اليوم جيت أحكي إلكن حكاية حملي وولادتي بخفيف الظل نور عيني (( صادق ))
بعد 4 سنوات من ولادتي المؤلمه ببنين ... رحت الحج ورجعت الا اني حامل خخخخ
وصادني نزيف من التعب وأجهضت..ز وبعدها ببكم شهر حملت.. وكان الحمل سليم
ومتابعه مع الدكتوره في الخاصومشتني على كورس اسبرين للشهر الثالث وبعض المضادات والادويه حتى ماافقد الحمل،، ووعدتني بعملية ربط لعنق الرحم وقبل عملية الربط فحصتني الدكتوره الا اتقول لي آسفه ما بقدر اسوي لك عملية ربط ليشش؟؟؟ اتقول لي احد الاجنه نبضات قلبه ضعيفه واحتمال يموت (( كنت حامل بتوأم)):oواذا مات راح يتأثر الثاني
لانهم من مشيمه وحده فحرام انتعبج انسوي لج عملية ربط،، اهني تعبت النفسيه
ياربي اني شسالفتي ويا الحمل .. قالوا ليي اهلي خلنا نغير جو ونسافر .. طبعا مااقدر اسافر مكان بعيد قلت خل اروح عند اهلي السعوديه واقعد لي كم يوم يمكن تتغير نفسيتي،، رحت وقعدت اسبوع ويوم قررت اجي البحرين نمت وقعدت على نزيف ،، وأخذوني على مستشفى الولاده بالاحساء وسوو لي التراساوند قالت ليي الكتوره عندكم اجنه 2 وميتين .. ذيك اللحضه سبحان الله لا صحت لا تكلمت بس نطقت بكلمتين الحمد لله .. الله يعوضني خير..وتعبت من الطلق الصناعي ولا نزلوا آخر شي سوو ليي بنج كامل وشفطوهم وكانو توأم أولاد 16 اسبوع
بعدها بيوم وقعت وطلعت ورجعت البحرين وعصبت عليي دكتوره من اهلي مسؤله تشتغل في مستشفى الولاده بالاحساء ما تبيني اطلع كانت تبي تعرف السبب من موت الاجنهوبعدها بسنه حملت بصادق ونفس المعاناه كنت انزف الى ان كملت الثالث وسووني عملية الربط ولازال الدم عندي الى الشهر الخامس ومشوني وبس وبعدها قعدوني في البيت وكنت اخذ ادويه عدة انواع (( مثبت للشهر الثامن وابر سيوله تنع التجلط لنهاية الشهر الثامن واسبرين
وكورس مضادات وتحاميل بس الحمل لله هالادويه وقايه ليي حتى لا امرض.. وخبرتني الدكتوره ان ولادتي لازم تكون قيصريه..لان عندي عدة مشاكل في الحمل.. وحان موعد الولاده دخلت المستشفى 2/4/2010 ويوم ثاني كملوا اجراءات الولاده ومن الصبح يوم 4/4/2010 دخلوني غرفة العمليات
اهني عاد ابتدت افلام الاكشن على قولة ربيعه....خخخخخخخخخخ
دخلت غرفة الانتظار الساعه 7 الصبح ومشوني بالسرير لغرفة العمليات شفتهم يتراكضون شسالفه اني مافيني شي.. خلوني في الممر وراحوا... واني انتظر وبعدها بساعه الا ربع
جو .. الا يقولون ليي مسامحه صادتنه حاله طارئه ومافي الا غرفتين للعمليات وحده مشغوله والثانيه اللي كنا بنسويج العمليه فيها انزين ،، وحده كانت منفتحه 7 سم ودخلت الحمام قامت تصارخ راحوا اليها الا الحبل السري طلع بره والبيبي داخل واضطروا يخلوني لان حالتي مستقه ويدخلونها.. قلت الحمد لله على كل حال يمكن بيصيدني شي والله ازله عني لاني قدمت هالبنيه قبلي..
والفليم الثاني خخخخخ
دخلوني غرفة العمليات وحطوني على السرير...جت الممرضه تصرخ ابتديتون قالوا لا .. طلعوها عجل .. شسالفه،، قالت البنيه اللي فيها توأم ليهم ست شهور بس مسكينه ولدت البنت طبيعي والولد ما شافوه الا طالع من مؤخرته وحاولت الدكتوره تدفعه واضطروا ايسوونها عمليه
وطبعا ما ميش الا الغرفه اللي اني فيها.. وهذا اني ما شغلتي الا قايمه وقاعده بدبتي وبملابسهم اللي لاتغني ولا تسمن من جوع.. وجت الساعه 10 وربع واني انتظر.. الا نادوني
ويوم دخلوني سالتهم وين دكتور البنج
الا يقولون لي كاهوا قلت اليه بسرعه رحم الله والديك بنجني لاتجي الحاله الثالثه قاموا يضحكون عليي .. لاني فعلا تعبت من الانتظار.. وبنجني نصف بنج ... وسووني العمليه وعلى الساعه 10 و43 دقيق طلعوا حبيبي ونور عيني الصادق واني اسمع صوته واصيح الحمد لله الحمد لله..
وهذي قصة حملي قبل الصادق وبالصادق وولادته
وهذي اول صوره ليه توه فريش طالع من بطني .. يعني بعده ساخن
وإذا عجبتكم القصه قيموني;)