الي بنات الكويت الله يخليكم فيدوني واللي يعرف عن الكويت يدخل ؟؟

فندق مارينا الكويت ( في هذا الفندق ممكن تحجزون لكم يخت تتمشون فيه بالبحر و يوديكم لأي جزيره كويتيه .. و هالشي حلو أما بالصيف أو بالربيع )

هلا حبايبي حياكم الله ياعرايس انا راح اعطيكم فكره بسيطه عن اهم الاماكن بالكويت:
المجمعات:الكوت _ المنشر _ البيرق _ ويمهم فندق روتانا وايد حلو وراقي والواجهه اللي اهناك وايد حلوه وفي بعد مطعم مغربي بابراج عاليه وغاليه اسمه مطعم مراكش هذا كله بالمتناطق العاشره
نكمل المجمعات؛ طبعا الالافينيوز احلى مجمع بالكويت وفي مطاعم جدا راقيه وقعدات بره تهبل بس الجو مايساعد وايد حررررر:) يعني قاعده امدح هههههههه يالله نكمل وفي مجمع 360 درجه وايد راقي هالمجمع يقع بجنوب السره بالزهراء:) وسوق شرق ومرينا والفنار ومجمع ديسكفري كله العاااب يهبل:) يصير بجانب صالة التزلج وفي بعد الصالحيه كله ماركات والرايه بعد كله ماركات واسواق الكويت مشالله ماتخلص الفروانيه كلها اسواق ومجمعات تخصص العبي والدراريع وحولي كلها مجمعات وفحاحيل هم كلها مجمعات واسواق بكل مكان عندنه اسواق وكل المستويات
المطاعم؛طبعا كل مجمعاتنه فيها مطاعم واالمطاعم وايد حلوووووووه وفي مطاعم عالبحر مثل برج الحمام وميس الغانم ولونتر وشارع الخليج كله مطاعم حلوه وراقيه وفي بعد البدع طبعا مكان راقي وكله مطاعم وكافيهات وبينهم فندق موفمبك هالمكان وايد حلوووو وفي مطهم ايام زمان اكله حلوووووو وفي قيصر ومغل محل واورينتال كلهم بالسالميه يم بعض يصيرون ورى سوق السالميه وفريج صويلح هم بالسالميه وفي مطعم ببرج نصار بالديره بجانب فندق شيراتون وايد حلو اهوه مطعم ايطالي والمطاعم الامريكيه بكل مكان وعموما شارع الخليج كله مطاعم في الكشخه وفي العادي وفي الوجبات السريعه واتمنى اكون افدتكم:)

هلا حبيبتي كل اللي قالتهم الاخت كندريه حلو وبزيدج دامج رايحه بالصيف لازم تروحين شاليهات خليفه او شاليهات الخيرات لان حيل حلوة سواء من القعده والا من النظافه والا من القعده عالبحر والشوي وحلو لان فيه حمامات سباحه داخليه بالشاليه
وعندج حق شي تراثي وسهره عائليه سوق المباركيه كله قعدات وشيشه ادا زوجج يحب الشيشه واسواق
ومطعم البلد حلو في بوفيه ريوق وغدا وعشا

ياهلا فيج بديرتج الثانيه الكويت من ناجيه الفنادق عندج فندق كوستا ديل سول بالسالميه يطل على بحر الخليج روعه شويه عليه وعندج فندق ريجنسي عالبجر وفندق مرينا وفندق النخيل واااايد فنادق بس ذكرتلج بعضهم ومن ناجيه الاسواق عندج مجمع الافنيوز ويعتبر اكبر مجمع بالشرق الاوسط ومجمع 360 حلو ويديد ومجمع مرينا مول والكوت والمنشر اما الاسواق الشعبيه تلاقينهم بالديره مثل المباركيه والمطاعم عندج مجموعه مطاعم حلو تلاقينهم بمرينا كرسنت عالبحر ومطعم التيتو ايطالي وماكي ياباني عند المرينا عالبحر ومكانهم حيل حلو لانهم يعتبرون داخل البحر وفي جسر بين الشاطئ وبينهم والمأكولات الهنديه عندج مطعم الفايز وقيصر ومغل محل واوفنتي بالاس واورينتال جده اكلهم عجيب بالسالميه واذا تبين اماكنهم بالضبط دقي على البداله واخذي رقم المطعم ودقي عليهم يقولونلج وين مكانهم بالضبط وهذا رقم بداله المطاعم 1808044 والاماكن الترفيهيه عندج المركز العلمي عالبحر حلو فيها سينمات عن البحر والديناصورات واشياء كثيره وعندج الاكوابارك مدينه مائيه فيها ايام للنساء وايام للعائلات وعندج قريه المسيله المائيه هم ايام عائلات وايام نساء وعندج المدينه الترفيهيه وحديقه الشعب الترفيهيه ومرح لاند وحولي بارك

يحلو الكويت