السلام عليكم اخواتي العزيزات،،
تعرضت لمشكلة خلال الأسبوع إلي طاف، واريد نصائح منكم...
عرفت ان زوجي خاني، واجهته واعترف لي، وقال لي اني كنت الغلطانة لأني كنت مقصرة وياه عاطفيا وجنسياً (كلامه عدل) كنت جذي، واعترف بغلطي.. وطبعاً بحكم حبي له، رديت له وهو وعدني واقسم لي بعدم تكرار هالشي، وطبعا انا تغيرت 180 درجة، صرت معاه اكثر من زوجة.. وهو مستانس حاليا وياي وايد، ولله الحمد...
طيب الحين تسألون شنو المشكلة، المشكلة يا عزيزاتي، اني ما اقدر انسى، ما اقدر اثق فيه، ما اقدر اسامحه، اريده يذوق إلي ذقته من مرارة، انا الجمال والدلع زوجي يخوني، ومع من مع وحدة ما تسوي فلس، حطمني وكسرني،، ما ابين هالشعور جدامه ولا جدام اي احد لكني داخليا اموت كل يوم واحيا الف والف مرة.. ما اقدر حتى ابكي من القهر..
خواتي، نصحوني، الله ينور طريقكم.. شسوي عشان اتخلص من هالشعور...
تحياتي لكن،،
شمس العراق
شمس العراق