ظروفي وحساسيتي من الناس

السلام عليكم ورحمة الله وبركاته
ياعرايس انا متضايقة من نفسي
انا للاسف حساسة جداً جداً جداً بكل ماتعنيه هذه الكلمة من معنى وهذا مسبب لي مشاكل مع الناس
طبعا حساسيتي هذه سببها اني وحيدة أمي وأبوي واصغر اخواني (نحن 5 اولاد وبنت) طبعا انا كنت الدلوعة لحد ماجا اليوم اللي فقدت فيه كل دلعي (يوم موت ابوي الله يرحمه ويغمد روحه الجنة) بعدها حياتي انقلبت , اخواني صاروا متغيرين بحكم انهم خايفين علي وعشت عند واحد من اخواني انا وامي ومع زوجته , ومايحتاج احكيلكم عن المشاكل اللي كانت موجودة لحد ماجا اليوم اللي خطبني فيه زوجي (عن طريق زوجة اخوي) بس هي تنكر واللي قالي زوجي , المهم ربي الحمد لله عوض صبري وزوجي الحمد لله عمل زواج مرة حلو وبيتي ولله الحمد طلع احلى من بيوت اخواني , بس والله انا ماكنت افكر هذا التفكير , كنت اتوقع اني بعد مااتزوج اشوف اخواني رايحين جايين علي واولادهم عندي يعني الامور تتعدل , لكن للأسف الامور تعقدت , و صارت المشاكل اكثر وكل كلامهم هاذي احسن مننا , وزاد الطين بله لمن اتوظفت وظيفة مرموقة , تعرفون اخوة يوسف والله يمكن اهون .... المهم الان نحن في قطيعة لااشوفهم ولايشوفوني . وامي المسكينة عند واحد من أخواني في ديرة ثانية طبعا مااقدر ازورها عشان لاتصير مشاكل (مرة سافرت وانا حامل تصدقون اخوي طردني ليش؟ عشان زعلت بنته وهي عمرها 6 سنوات) المهم ماعندي خوات ولااحد اقدر ازوره , الحمد لله ربي رزقني هالوظيفة والا بالله ايش كان صار فيني؟
بالله هذا وضعي تتوقعون اطلع انسانة اجتماعية؟ او اني اعرف اتعامل مع الناس؟
الشي اللي احس اني اقدر امشي مع الناس فيه هو الرسمية , غير كذا ماعندي ولاصديقة مخلصة اقدر افضفض لها ...
كان عندي صديقة والله كنت ادور لها الاعذار لمن اشوف منها موقف مو حلو بس عشان الاقي احد اتكلم معاه بس للأسف لمن ربي اعطاها شافت نفسها علي (انا اعذرها بالله وايش تبغي بوحدة مليانة هموم و عقد)
حبيت انكم تشاركوني همي , وبصراحة متضايقة ماعندي احد اتصل عليه او اكلمه بس حبيت اتكلم معاكم