ليش قالت لي جذي ؟؟

والله موقف صعب يعني هيه قالت لج لا تقولين واذا قلتي الاخ راح ياخذ فكره عن اخوته مو زينه واكيد راح يقولها وتصير مشكله ..
وانتي تبين تعرفين وين الصج ..
يمكن اخته حابه تخرب بينكم لان ماكو اخت تحجي على اخوه الا اذا جانت تبي تخرب علاقته بزوجته او مقهوره من اخوه وتبي تنتقم منه والله اعلم ..
على العموم انتي ممكن تسالينه بطريقه مو مباشره يعني سمعت من احد ان هالشي صار مو شرط تقولين من اختك وبكذا راح تعرفين اذا كان مظلوم لو لا يسر امورك ..
تقبلي مروري ....

ملاك العراق H;12287065:
والله موقف صعب يعني هيه قالت لج لا تقولين واذا قلتي الاخ راح ياخذ فكره عن اخوته مو زينه واكيد راح يقولها وتصير مشكله ..
وانتي تبين تعرفين وين الصج ..
يمكن اخته حابه تخرب بينكم لان ماكو اخت تحجي على اخوه الا اذا جانت تبي تخرب علاقته بزوجته او مقهوره من اخوه وتبي تنتقم منه والله اعلم ..
على العموم انتي ممكن تسالينه بطريقه مو مباشره يعني سمعت من احد ان هالشي صار مو شرط تقولين من اختك وبكذا راح تعرفين اذا كان مظلوم لو لا يسر امورك ..
تقبلي مروري ....

اي الموقف صعب ولو تكلمت بتصير مشكله :(

مشكورة على مرورج

كييوت 89;12287076:

سلآآآم

يمكن تبغي تخرب علاقتش في زوجش
تغار منش (( احسها مثل حركات حماتي واللي افهمه منها انها تغار مني )) لان ما في خت تتكلم عن اخوها
وليش قالت لش لا تقولين ليه:-#؟!! اكييييد عشان لا تنفضح
تقدرين تقولين الى زوجش انش سمعتين هالكلام من ناس ما تقدرين تصرحين بهم
وتسالينه اذا صح هالكلام لو لا^o) وبجذي بتعرفين وش نيتها:!!:

الله يوفقش

اي حسيت من كلامها انها مقهووره وكأنها تبي تنتقم من شي والله اعلم ..

اختي عن تجربة لاتتدخلين ولا شي اذا في مشكلة بينها وبين اخوها تحلها هي ولاتقولين له ولاشي مادام علاقتك زينه مع زوجك وهو كويس معاك خلك طبيعيه وكمان حتى مع حماتك خلك زينه ولا تضايقين ولا شي نصحنك لايقلب عليك زوجك ماحد ينفعك

ابعد عن الشر وغني لو
السالفه من البدايه ماتخصج
تخص الاخ والاخت
فلا تتدخلين احسن كسري الشر ولا تجيسين السالفه من طرف
عشان لا يسبب لج مشاكل ولا بعدين يقولون عنج انتي الي بديتي بالمشكله واشعلتي النار
خليج ساكته احسن
ووقت تتكلم معاج وتقول لج اخوي واخوي قولي لها انتي واخوج تنيازون انا مالي دخل :)
الله يستر عليكم يارب

اذا انتي ما جفتي الشي اللي قالته عنه اخته عليه
وما تحسين ان فعلا سواه
خلاص .. خلي يقينج بربج .. رب العالمين
وتأكدي ان مهما الانسان سوى من اخطاء وما تاب حق ربه

بيي له يوم .. وينفضح
وبعدها بتعرفين كل شي..

انا من وجهة نظري .. اتكري الامور كما كانت عليه
ومثل ما يقولون .. لا تصدق كل من تسمع .,,

العين اهيا الشاهد .,,
والله يوفقج

لالالالالالالالا لاتكلمييييييييييينة

ماعليج منها مدام انج واثقة في زوجج ماعليج من اي احد حتى لو كانت امه بنفسها تقول لج شي عنة

مانصحش تروحين تقولين سمعت من ناس ..

لأن اكيد بصر يعرف من اللي قال !!

وهني بصير لش مشكله ويا حماتش ..


اتركي الموضوع يعدي و لا تهتمين .. و لا تشغلين بالش ..

و اذا جت مرة ثانية تقولش شي ثاني عنه قولي لها مابي اسمع عنه شي !

انتي بس فكري فيها شنو هدفها من اللي قالته ؟

لا تقولين تحبش و تبي تقولش حقيقة اخوها مثلا !!

لأن لو تحبش بتتمنى لش السعاده و الاستقرار بعلاقتش ويا اخوها ..

و لو كانت جاية تفضفض !! يعني ماتعرف ان هلكلام بسبب لش مشكلة ويا اخوها أو بغير مشاعرش اتجاهه ؟

نصيحـة : لا تهتمين لكلامها و يمكن اساساً يكون الكلام مو صحيح !! و انتين متعبة نفسيتش ع الفاضـي !

موفقـة

علمتني التجارب

أن من ينقل لك كلاماً سلبياً عن أحد المقربين ، أو إساءة منهم لك " وإن كانت واقعة فعلاً " لا يفعل هذا غالباً محبة لك أو لخير

{ يَاأَيُّهَا الَّذِينَ آمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ}

و روي عن النبي صلى الله عليه وآله قوله :- (لا يبلغني أحد منكم عن أحد أصحابي شيئاً، فإني أحب أن أخرج إليكم سليم الصدر)

الأمر الذي ذكرت يحتمل أمرين لا ثالث لهما :-

أن يكون واقعاً وهنا أنصحكِ رغم هذا أن لا تسألي أو تبحثي وراءه للأسباب التي ذكرتها أعلاه ، وتذكري أنه أحياناً يكون الأمر " أياً كان " حدث فعلاً لكن مسبباته وظروفه حينها مختلفة وإن بدت لنا دونها ساء الأمر واتخذ شكلاً مختلفاً عما هو عليه في الواقع

وما دمتِ لم تري شيئاً يدل على ما ذكرت ، وما يظهر لكِ وما اعتدتِ عليه مخالفاً له لما تبحثين وتشغلين ذهنكِ وتسممين نفسيتكِ ؟؟ دعي الأمور كما هي
وإن كان هناك شيء يستحق أن تعرفيه ستعرفينه مؤكد فلا يوجد ما يختفي للأبد ... لكن فلتكن ثقتكِ بزوجكِ أكبر من قيل وقال ... أوليست الثقة أحد أعمدة الحياة الزوجية السليمة ؟؟؟

وربما يكون مختلقاً وإن ذكرته أو واجهتِ زوجكِ بما قيل تكونين أوقعتِ نفسكِ في عدة إشكالات

1. اظهرت عدم ثقة تجاه زوجكِ

2. خلفت وعداً قطعته ووعد الحر دين

3 . أفسدت علاقتكِ بحماتكِ بإظهار نفسكِ كواشية

4. أوغرتِ صدر أخ على أخته


برأيي في كلتا الحالتين صدق الأمر أم لا ... الحكمة والصواب يقتضيان أن تتناسي ما قيل وكأنه لم يكن

شي صعب

بس في طريقة تخلينه يعرف طريقة مب مباشرة

انج تاخدي دفتر وتكتبي فيه الي بخاطرج مثل مذكرة يعني

تكتبين فيه شصار معاج والسالفة كااامل وتكتبين بعد كلام حلو عنه وانج واثقة فيه مثلا وانج ما تحبي تفتحي شي قديم معاه انزين وتكتبي بنفس الوقت انج تفكرين ودايم تحاتين ليش قالت هالكلام

وعقب ما تكتبي هذا كله سوي نفسج نسيتي الدفتر في الغرفة مفتوح على هاي الصفحة

وشوفي؟؟


واذا تبين رايي انسي الا قالته لج
خصوصا اذا كان هالشي قبل الزوااج
هذي دفاتر ماضية لا تعيديها وتخربي على نفسج

اشكر كل وحده دشت وردت على موضوعي ربي يفرح قلوبكم ويوفقكم ياارب

بصراحه اللي سوته مو سهل لأنه البارحه ماعرفت انام من التفكير وحتى مو قادره احط عيني بعين زوجي هو مايرضى عليها وهي قاعده تتشكى على اخوها !! وانا ماكلمته ولا راح اكلمه واذا هي قصدها تخرب بيني وبين اخوها الله يحاسبها

3y0_0ny;12289663:
اشكر كل وحده دشت وردت على موضوعي ربي يفرح قلوبكم ويوفقكم ياارب

بصراحه اللي سوته مو سهل لأنه البارحه ماعرفت انام من التفكير وحتى مو قادره احط عيني بعين زوجي هو مايرضى عليها وهي قاعده تتشكى على اخوها !! وانا ماكلمته ولا راح اكلمه واذا هي قصدها تخرب بيني وبين اخوها الله يحاسبها

هذا الكلام السليم وكلام العقال

واتمنى انك ما تسمحيلها تتكلم على زوجك ولا حتى تسمعي عنه بشي غير طيب ..

الباب اللي يجيك منه الريح .. سده واستريح

لااا ياعمري لاااااتقولين له اي شي وانسي الكلام الي قالته اخته عنه ترى مو كل اخت اخت ديري بالك وماتدرين شنو اطباع البنت يمكن لو تكلمتي وقلتيله تقلب الكلام عليك وتصير مشااكل ماله اول ولا اخر انسي الكلام وان حاولت ثاني مره تشوف ردت فعلك وهل قلتيله او لا سوي روحك نااااااااااسيه السالفه وانه ماتهمك هالخرابيط وقوليله يريت لو في شي يخص زوجي لاتقولينه لي لان اهو لو يبي يقولي فانا ماحب ادوخ راسي بسوالف تخصكم ..طبعا احنا ماندري شنو الموضو ع الي دار او السوالف الي قايلته لك عن ريلك بس حاولي تفهمينه انه الي تقوله وتسويه موصحيح
موفقه وتقبلي مرور اختك ام زهراء