزادت وردت عليه بنذاله وماتحمل عصب عليها
هي تبي تغثه هي اختي الله يهديها احنا اذا بتغثنا تضرب عيالنا وهو بخطيبته وكذا
تعبت ودي الاقي حل

صراحة حركات اختج اعذريني حركات جهال يعني شنو تكلمونها تروح تدز مسجات الى البنت
وش قصتها مع البنت اكيد البنت راح تطفش اذا من البداية جي الله يكون بعونها صراحة انتوا لازم تجوفون لكم طريقة تتفاهموا مع اختكم لانه اللي قاعدة تسويه مو عقل بنت عمرها 23 هي موفي سن مراهقة علشان نقول بعدهي صغيرة هي فاهمة وواعية وعاقلة خل تترك عن الحركات اذا هي عنده مشكلة مع اخوج البنت مالها دخل تحلها مع اخوها واني بصراحة لو مكان البنت جان اطفش اكيد ومن حقها انها تطلب بيت لحالها لانه الوضع صراحة ماينسكت عنه وخيوو اعذريني بس خلي مكانج مكان البنت وش راح تسوي اذا من بدايتها جذي ؟؟

سمحيلي بس والله ( كف يعدل راسها ) احسن حل

برائه اكيد مابرضى وانا ابي الاقي حل لان مو عاجبني وضعها
هي بنت حلال ومااشترطت حتى شقه بروحها بس حنا قلنا انها بشقه لحالها بس بنفس البيت وهي وافقت
بس خايفه بعد اللي صار ترفض وامي مالها حد
وانا مالومها رسايل اختي تغثني انا كيف هي والبنت نرقع لها وادري انها مقهوره بس تبين لنا انها عادي ومابتاخذ بخاطرها

ويب ادري انها تنرفز ومن قال ماضربناها واخوي ضربها بس لو ينفع الضرب كان اتمرينا فيه بس مو نافع
ودي الاقي حل كلاام اقوله لها وتفك البنت