قصة ولاااادتـــي بنور عيني " ميره"

السلام عليكم ورحمة الله وبركااااته

اليووم حبيت أنقل لكم قصة ولاااادتي بنور عيني "ميره" الله يجعلها ذريه صالحه إن شاء الله’’’

موعد ولادتي كان المفروووض بتاريخ 23-3-2010م ،، حسب الألتراساوند وطريقة العد ــ ولكن صار بتاريخ 7-3 أختكم كانت رايحه الدوووام وكنت عادي جداٌ ماكنت أحس بشيء _ وكنت أسولف مع زميلتي في العمل عن الولاده وكيف تصير الولاده ومن هالسوالف:D فجأه أحس بإفرازات مثل "الماي" وكنت أعتقد أنه افرازات عاديه لحد ماتطور الأمر صار ينزل واااايد وأروح الحمام وأرد المكتب ع بااااالي بعدني ع الولاده "":badly: بعد ما شفت الأمر تطور رحت لمديرتي أخبرها بالموضووووع مسكينه خاااافت :-o وقالتلي لازم تروحي للمستشفى يمكن تكون ولاده وأنا أقوللها لاااا بعدني ع الولاده,,
المهم // الساعه 12 ونص الظهر رحت البيت وخبرت أمي بالموضوع وقالتلي بعدج عن الولاده وخلتني ف البيت لحد الساعه 1 بالليل شفتوا كيف؟؟ وأختكم تعبااااانه وأبا أروووح المستشفى:confused:
رحنا المستشفى وكشفت علي السستر إلا تقولي 1سم ،، وأنا :hysterical: الله يعين _ قالتلي لازم تترقدي فالمستشفى عشان نشوف حالتكــ لأن الماااي خطير إذا نشف ع الجنينـ،، رقدوني وكل ساعتين يسووا لي تخطيط لاعت جبدي:worn_out: منه,,
4 مرااات سوولي فحص وكله فاتح 1سم والماي ينزل // المهم/ ع الساعه 12 بالليل تقريبا سوولي طلق صناعي "ياويل حاااالي منه" تعبني ودوخني
وطلق ورا بعض وتخطيط وبعد معاناه ياتني الدكتوره الكبيره وسوتلي فحص إلا إيدها مثل الكره من سمنها,, وقالت الرحم فاتح 4سم والراس فوق والماي ناشف ولاززززم قيصري وأنا هني :lol: بفتك من الألم ع باااالي القيصري سهل.. نزلوووني لغرفة العملياات وووااااي تخرع وبنجوني كامل ومادريت بشيء إلا وهم يصفعوني ع ويهي يبوني أقوم ,,,
ربيت الساعه 3:47الفجر وطلعت أحلى مياري بالسلامه بعد معاناه الحمد لله’’’ وشفتها الساعه 9 صباح,,

أدعولي ودعواتكم الطيبه لبنتي بالهدايه ’’