أبا حل لمشكلتي

أختي الكريمة ،
مع إنج ما ذكرت نوعية التصرفات اللي تسويها مرة أخوج وتشوفينها ظالمة ،
لأن ممكن تكون تصرفاتها عادية ، لكن إنت تشوفينها من منظور ثاني بسبب مواقف مسبقة بينج وبينها ،
والدليل كلامج :

هي تمثل عمرها بريئة ولكنها ظااااااااااالمة

طبعاً أنا ما أشكك بكلامج اللي ذكرتيه ، ولكن حللته بناء على مفرداتج وألفاظج ،
وأتمنى ما تفهميني غلط ،

لكن نصيحة سريعة :
- حقريها ولا تردين عليها ،
- حاولي كثر ما تقدرين تكتمين غيظج ولا تستفزج إن كنت تشوفين إن تصرفاتها مستفزة ،
- حاولي تكونين باردة الأعصاب ، ولا تبينين لها شعورج حتى لو كنت تغلين من الداخل ،
اممممممممممم عليج بالدعاء ، وشغلي سورة البقرة في البيت ، لأن أخذها بركة ولا تستطيعها البطلة ،

والله يكون بعونج ،

F:

حبيبتي الموضوع سهل للغاية ولا تقهرين نفسك ابدا

انت تقولي الي يقهرك انه ما تسلم ع امك ولا تكلمها مع انكم بنفس البيت , عادي حبيبتي الله يحفظ لك امك شو انتم محتاجين لسلامها ولا شو ؟ لا طبعا

فخليكم ريلاكس سلمت كان بها ما سلمت هي الخسرانه لا تعملولها حساب ومثل ما مطنشتكم طنشوها وادعولها بالهداية

واذا تقولي انها تسوي نفسها بريئة مو مشكله عزيزتي حتى انتم سوو نفسكم بريئين , ومن رأيي لا تحاولوا تدخلوا معاها باي مشاده تركوها لله وللحياة بكرة بتعلمها وتهذبها , والله يهديها

خليكم دبلوماسيين بالتعامل معاها ومع اخوك , لا يسمع منكم الا كل كلمة حلوة , و لا تدخلون ابدا بينه وبين زوجته حبها او كرها لا تدخلون الله يوفقهم

صدقيني اختي بس خلو عقلكم اكبر من عقلها , واعتبروها جاهلة بتصرفاتها والله يهديها , ولا تشدي اعصابك ولا شي كلامها وسلامها ما بيأثر عليكم فتركوها لخالقها بيهديها ان شاء الله

قلتي تريدين شي يحنن قلب اخوك عليكم انا اقولك وجربي وردي علي , اولا الدعاء طبعا , ثانيا الكلمة الطيبه مفتاح القلوب , ما عليكم من تصرفات زوجته ولا تناقشونه فيها بس اضحكوا وسولفوا معاه وعليكم باللسان الحلو معاة الي يخليه ينجذب لكم ووضحوا له انكم تحترموة كثير وتحبوة والى اخرة وزوجته حاولوا تتحاشوها ولا تدخلون بصدام معاها ابدا خل تعاملكم سطحي وصدقيني خلو علاقتكم باخوك منفصله عن علاقتكم بزوجته ولا تتأثر بهالشي ولا تصدعوه بخلافاتكم معاها ولا تظهروا له انكم ما تحبوها بالعكس قولوا له انكم تعدوها وحدة من اخواتكم والله يصلح حالكم

موفقه حبيبتي